U Myntri Sorkar Pdeng ba dei khmih ia ki tnad Information and Broadcasting bad Parliamentary Affairs, Dr. L. Murugan, u la ai jingkren ia ki lad pathai khubor ha New Delhi shaphang ki jingjop hapoh ki 100 sngi jong ka samoi ba lai jong u Myntri Rangbah Duh, Narendra Modi.

T 15 Lak klur ka jingbei tyngka na ka bynta ka roi ka par ia baroh

Kine ki jingjop ki dang ialam lynti ia ka ri sha ka thong Viksit Bharat. “Hapoh tang 100 sngi, T 15 lak klur ka dei kaba la bei tyngka ha ki jingdon jingem, ka kam rep, ka roi ka par jong ki longkmie bad ka jingkyntiew ia ki Scheduled Tribe (ST), Scheduled Caste (SC), Other Backward Class (OBC), bad kiba duk ba suk”, la ong u Myntri. U la kren ruh shaphang ki jingkiew shaphrang ha ka kam rep, ki jaka nongkyndong, kam rel, jingpyniasoh lyngba ki liengsuin bad ki kad lieng.

Ka jingpynkhlain ia ka kam rep bad ka jingpynkupbor ia ki longkmie

T 3 lak klur ka dei kaba la bei tyngka ha ki jingdon jingem ha kine ki 100 sngi, da kaba peit bniah ia ka kam rep. “Ia ka Minimum Support Price (MSP) la kyntiew na ka 5% sha ka 12.7% bad shuh shuh, T 20,000 klur na ka bynta kaba 17 jong ka skhim PM-Kisan ka dei kaba la dep sam sha 9.3 klur ngut ki nongrep,” la ong u Dr. Murugan. Shuh shuh, la dep sanction 3 tylli ki iing na ka bynta ki longkmie ha kylleng ka ri kaba la pynkupbor ia ki, ha kine ki 100 sngi ba nyngkong.

Ki mawmer jong ka Tamil Nadu: Ki rel Vande Bharat, jingbei tyngka ha ki kad lieng bad jingkiew ha ka teknoloji

U Dr. L. Murugan u la ong ba ha Tamil Nadu, la dep sanction ar tylli ki rel Vande Bharat bad la plie paidbah da u Myntri Rangbah Duh, Narendra Modi hapoh kine ki 100 sngi ha kaba kawei ka dei na Chennai sha Nagercoil bad kawei pat na Madurai sha Bangalore.

Ha Tuticorin, ka kad kaba thymmai ka la ioh ia ka jingbei tyngka kaba T 7,000 klur kum shi bynta ka jingpynkhreh kam ia kine ki 100 sngi, bad la wanrah sa 11 tylli ki nongbah ba thymmai hapoh ka jingpyniar FM channel. Ka Tamil Nadu ka don ruh ia ka bynta kaba heh ha ka Semiconductor Mission, bad ka noh synniang ha ka jingkiew ka ri ha ka teknoloji. Ha ki kam ba iadei bad ka jingri dohkha, la dep sdang ia ki aqua park ba thymmai.

Kine ki jingjop ha tang 100 sngi ki pyni ia ka jingkut jingmut ka Sorkar na ka bynta ka roi ka par kaba sted ha ki kam bapher bapher da kaba peit bniah ia ka jingpynkupbor ia baroh ki bynta jong ka imlang sahlang.

*****