Ka Tnat Kam Pohiing jong ka Sorkar Pdeng
azadi ka amrit mahotsav

Rai ka Sorkar ban pynkyrteng ia ka nongbah jong ka Andaman & Nicobar Islands na ka Port Blair sha ka "Sri Vijaya Puram”

Pynbna u Myntri Sorkar Pdeng ba dei khmih ia ki tnad Kam Poh Iing bad Cooperation, Amit Shah ia kane ka rai kaba kongsan

Da kaba ioh mynsiem na ka jingthmu jong u Myntri Rangbah Duh, Narendra Modi, ban pyllait ia ka ri na ki dak ki shin jong ki nongsynshar mynder, mynta ngi la rai ban pynkylla kyrteng ia ka Port Blair sha ka "Sri Vijaya Puram"

Katba ka kyrteng barim ka don ki dak ki shin jong ki nongsynshar mynder, ka Sri Vijaya Puram ka dei ka dak jong ka jingjop ha ka jingiakhih na ka bynta ka jinglaitluid bad ka bynta kaba kyrpang jong ka A&N Islands ha kane ka kam

Ka Andaman & Nicobar Islands ka don ka bynta kaba heh ha ka jingiakhih jong ngi na ka bynta ka jinglaitluid bad ruh ha ka histori

Kane ka dewlynnong kaba ju long teng ka jaka Pdeng jong ki kam jhad jong ka Hima Chola mynta ka don ka lad ban long ka jaka Pdeng na ka bynta ki kam kiba kongsan jong ka ri

Posted On: 13 SEP 2024 6:18PM by PIB Shillong

Ka Sorkar ka la rai ban pynkylla ia ka kyrteng jong ka nongbah jong ka Andaman & Nicobar Islands Port Blair sha ka "Sri Vijaya Puram”. Ia kane la pynbna da u Myntri Sorkar Pdeng ba dei khmih ia ki tnad Kam Pohiing bad Cooperation, Amit Shah, Ha ka post ha ka ‘X’, u Myntri Kam Pohiing u la ong ba da kaba ioh mynsiem na ka jingthmu jong u Myntri Rangbah Duh, Narendra Modi, ban pyllait ia ka ri na ki dak ki shin jong ki nongsynshar mynder, mynta ngi la rai ban pynkylla kyrteng ia ka Port Blair sha ka "Sri Vijaya Puram".

U Myntri u la ong ba katba ka kyrteng ba rim ka don ki dak ki shin jong ki nongsynshar mynder, ka Sri Vijaya Puram ka dei ka dak jong ka jingjop ha ka jingiakhih na ka bynta ka jinglaitluid bad ka bynta kaba kyrpang jong ka A&N Islands ha kane ka kam. U la ong ba ka Andaman & Nicobar Islands ka la don ka bynta kaba khraw ha ka jingiakhih jong ngi na ka bynta ka jinglaitluid. Kane ka jaka dewlynnong kaba ju long teng ka jaka Pdeng jong ki kam jhad jong ka Hima Chola mynta ka don ka lad ban long ka jaka Pdeng na ka bynta ki kam kiba kongsan jong ka ri.

U Shah u la ong ruh ba ka dei kane ka jaka ha kaba la pynher nyngkong ia ka lama jong ka ri jong ngi da u Netaji Subhash Chandra Bose bad ruh ha ka patok cellular jail ha kaba u Veer Savarkar bad kiwei kiwei ki nongiakhih ki la iakhun na ka bynta ka ri kaba la ioh ia ka jinglaitluid.

*****


(Release ID: 2054741) Visitor Counter : 35


Read this release in: English , Urdu , Marathi , Hindi , Assamese , Bengali , Punjabi , Gujarati , Tamil , Telugu , Kannada , Malayalam