প্রধান মন্ত্রী, শ্রী নরেন্দ্র মোদীনা মবাই তাংবল লৌদুনা ফমখিবা কেন্দ্রগী কেবিনেতনা লুপা করোর 3,435.33গী শেন্থং কাইথোকপগা লোইননা পব্লিক ত্রান্সপোর্ত ওথোরিতীশিং (PTAশিং)না ই-বসশিং লৌনবগী অমসুং চেলহন্নবগীদমক্তা “পি.এম.-ই-বস সেৱা পেমেন্ত সেক্যুরিতী মেকানিজম (PSM) স্কীম” অয়াবা পীখ্রে।

স্কীম অসিনা 2024-25 দগী FY 2028-29 ফাওবা ইলেক্ত্রিক বস (ই-বস) 38,000 হেন্না থাদোকপদা মতেং পাংগনি।  স্কীম অসিনা ই-বসশিং থাদোকপা নুমিৎ অদুদগী হৌরগা চহি 12 ফাওবগী মতম অসিদা ই-বসশিং চেলহনবদা মতেং পাংগনি।

হৌজিক্কী ওইনা, পব্লিক ত্রান্সপোর্ত ওথোরিতীশিং (PTAশিং)না চলাইবা বস অয়াম্বা দীজল/CNGনা চেল্লি, মসিনা অকোইবদা লৈরিবা মহৌশাগী ফিভমদা অকাইবা লাকই। অদুগা ই-বসশিংদি এনভাইরনমেন্ত ফ্রেনলী ওই অমসুং মসি চলাইবদা শেল য়াম্না চংদে। তৌইগুম্বশুং, পব্লিক ত্রান্সপোর্ত ওথোরিতীশিং (PTAশিং)না ই-বসশিং লৌবা অমসুং চলাইবা হায়বসি শিংননিংঙাই ওই মরমদি মসিদা মাংজৌননা থিবা শেনফম অদু ৱাংই অমসুং মসি চলাইবদগী লাকপা রেভেন্যু অদু য়াম্না নেম্না ফংই।  

ই-বসশিংগী কেপিতল কোস্ত য়াম্না ৱাংবা অদুবু পীবা ঙম্নবা, পব্লিক ত্রান্সপোর্ত ওথোরিতীশিং (PTAশিং)না মসিগী বসশিং অসিবু গ্রোস কোস্ত কন্ত্রেক্ত (GCC) মোদেলদা পব্লিক প্রাইভেত পার্তনরশিপকী খুত্থাংদা চেলহল্লি। PTAশিংনা GCC মোদেলগী মখাদা বসকী মমল অসি অসিবু মাংজৌননা থিবগী মথৌ তাদ্রে, মসিগী মহুত্তা OEMশিং/ওপরেতরশিংনা থাগী ওইবা পেমেন্তশিং পীদুনা PTAশিংগীদমক্তা ই-বসশিং অসিবু লৌই অমসুং চেলহল্লি। তৌইগুম্বশুং OEMশিং/ওপরেতরশিংনা ওইথোকপা য়াবা পেমেন্ত দিফোলতশিংগী মতাংদা পাখৎপনা মরম ওইরগা মসিগী মোদেল অসিদা এনগেজ তৌবদা নিংহন্নবা অমা পোকই।

স্কীম অসিনা অখন্নবা ফন্দগী খুত্থাংদা OEMশিং/ওপরেতরশিংদা মতম চানা পেমেন্তশিং তৌদুনা মসিগী অৱাবা অসিবু কোকহল্লি। PTAশিংনা পেমেন্তশিং পীরক্তবা মতমদা, ইমপ্লিমেন্ত তৌরিবা এজেন্সী, CESLনা স্কীম ফন্দশিংদগী মথৌ তাবা পেমেন্তশিং অদু তৌগনি অদুগা হায়রিবশিং অসিবু PTAশিং/রাজ্য/UTশিংনা মতুংদা অঞুক খোমগৎকনি।

মসিগী অনৌবা থৌরাং অসিনা প্রাইভেত সেক্তরনা মসিদা শরুক য়াবাবু থৌগত্তুনা ই-বসশিং শিজিন্নবা অসিবু য়োকখৎনবগী পান্দম থম্লি। স্কীম অসিনা গ্রীন হাউস গ্যাস থাদোকপগী চাং অদু শিংথানিংঙাই ওইবা মওংদা হন্থহল্লগনি অমসুং ফোসিল ফ্যুএল শিজিন্নবগী চাশু হন্থহল্লগনি। স্কীম অসিনা মসিগী স্কীম অসিদা শরুক য়ারিবা রাজ্য/য়ু.তি.শিংদা লৈরিবা পব্লিক ত্রান্সপোর্ত ওথোরিতীশিং (PTAশিং)পুম্নমক্তা কান্নবা পীরগনি।

*****