প্ৰধানমন্ত্ৰী শ্ৰী নৰেন্দ্ৰ মোদীৰ অধ্যক্ষতাত কেন্দ্ৰীয় কেবিনেটে ৩,৪৩৫.৩৩ কোটি টকা ব্যয়েৰে ৰাজহুৱা পৰিবহণ কৰ্তৃপক্ষ (পিটিএ)ৰ দ্বাৰা ই-বাছ ক্ৰয় আৰু পৰিচালনাৰ বাবে “পিএম-ইবাছ সেৱা-পেমেণ্ট ছিকিউৰিটি মেকানিজম (পিএছএম) আঁচনি”ত অনুমোদন জনাইছে।

এই আঁচনিখনে ২০২৪-২৫ বিত্তীয় বৰ্ষৰ পৰা ২০২৮-২৯ বিত্তীয় বৰ্ষলৈকে ৩৮,০০০ৰো অধিক ইলেক্ট্ৰিক বাছ (ই-বাছ) নিয়োগ কৰাত সহায় কৰিব। এই আঁচনিখনে নিয়োগ কৰাৰ তাৰিখৰ পৰা ১২ বছৰ পৰ্যন্ত ই-বাছৰ পৰিচালনাত সহায় কৰিব।

বৰ্তমান, ৰাজহুৱা পৰিবহণ কৰ্তৃপক্ষ (পিটিএ)ৰ দ্বাৰা পৰিচালিত বাছসমূহৰ অধিকাংশ ডিজেল/চিএনজিৰে চলি থাকে, যাৰ ফলত পৰিৱেশৰ ওপৰত বিৰূপ প্ৰভাৱ পৰিছে। আনহাতে, ই-বাছ পৰিৱেশ অনুকূল আৰু ইয়াৰ পৰিচালনা ব্যয় কম। অৱশ্যে পূৰ্বানুমান কৰা হৈছিল যে উচ্চ আগধন খৰচ আৰু পৰিচালনাৰ পৰা ৰাজহৰ কম প্ৰাপ্তিৰ বাবে ৰাজহুৱা পৰিবহণ কৰ্তৃপক্ষ (পিটিএ)ই ই-বাছ ক্ৰয় আৰু পৰিচালনা কৰাটো প্ৰত্যাহ্বানজনক বুলি বিবেচনা কৰিব।

ই-বাছৰ উচ্চ মূলধনী ব্যয়ৰ মোকাবিলা কৰিবলৈ, ৰাজহুৱা পৰিবহণ কৰ্তৃপক্ষ (পিটিএ)ই এই বাছসমূহক ৰাজহুৱা ব্যক্তিগত অংশীদাৰিত্ব গ্ৰছ কষ্ট কন্ট্ৰেক্ট (জিচিচি) মডেলৰ জৰিয়তে গ্ৰহণ কৰে। পিটিএসমূহে জিচিচি মডেলৰ অধীনত বাছৰ আগধন খৰচ দিব নালাগে, ইয়াৰ পৰিৱৰ্তে অ’ইএম/অপাৰেটৰসকলে মাহেকীয়া পেমেণ্টৰ সৈতে পিটিএসমূহৰ বাবে ই-বাছ ক্ৰয় আৰু পৰিচালনা কৰে। অৱশ্যে, সম্ভাব্য পেমেণ্ট বিফলতাৰ চিন্তাৰ বাবে অ’ইএম/অপাৰেটৰসকলে এই মডেলত জড়িত হ’বলৈ দ্বিধাবোধ কৰে।

আঁচনিখনে এটা নিৰ্দিষ্ট পুঁজিৰ জৰিয়তে অ’ইএম/অপাৰেটৰসকলক সময়মতে ধন পৰিশোধ কৰাটো নিশ্চিত কৰি এই উদ্বেগক সমাধান কৰে। পিটিএসমূহে ধন পৰিশোধ নকৰাৰ ক্ষেত্ৰত কাৰ্যকৰী সংস্থা চিইএছএলে আঁচনিৰ ধনৰ পৰা প্ৰয়োজনীয় ধন পৰিশোধ কৰিব লাগিব, যিবোৰ পিছলৈ পিটিএ/ৰাজ্য/কেন্দ্ৰীয় শাসিত অঞ্চলসমূহে আদায় কৰিব।

এই পদক্ষেপে ব্যক্তিগত খণ্ডৰ অংশগ্ৰহণক উৎসাহিত কৰি ই-বাছ গ্ৰহণৰ সুবিধা প্ৰদান কৰিব বিচাৰে। এই আঁচনিৰ জৰিয়তে সেউজ গৃহ গেছৰ নিৰ্গমন যথেষ্ট হ্ৰাস পোৱাৰ লগতে জীৱাশ্ম ইন্ধনৰ ব্যৱহাৰো হ্ৰাস পাব। এই আঁচনিৰ জৰিয়তে ৰাজ্য/কেন্দ্ৰীয় শাসিত অঞ্চলত উপস্থিত থকা সকলো ৰাজহুৱা পৰিবহণ কৰ্তৃপক্ষ (পিটিএ)ই আঁচনিখনৰ বাবে সুবিধা প্ৰদান কৰিব।

**********

MJPS/BM