Ka Tnat Kam Pohiing jong ka Sorkar Pdeng

Ong u Myntri Sorkar Pdeng ba dei khmih ia ki tnad Kam Pohiing bad Cooperation, Amit Shah ba kum ka jingbuddien ia ka jingthmu jong u Myntri Rangbah Duh, Narendra Modi, ka tnad Kam Pohiing ka la kut jingmut ba ka kam cyber ha ka ri kan long kaba shngain

Ka Indian Cyber Crime Coordination Centre (I4C) ka la shim shibun ki sienjam ban pynlong ba ki kam cyber kin long kiba shngain

Ai jingsngewnguh u Myntri ka tnad Kam Pohiing ia u aktor ba pawnam Amitabh Bachchan uba la iashim bynta ha ka jingpynsted ia ka jingtei ia ka Bharat kaba shngain ha ki kam cyber

U Amitabh Bachchan ha ka video message u la ong ba ka I4C ka trei khlem shongthait ban tehlakam ia ki kam cyber beain ha ka ri

La iasnohkti ha kane ka kam hadien ka jingkyntu jong u Myntri ka tnad Kam Pohiing Amit Shah, ong u Amitabh Bachchan

Posted On: 11 SEP 2024 3:16PM by PIB Shillong

U Myntri Sorkar Pdeng ba dei khmih ia ki tnad Kam Pohiing bad Cooperation, Amit Shah u la ong ba kum ka jingbuddien ia ka jingthmu jong u Myntri Rangbah Duh, Narendra Modi, ka tnad Kam Pohiing ka la kut jingmut ba ka kam cyber ha ka ri kan long kaba shngain.

Ha ka post jong u ha ka rynsan ‘X’, u Amit Shah u la ong ba ka Indian Cyber Crime Coordination Centre (I4C) ka la shim shibun ki sienjam ban pynlong ba ki kam cyber kin long kiba shngain. U Myntri u la ai jingsngewnguh ruh ia u aktor ba pawnam Amitabh Bachchan uba la iashim bynta ha ka jingpynsted ia ka jingtei ia ka Bharat kaba shngain ha ki kam cyber.

U Amitabh Bachchan u la ong ha ka video message jong u ba ka jingkiew ki kam cyber beain ha ka ri bad ka pyrthei ka dei kaba pynkhuslai. Ka Indian Cyber ​​Crime Coordination Centre, hapoh ka tnad Kam Pohiing ka dang trei khlem shongthait ban tehlakam ia ki kam cyber beain ha ka ri. U Bachchan u la ong ruh ba u la iasnohkti bad kane ka kam namar ka jingkyntu u Myntri ka tnad Kam Poh Iing, Amit Shah. U la ong ba baroh ngi dei ban iasnohkti lang ban pyllait ia ka ri na kane ka jingeh. Khyndit ka jinghusiar bad ki jingiada na ka liang jong ngi ka lah ban iada ia ngi na kito kiba leh ia ki kam cyber beain.

******



(Release ID: 2053797) Visitor Counter : 11


Read this release in: Telugu , English , Urdu , Hindi , Marathi , Assamese , Manipuri , Gujarati , Odia , Tamil , Kannada , Malayalam