وزیراعظم کا دفتر
برونائی کے سلطان کے ساتھ ملاقات کے دوران وزیر اعظم جناب نریندر مودی کےخطاب کا انگریزی ترجمہ
Posted On:
04 SEP 2024 3:18PM by PIB Delhi
عزت مآب
میں آپ کی اور پورے شاہی خاندان کی طرف سے عزت افزائی والہانہ استقبال اور مہمان نواوزی کے لئے تہہ دل سے شکریہ ادا کرتا ہوں۔
سب سے پہلے، 140 کروڑ ہندوستانیوں کی طرف سے، میں آپ کو اور برونائی کے لوگوں کو آپ کی آزادی کی 40 ویں سالگرہ پر دلی مبارکباد پیش کرتا ہوں۔
عزت مآب
ہمارے صدیوں پرانے ثقافتی تعلقات ہیں۔ ہماری دوستی کی بنیاد یہ عظیم ثقافتی روایت ہے۔ آپ کی قیادت میں ہمارے تعلقات دن بہ دن مضبوط ہو رہے ہیں۔ ہندوستان کے لوگ 2018 میں ہمارے یوم جمہوریہ کے موقع پر مہمان خصوصی کے طور پر آپ کے ہندوستان کے دورے کو بڑے فخر کے ساتھ یاد کرتے ہیں۔
عزت مآب
مجھے بہت خوشی ہے کہ میرے عہدے کی تیسری مدت کے آغاز میں، مجھے برونائی کا دورہ کرنے اور آپ کے ساتھ مستقبل کے معاملات پر تبادلہ خیال کرنے کا موقع ملا ہے۔ یہ بھی ایک خوشگوار اتفاق ہے کہ ہم اپنی دو طرفہ شراکت داری کے 40 سال مکمل کر رہے ہیں۔ برونائی کا ہندوستان کی ایکٹ ایسٹ پالیسی اور بھارت بحرالکاہل( انڈو پیسیفک) ویژن میں ایک اہم شراکت دار ہونا ہمارے لیے روشن مستقبل کا عکاس ہے۔ ہم ایک دوسرے کے جذبات کا احترام کرتے ہیں۔ مجھے یقین ہے کہ یہ دورہ اور ہماری بات چیت ہمارے تعلقات کو آنےوالے وقت میں اسٹریٹجک (اہمیت کی حامل) سمت فراہم کرے گی۔ ایک بار پھر، اس موقع پر، میں آپ کا تہہ دل سے شکریہ ادا کرتا ہوں۔
ڈس کلیمر - یہ وزیر اعظم کے ریمارکس کا تخمینی ترجمہ ہے۔ اصل خطاب ہندی میں دیے گئے۔
********
ش ح۔ش م۔ رض
U-10570
(Release ID: 2052108)
Visitor Counter : 54
Read this release in:
English
,
Hindi
,
Bengali
,
Manipuri
,
Assamese
,
Punjabi
,
Gujarati
,
Tamil
,
Telugu
,
Kannada
,
Malayalam