প্ৰধানমন্ত্ৰীৰ কাৰ্যালয়
ব্ৰুনেইৰ চুলতানৰ সৈতে অনুষ্ঠিত বৈঠকত প্ৰধানমন্ত্ৰী শ্ৰী নৰেন্দ্ৰ মোদীৰ বক্তব্যৰ অসমীয়া অনুবাদ
Posted On:
04 SEP 2024 3:18PM by PIB Guwahati
মহামহিম,
মই আপোনাৰ সম্ভাষণ, উষ্ম আদৰণি আৰু আতিথ্যৰ বাবে আপোনাৰ লগতে সমগ্ৰ ৰাজ পৰিয়াললৈ আন্তৰিক কৃতজ্ঞতা জ্ঞাপন কৰিছোঁ।
মই প্ৰথমেই ১৪০ কোটি ভাৰতীয়ৰ হৈ আপোনালোকৰ স্বাধীনতাৰ ৪০ বছৰীয়া জয়ন্তী উপলক্ষে আপোনাৰ লগতে ব্ৰুনেইবাসীক আন্তৰিক শুভেচ্ছা জনাইছোঁ।
মহামহিম,
আমাৰ মাজত শতিকা-পুৰণি সাংস্কৃতিক সম্পৰ্ক আছে। এই মহান সাংস্কৃতিক পৰম্পৰাই হৈছে আমাৰ বন্ধুত্বৰ আধাৰ। আপোনাৰ নেতৃত্বত আমাৰ সম্পৰ্ক দিনক-দিনে সুদৃঢ় হৈ পৰিছে। আমাৰ ২০১৮ৰ গণৰাজ্য দিৱসৰ কাৰ্য্যসূচীত মুখ্য অতিথি হিচাপে অংশগ্ৰহণৰ অৰ্থে আপোনাৰ ভাৰত ভ্ৰমণৰ কথা এতিয়াও মনত আছে ভাৰতবাসীৰ।
মহামহিম,
মই অত্যন্ত আনন্দিত হৈছোঁ যে মোৰ তৃতীয় কাৰ্য্যকালৰ আৰম্ভণিতেই এইদৰে ব্ৰুনেই ভ্ৰমণেৰে আপোনাৰ সৈতে আগন্তুক দিনৰ বিষয়সমূহত আলোচনা কৰাৰ সুযোগ লাভ কৰিছোঁ। আমাৰ দ্বিপাক্ষিক অংশীদাৰিত্বৰ ৪০ বছৰীয়া জয়ন্তী উদযাপনো সুখৰ কথা। ব্ৰুনেই ভাৰতৰ এক্ট ইষ্ট নীতি আৰু ভাৰত-প্ৰশান্ত মহাসাগৰীয় দৃষ্টিভংগীৰ গুৰুত্বপূৰ্ণ অংশীদাৰ হোৱাটো আমাৰ বাবে এক উজ্জ্বল ভৱিষ্যতৰ নিশ্চয়তা। আমি পৰস্পৰে-পৰস্পৰৰ আৱেগক সন্মান কৰোঁ। এই ভ্ৰমণ আৰু আমাৰ আলোচনাই আগন্তুক সময়ৰ বাবে আমাৰ সম্পৰ্কক এক কৌশলগত দিশ প্ৰদান কৰিব বুলি মোৰ বিশ্বাস জন্মিছে। আকৌ এবাৰ এই উপলক্ষে আপোনালোকৰ প্ৰতি আন্তৰিক কৃতজ্ঞতা জ্ঞাপন কৰিছোঁ।
***
MJPS/ST/SB
(Release ID: 2051787)
Visitor Counter : 20
Read this release in:
English
,
Urdu
,
Hindi
,
Bengali
,
Manipuri
,
Punjabi
,
Gujarati
,
Tamil
,
Telugu
,
Kannada
,
Malayalam