প্রধানমন্ত্রীগী লোইশঙ
প্রধান মন্ত্রী লৈঙাক্কী খোঙচৎ অমদা ব্রুনৈদা থুংখ্রে
Posted On:
03 SEP 2024 3:46PM by PIB Imphal
সুলতান হাজি সহানাল বোলকিয়ানা চেবাউ পীরকপদগী লৈঙাক্কী ওইবা খোঙচৎ অমদা ঙসি প্রধান মন্ত্রী শ্রী নরেন্দ্র মোদী বন্দার সেরি বেগাৱানদা থুংখ্রে।
হন্দক্কী খোঙচৎ অসি ভারতকী প্রধান মন্ত্রী অমগী অহানবা ব্রুনৈ খোঙচৎনি। ভারত অমসুং ব্রুনৈগী মরক্তা কুতনিতিগী মরী লৈনরকপা চহি ৪০ মপুংফারকপা থৌরমগী শরুক অমা পুৱারি ওইরবা প্রধান মন্ত্রীগী খোঙচৎ অসি পাংথোকপনি।
প্রধান মন্ত্রীনা বন্দার সেরি বেগাৱানদা থুংলবগা, চৎনবগী মতুংইন্না তরাম্না ওকপগী থৌরম অমা পাংথোকখি অমসুং
ব্রুনৈগী ক্রাউন প্রিন্স অমসুং প্রধান মন্ত্রীগী ওফিসকী সেনিয়ার মিনিস্তর প্রিন্স হাজি অল-মুহতাদী বিল্লাহনা তরাম্না ওকখি।
ভারতকী এক্ত ইস্ত পোলিসি অমসুং ইন্দো-পেসিফিক ভিজনদা ব্রুনৈ মরুওইবা মরুপ অমনি। লৈবাক অমনা অমবু ইকায়খুম্নবা অমসুং লৈবাক অনিগী ওইবা অমসুং মালেমগী ওইবা ৱাফমশিং খঙমিন্নদুনা ভারত অমসুং ব্রুনৈগী মরক্তা অফবা মরুপ-মপাং ওইবগী মরী অমা লৈনরি। লৈবাক অনি অসি চহিচা কয়াগী পুৱারি, নাত অমসুং চৎনবীগী মরীশিং লৈনরি।
*****
(Release ID: 2051350)
Visitor Counter : 33
Read this release in:
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam