কম্যুনিকেসন অমসুং ইনফোর্মেসন তেক্নোলোজী মন্ত্রালয়
DoTনা তেলিকম্ম্যুনিকেসন্স (এদমিনিস্ত্রেসন ওফ দিজিতেল ভারত নিধি), রুল্স 2024’ থোকখ্রে
মসিনা তেলিকম্ম্যুনিকেসন এক্ত, 2023গী সেক্সন 24(1)গী মখাদা শেমখিবা দিজিতেল ভারত নিধি ইনিসিএতিবকী মেনেজমেন্ত অমসুং ইমপ্লিমেন্তেসন পাঙ্গল কনখৎহন্নবা পান্দম থম্মি
অনৌবা কাংলোনশিংনা দিজিতেল কন্নেক্তিবিতী চাউখৎহন্নবা অমসুং খুন্নাইগী শরুক পুম্নমক্তা তেলিকম্ম্যুনিকেসন সর্ভিসশিং চপ মান্ননা এক্সেস ফংহন্নবা সরকারগী ফিরেপ উৎলি
“দিজিতেল ওইনা শম্নবা ভারত অমা অমসুং আত্মনির্ভর তেলিকোম সেক্তর অমা শেমগৎনবা মায়কৈদা চংশিল্লি”: কেন্দ্রগী মন্ত্রী জ্যোতিরাদিত্যা সিন্ধিয়া
Posted On:
02 SEP 2024 9:29AM by PIB Imphal
তেলিকম্ম্যুনিকেসন এক্ত, 2023(2023গী 44)গী মখাদা য়াওরিবা অহানবা কাংলোনগী সেৎ, ‘তেলিকম্ম্যুনিকেসন্স (এদমিনিস্ত্রেসন ওফ দিজিতেল ভারত নিধি) রুল্স, 2024’ অসি গেজেৎ ওফ ইন্দিয়াদা ওগস্ত 20, 2024দা ভারত সরকারগী কম্ম্যুনিকেসন মন্ত্রালয়গী দিপার্তমেন্ত ওফ তেলিকম্ম্যুনিকেসনগী ভাইদ নোতিফিকেসন নম্বর G.S.R. 530 (E)দা ফোংখি। হায়রিবা অসিগী দ্রাফ রুলশিং অসি নুমিৎ 30গী পব্লিক কনসেল্তেসনগীদমক জুলাই 4, 2024দা ফোঙখি।
দি ইন্দিয়ন তেলিগ্রাফ এক্ত, 1885গী মখাদা শেমখিবা য়ুনিভর্সেল সর্ভিস ওবলিগেসন ফন্দ অসি হৌজিক তেলিকম্ম্যুনিকেসন এক্ত, 2024গী দিজিতেল ভারত নিধি ভাইদ সেক্সন 24(1) হায়না মমিং ওন্থোকখ্রে অমসুং তেক্নোলোজিকেল তাইমশিং শমদোকপদা দিজিতেল ভারত নিধি দগী মতেং মথৌ তাবা য়াবা অনৌবা লমশিং হৌজিক কোনশিল্লি।
কম্ম্যুনিকেসন্সকী কেন্দ্রগী মন্ত্রী শ্রী জোতিরাদিত্যা এম সিন্ধিয়ানা Xতা কম্মেন্ত অমদা হায়খি অনৌবা কাংলোনশিং অসিনা তেলিকোম সর্ভোসশিংদা চপ মান্ননা এক্সেস ফংহন্নবা অমদি মসিনা ভিকসিৎ ভারত @ 2047 ফংনবা ভারতকী মিসন মপাঙ্গল কনখৎহন্নবা সরকারগী ফিরেপ অদু উৎলি।
কাংলোনশিং অসিনা দিজিতেল ভারত নিধি অসি ইমপ্লিমেন্ত তৌবা অমসুং এদমিনিস্ত্রেসন তৌবদা য়েংশিন্নবা থৌদাং লৌগদবা এদমিনিস্ত্রেতরগী শক্তি অমসুং থৌদাংশিংগী মতাংদা খংহল্লি। কাংলোনশিং অসিনা দিজিতেল ভারত নিধিগী মখাদা স্কিমশিং অমসুং প্রোজেক্তশিং পায়খৎনবা ক্রাইতেরিয়া অমসুং ইমপ্লিমেন্তরশিংগীদমক সেলেক্সন প্রোসেসসু পীরি।
কাংলোনশিং অসিনা দিজিতেল ভারত নিধিগী শেনফমশিং অসি তেলিকম্ম্যুনিকেসন সর্ভিস ফংদ্রিবা অমসুং অরাপ্পা মফমশিংদা অমসুং খুন্নাইগী শোত্থরবা কাংলুপশিং, খুদম ওইনা, নুপীশিং, দিসএবল ওইরবা মীওইশিং অমসুং শেন্মিৎলোন অমসুং খুন্নাইগী ওইনা শোত্থরবা কাংলুপশিংদা তেলিকম্ম্যুনিকেসন সর্ভিসশিং ফগৎহন্নবা পান্দম থম্লিবা প্রোজেক্তশিংদা থাদগনি।
দিজিতেল ভারত নিধিগী মখাদা শেল থাদবা স্কিমশিং অমসুং প্রোজেক্তশিংনা কাংলোনশিংদা পল্লিবা ক্রাইতেরিয়া অমা নৎত্রগা অমদগী হেনবা মপুং ফাহনবা মথৌ তাই। মসিদা মোবাইল অমসুং ব্রোদবেন্দ সর্ভিসশিং য়াওনা তেলিকম্ম্যুনিকেসন সর্ভিসশিং অমসুং তেলিকম্ম্যুনিকেসন সর্ভিসশিং দেলিভর তৌবদা তঙাই ফদবা তেলিকম্ম্যুনিকেসন ইক্বিপমেন্ত, অমসুং তেলিকম্ম্যুনিকেসন সেক্যুরিতী হেনগৎহন্নবা; তেলিকোম সর্ভিসশিংগী এক্সেস অমসুং এফোর্দেবিলিতী হেনগৎহনবা অমসুং খুঙ্গংগী, অরাপ্পা অমসুং সহরগী মফমশিংদা নেক্স জেনরেসন তেলিকম্ম্যুনিকেসন তেক্নোলোজীশিং শীজিন্নবা হৌনবা প্রোভিজনশিংগীদমক প্রোজেক্তশিং য়াওরি।
দিজিতেল ভারত নিধিগী মখাদা স্কিমশিং অমসুং প্রোজেক্তশিং পায়খৎপগী ক্রাইতেরিয়াদা ইন্নোবেসন, রিসর্স অমসুং দিবেলপমেন্ত প্রমোৎ তৌবা; করিগুম্বা মথৌ তারবদি, রেগ্যুলেতরী সেন্দবোক্স শেম্বা য়াওনা, ইন্দিজিনস তেক্নোলোজী দিবেলপমেন্ত অমসুং মসিগা মরী লৈনবা ইন্তলেকচুএল প্রোপর্তী প্রমোৎ তৌবা অমসুং কমর্সিএলাইজ তৌবা; নেস্নেল রিসর্স অমসুং মখোয়বু স্তেন্দর্দাইজেসন তৌনবা মরী লৈনবা স্তেন্দর্দশিং শেম্বা অমসুং লিংখৎপা; তেলিকম্ম্যুনিকেসন সেক্তরদা স্তার্ত-অপশিং পুক্নিং থৌগৎপা; কেপাসিতী বিল্দিং অমসুং দিবেলপমেন্তকীদমক একাদেমিক, রিসর্স ইন্সতিত্যুৎশিং, স্তার্ত-অপশিং অমসুং ইন্দস্ত্রীগী মরক্তা থোং শেম্বা; অমসুং তেলিকম্ম্যুনিকেসন সেক্তরদা সস্তেনেবল অমসুং গ্রীন তেক্নোলোজী প্রমোৎ তৌবা য়াওরি। প্রোজেক্তশিং অসি আত্মানির্ভর ভারতকী পান্দম ফংনবা হোৎনবনি।
তেলিকম্ম্যুনিকেসন নেৎৱার্ক অমা লিংখৎনবা, মথৌ তৌহন্নবা, মেন্তেনেন্স তৌনবা নত্ত্রগা পাকথোক চাউথোকহন্নবা দিজিতেল ভারত নিধিদগী ফন্দিং ফংলিবা ইমপ্লিমেন্তর অমহেক্তনা অসিগুম্বা তেলিকম্ম্যুনিকেসন নেৎৱার্ক/সর্ভিসশিং অসি ওপন অমসুং নন-দিস্ক্রিমিনেসন বেসিস অমদা শরুক য়ামিন্নবা অমসুং ফংহনগদবনি হায়নসু প্রোভিজনদা পীরি।
বেকগ্রাউন্দ:
তেলিকম্ম্যুনিকেসন এক্ত, 2023 অসি 2023গী দিসেম্বরদা পার্লিয়ামেন্তনা পাস তৌখি, 2023গী দিসেম্বর 24দা ভারতকী রাস্ত্রপতিনা অয়াবা পীখি অমসুং হায়রিবা নুমিৎ অদুদা ওফিসিএল গেজেৎতা ফোংখি। সেক্সন 1 (3) গী মতুং ইন্না দিপার্তমেন্ত ওফ তেলিকম্ম্যুনিকেসনসনা 21.06.2024দা গেজেৎ নোতিফিকেসন অমা থোকখি। মসিনা তেলিকম্ম্যুনিকেসন এক্তকী সেক্সন 1, 2,10দগী 30, 42দগী 44, 46, 47, 50দগী 58, 61 অমসুং 62 ফাওবা চৎনহনখি। 26.06.2024. দিপার্তমেন্ত অসিনা অখন্নবা এক্তকী সেক্সন 6দগী 8 ফাওবা, 48 অমসুং 59গী (b) অসিসু, 04.07.2024দা নোতিফাই তৌদুনা এক্ত অসিগী সেক্সন 6তগী 8, 48 অমসুং 59(b) অসি 05.07.2024দগী চৎনহনখি।
সমভেশ (ইনক্লুজন), সুরক্ষা (সেক্যুরিতী), ভ্রিদ্ধি (গ্রোথ), অমসুং তভারিৎ (রেসপোন্সিবনেস) গী প্রিন্সিপলশিংনা লমজিংদুনা, এক্ত অসিনা ভিকসিৎ ভারত (চাউখৎলবা ভারত) গী ভিজন ফংনবা পান্দম থম্লি। দিজিতেল ভারত নিধি (DBN) গা মরী লৈনবা প্রোভিজনশিং অসি এক্ত অসিগী সেক্সন 24-26 , চেপ্তর V দা য়াওরি।
***
(Release ID: 2050798)
Visitor Counter : 33