પ્રધાનમંત્રીનું કાર્યાલય
પીએમ નરેન્દ્ર મોદીએ રાષ્ટ્રપતિ પુતિન સાથે વાત કરી
નેતાઓએ ભારત-રશિયા વિશેષ અને વિશેષાધિકૃત વ્યૂહાત્મક ભાગીદારીને વધુ મજબૂત કરવાના પગલાં અંગે ચર્ચા કરી
પીએમએ તેમની યુક્રેનની મુલાકાતની આંતરદૃષ્ટિ શેર કરી અને રશિયા-યુક્રેન સંઘર્ષમાં આગળના માર્ગ તરીકે સંવાદ અને મુત્સદ્દીગીરીનો પુનરોચ્ચાર કર્યો
Posted On:
27 AUG 2024 3:13PM by PIB Ahmedabad
પ્રધાનમંત્રી શ્રી નરેન્દ્ર મોદીએ આજે રશિયન ફેડરેશનના પ્રમુખ મહામહિમ વ્લાદિમીર પુટિન સાથે ટેલિફોન પર વાતચીત કરી હતી.
પીએમએ 22મી ભારત-રશિયા દ્વિપક્ષીય સમિટમાં ભાગ લેવા માટે ગયા મહિને રશિયાની તેમની સફળ મુલાકાતને યાદ કરી.
બંને નેતાઓએ સંખ્યાબંધ દ્વિપક્ષીય મુદ્દાઓ પર પ્રગતિની સમીક્ષા કરી અને ભારત અને રશિયા વચ્ચે વિશેષ અને વિશેષાધિકૃત વ્યૂહાત્મક ભાગીદારીને વધુ મજબૂત કરવાનાં પગલાં અંગે ચર્ચા કરી.
તેઓએ પરસ્પર હિતના ક્ષેત્રીય અને વૈશ્વિક મુદ્દાઓની શ્રેણી પર પણ વિચારોનું આદાન-પ્રદાન કર્યું.
બંને નેતાઓએ રશિયા-યુક્રેન વચ્ચે ચાલી રહેલા સંઘર્ષ પર વિચાર વિનિમય કર્યો. પીએમએ તેમની તાજેતરની યુક્રેનની મુલાકાતની આંતરદૃષ્ટિ શેર કરી. તેમણે સંવાદ અને મુત્સદ્દીગીરી તેમજ સંઘર્ષના કાયમી અને શાંતિપૂર્ણ નિરાકરણને હાંસલ કરવા માટે તમામ હિતધારકો વચ્ચે નિષ્ઠાવાન અને વ્યવહારુ જોડાણના મહત્વ પર ભાર મૂક્યો હતો.
બંને નેતાઓ સંપર્કમાં રહેવા સંમત થયા હતા.
AP/GP/JD
(Release ID: 2049090)
Visitor Counter : 28
Read this release in:
Odia
,
English
,
Urdu
,
Marathi
,
Hindi
,
Manipuri
,
Bengali-TR
,
Assamese
,
Punjabi
,
Tamil
,
Telugu
,
Malayalam