প্রধানমন্ত্রীগী লোইশঙ
প্রধান মন্ত্রী নরেন্দ্র মোদীনা রাস্ত্রপতি পুতিনগা ৱারী শাখ্রে
লুচিংবশিংনা ইন্দিয়া-রসিয়া স্পেসিএল এন্দ প্রিভিলেজ স্ত্রেতেজিক পার্তনরশিপ হেন্না মপাঙ্গল কনখৎহন্নবা পাম্বৈশিং খন্নখ্রে
পি.এম.না মহাক্কী য়ুক্রেনগী খোঙচৎকী ই-পাউ পাউদমখি অমসুং রসিয়া-য়ুক্রেন লানগী লম্বী অসি দাইলোগ অমসুং দিপ্লোমেসীনা ওইগনি হায়না অমুক হন্না ফোংদোকখ্রে
Posted On:
27 AUG 2024 3:13PM by PIB Imphal
প্রধান মন্ত্রী শ্রী নরেন্দ্র মোদীনা ঙসি রসিয়ন ফেদরেসনগী রাস্ত্রপতি, ঐচ.ই. শ্রী ভ্লাদিমির পুতিনগা তেলিফোনদা ৱারী শাখ্রে।
22শুবা ইন্দিয়া-রসিয়া বাইলেতরেল সম্মিৎতা শরুক য়ানবা মমাং থাদা রসিয়দা চৎখিবা মহাক্কী মায়পাক্লবা খোঙচৎ অদু পি.এম.না নীংশিংখি।
লুচিংবা অনিনা বাইলেতরেলগী হীরম কয়াদা খুমাং চাউশিল্লিবা অদু য়েংশিনখি অমসুং ভারত অমদি রসিয়াগী মরক্তা স্পেসিএল অমসুং প্রিভিলেজ স্ত্রেতেজিক পার্তনরশিপ হেন্না চেৎশিনহন্নবা পাম্বৈশিং খন্নখি।
নাকল অনিদা কান্নগদবা মখোয়না রিজনেল অমসুং গ্লোবেলগী ওইবা হীরম কয়ামরুমদা ৱাখল্লোনশিংসু ফোংদোক্নখি।
লুচিংবা অনিনা হৌজিক চত্থরিবা রসিয়া-য়ুক্রেন লানাগী মতাংদা ৱাখল্লোনশিং ফোংদোক্নখি। পি.এম.না মহাক্কী য়ুক্রেন খোঙচৎকী মতাংদা পাউদমখি। মহাক্না লান অসিগী অফবা অমদি শান্তি ওইবা ৱারোইশিন অমা পুরক্নবা স্তেকহোল্দর পুম্নমক্কী মরক্তা দাইলোগ অমসুং দিপ্লোমেসী লোয়ননা পুকচেল শেংবা অমসুং প্রেক্তিকেল এঙ্গেজমেন্ত তৌবগী মরু ওইবা থমখি।
লুচিংবা অনিনা মখা তানা পাউ ফাওননবা য়ান্নখি।
*****
(Release ID: 2049075)
Visitor Counter : 34
Read this release in:
Odia
,
English
,
Urdu
,
Marathi
,
Hindi
,
Bengali-TR
,
Assamese
,
Punjabi
,
Gujarati
,
Tamil
,
Telugu
,
Malayalam