কম্যুনিকেসন অমসুং ইনফোর্মেসন তেক্নোলোজী মন্ত্রালয়
TRAIনা মেসেজিং সর্ভিসশিং লান্নবা শীজিন্নবা থিংনবা খোঙথাংশিং লৌখৎনবা এক্সেস সর্ভিস প্রোভাইদরশিংদা দিরেক্সনশিং থোকখ্রে
Posted On:
20 AUG 2024 2:01PM by PIB Imphal
তেলিকোম রেগুলেতরী ওথোরিতী ওফ ইন্দিয়া (TRAI) না ঙসি মেসেজিং সর্ভিসশিংবু লান্না শীজিন্নবা থিংনবা অমসুং কঞ্জ্যুমরশিংবু লান্না শীজিন্নবশিংদগী ঙাকথোক্নবা থবকশিং পায়খৎনবগীদমক দিরেক্সনশিং থোকখ্রে। ঙসি থোকখিবা দাইরেক্সন অমগী খুত্থাংদা, TRAIনা এক্সেস সর্ভিস প্রোভাইদর পুম্নমকপু মখাদা পীরিবশিং অসি ঙাক্না চৎনবা য়াথং পীখ্রে:
- TRAI না এক্সেস সর্ভিস প্রোভাইদরশিংদা হেন্না নীংথিনা মোনিতর অমসুং কন্ত্রোল তৌনবগীদমক সেপ্তেম্বর 30, 2024 ফাওবদা 140 সিরিজ য়াওবা তেলিমার্কেতিং কোলশিং অসি ওনলাইন DLT প্লেৎফোর্মদা মাইগ্রেৎ তৌহন্নবা খঙহনখ্রে।
- সেপ্তেম্বর 1, 2024দগী হৌরগা, এক্সেস সর্ভিস প্রোভাইদর পুম্নমক্না সেন্দরশিংনা হ্বাইৎলিস্ত তৌদবা URL, APK, OTT লিঙ্কশিং, নত্ত্রগা কোল বেক নম্বরশিং য়াওবা মেসেজশিং ত্রান্সমিৎ তৌবা য়াহল্লোই।
- মেসেজ ত্রেসেবিলিতী হেনগৎহন্নবা, TRAI না সেন্দরদগী রিসিপিয়ন্তশিংদা লাকপা মেসেজ পুম্নমক নবেম্বর 1, 2024 দগী ত্রেসেবল ওইহনগদবনি। মশক খঙদবা নৎত্রগা মেৎচ তৌদবা তেলি-মার্কেতর চেন অমগী মেসেস অমহেক্তা রিজেক্ত তৌগনি।
- প্রোমোস্নেল কন্তেন্তকীদমক্তা তেমপ্লেৎশিং অসি লান্না শীজিন্নবদগী থিংনবগীদমক, TRAIনা নন-কমপ্লায়েন্সকীদমক পুনিতিব মিজর হৌদোক্লে। অশোয়বা কাংলুপকী মখাদা রেজিস্তর তৌরবা কন্তেন্ত তেমপ্লেৎশিং অসি ব্লেকলিস্ত তৌগনি, অমসুং হন্না হন্না ওফেন্স তৌরক্লবদি থা অমগী ওইনা সেন্তরগী সর্ভিসশিং সস্পেন্সন তৌগনি।
- রেগুলেসনশিং অসি ঙাক্না চৎনবগীদমক, DLT দা রেজিস্তর তৌরবা হেদর অমসুং কন্তেন্ত তেমপ্লেৎ পুম্নমক্না প্রেস্ক্রাইব তৌরবা গাইদলাইনশিং অদু ঙাক্না চৎকদবনি। মসিগী মথক্তা, কন্তেন্ত তেমপ্লেৎ অমখক্তবু হেদর ময়ামগা লিঙ্ক তৌবা য়াদে।
- করিগুম্বা সেন্দর অমহেক্তগী হেদরশিং নৎত্রগা কন্তেন্ত তেমপ্লেৎশিং লান্না শীজিন্নরকপা থেংনরবদি, TRAI না সেন্দর অদুগী হেদরশিং অমসুং কন্তেন্ত তেমপ্লেৎ পুম্নমক্তগী ত্রাফিক খুদক্তা সস্পেন্দ তৌনবা খঙহনখ্রে। সেন্দরদগী ত্রাফিক রিভোকেসন তৌবা অসি সেন্দরনা অসিগুম্বা অশোয়বা শীজিন্নবগী মায়োক্তা লিগেল এক্সন লৌখৎলবা মতুংদা পাংথোক্কনি। মসিগী মথক্তা, দেলিভরী-তেলেমার্কেতরশিংনা অসিগুম্বা লান্না শীজিন্নবগী থৌদাং লৌরিবা এন্তিতীশিংবু নুমিৎ অনিগী মনুংদা মশক খঙদোক্কদবনি অমসুং রিপোর্ত তৌগদবনি, মদু তৌদ্রবদি মখোয়না মান্নবা ফলশিং মায়োক্নগনি।
স্তেকহোল্দরশিংনা দাইরেক্সন অসিগী অশেংবা ৱাহন্থোক অদুগীদমক TRAI ৱেবসাইত www.trai.gov.inদা ফংবা দাইরেক্সন অদু য়েংনবা খঙহনখ্রে।
অসিগুম্বা খোঙথাংশিং অসি TRAI না ক্লিন অমসুং সেক্যুর মেসেজিং ইকোসিস্তেম অমা লৈহন্নবা, কঞ্জ্যুমরশিংগী ইন্তরেস্তশিং ঙাক্নবা অমসুং নমথাক তৌবগী থবকশিং থিংনবা পায়খৎলি।
***
(Release ID: 2046884)
Visitor Counter : 40
Read this release in:
Odia
,
English
,
Urdu
,
Hindi
,
Hindi_MP
,
Marathi
,
Gujarati
,
Tamil
,
Telugu
,
Kannada
,
Malayalam