প্রধান মন্ত্রী, শ্রী নরেন্দ্র মোদীনা ময়াই তাংবল লৌদুনা পাংথোকখিবা কেবিনেত কমিতী ওন ইকোনোমিক এফিয়র্সনা লৈবাক অসি শিনথুংনালুপা করোর ৫০,৬৫৫ চংনা কি.মি ৯৩৬ শাংবা নেস্নেল হাই স্পীদ কোরিদোর প্রোজেক্ত ৮ শেম্নবগী অয়াবা পীখ্রে। মসিগী প্রোজেক্ত ৮ অসিগী থবক পাইখৎপদা দাইরেক্ত অমসুং ইন্দাইরেক্ত ওইনা মেনদেজ লুপা করোর ৪.৪২ রোমগী থবক ফংহল্লগনি।

প্রোজেক্তকী শম্লপ্পা মরোলশিং:

১. লেন ৬কী আগ্রা-গ্বালিয়র নেস্নেল হাই-স্পীদ কোরিদোর:

কি.মি. ৮৮ শাংবা হাই-সপীদ কোরিদোর অসি পুন্না লুপা করোর ৪,৬১৩ চংনা মপুং ফানা এক্সেস কন্ত্রোল তৌবা লেন ৬কী কোরিদোর অমা ওইনা বিল্দ-ওপরেত-ত্রান্সফর (BOT) মোদতা দেবেলপ তৌরগনি। প্রোজেক্ত অসিনা নোর্থ সাউথ কোরিদোর (স্রিনাগর-কন্যাকুমারি)গী আগ্রা-গ্বালিয়র সেক্সনদা শরুক ২ হেন্না ত্রাফিক কেপাসিতী হেনগৎনবা হৌজিক লৈরিবা লেন ৪গী নেস্নেল হাইৱেগী মতেং পাংলগনি। কোরিদোর অসিনা উত্তর প্রদেশ (খুদম ওইনা তাজ মহল, আগ্রা ফোর্ত অসিনচিংবা) অমসুং মধ্য প্রদেশ (খুদম ওইনা গ্বালিয়র ফোর্তনাচিংবা)কী মরু ওইবা  তুরিস্তকী মফমশিংদা কনেক্তিবিতী হেনগৎহল্লগনি। মসিনা আগ্রা অমসুং গ্বালিয়রগী মরক্কী অথাপ্পা অদু ৭%দা হন্থরগনি অমসুং চত্থোক-চৎশিনগী মতম অদু ৫০%দা হন্থহল্লগনি, মসিনা মরম ওইরগা লোজিস্তিক্সতা চংবা মমলদা য়াম্না হন্থহল্লগনি।

লেন ৬কী এক্সেস কন্ত্রোল তৌরবা অগ্রা-গ্বালিয়র গ্রীনফীল্দ হাইৱেনা হৌজিক-হৌজিক লৈরিবা NH-44গী আগ্রা-গ্বালিয়রগী ওভরলে/স্ত্রেন্থনিং অমসুং অতোপ্পা রোদ সেফ্তী অমসুং ইমপ্রুবমেন্তকী থবকশিং য়াওনা উত্তর প্রদেশ, রাজস্থান অমসুং মধ্য প্রদেশকী রাজ্যশিংদা দিজাইন কি.মি. ০.০০০ (আগ্রা জিলাগী দেওরি খুঙ্গং মনাক্তা)তগী হৌরগা দিজাইন কি.মি. ৮৮-৪০০ (গ্বালিয়র জিলাগী সুসেরা খুঙ্গং মনাক্তা) ফাওবা দিজাইন তৌরগনি।

২. লেন ৪গী খরগপুর –মোরেগাম নেস্নেল হাই-স্পীদ কোরিদোর:

খরগপুর অমসুং মোরেগামগী মরক্কী কি.মি. ২৩১গী লেন ৪গী এক্সেস কন্ত্রোল তৌরবা হাই-স্পীদ কোরিদোর অসি পুন্না লুপা করোর ১০,২৪৭ চংনা হাইব্রিদ এন্যুইতী মোদ (HAM)দা শেম্লগনি। অনৌবা কোরিদোর অসিনা খরগপুর অমসুং মোরেগামগী মরক্কী ত্রাফিক কেপাসিতী অদুবু চাউরাক্না শরুক ৫ থোক্না হেনগৎনবা হৌজিক লৈরিবা লেন ২গী নেস্নেল হাইৱেগী মতেং পাংলবনি। মসিনা নাকল অমদা রাজ্যশিংগী মরক্তা খুদম ওইনা  ৱেস্ত বেঙ্গল, ওরিশা, অন্ধ্র প্রদেশ অসিনচিংবা রাজ্যশিংদা ত্রাফিক কনেক্তিবিতী ফজনা লৈহল্লগনি অমসুং অতোপ্পদনা লৈবাক অসিগা নোর্থ-ইস্তকী মাইকৈ শিংগা শম্নহল্লগনি। কোরিদোর অসিনা খরগপুর অমসুং মোরেগামগী মরক্তা ফ্রৈত ভেহিকলশিংগী চত্থোক-চৎশিনদা চংবা মতম অদুবু হৌজিক চংলিবা পুং ৯দগীনা ১০ ফাওবা চংলিবা অদুবু পুং ৩দগীনা ৫ ফাওবা চংহল্লগনি, মসিনা লোজিস্তিক্সতা চংবা মমল অদু হন্থহল্লগনি।

৩. লেন ৬কী থারদ – দীসা – মেহসানা – এহ্মদবাদ নেস্নেল হাই-স্পীদ কোরিদোর:

কি.মি.২১৬ শাংবা লেন ৬কী হাই-স্পীদ কোরিদোর অসি পুন্না লুপা করোর ১০,৫৩৪ চংনা বিল্দ – ওপরেত – ত্রান্সফর (BOT) মোদতা  দেবেলপ তৌরগনি। থারদ – এহ্মদবাদ কোরিদোর অসিনা গুজরাত রাজ্যদা য়াম্না মরু ওইবা নেস্নেল কোরিদোর অনিগী মরক্তা খুদম ওইনা অমৃতসার – জাম্নাগর কোরিদোর  অমসুং দিল্লী – মুম্বাই এক্সপ্রেসৱেগী মরক্তা কনেক্তিবিতী লৈহল্লগনি, মসিনা মরম ওইরগা পঞ্জাব, হরিয়ানা অমসুং রাজস্থানগী ইন্দস্ত্রিয়েল রিজনশিংদগী লাকপা ফ্রৈত ভেহিকলশিংবু মহারাস্ত্রগী মরু ওইবা পোর্তশিং (JNPT, মুম্বাই, অমসুং নৌনা সেঙ্কশন তৌখিবা ৱাধৱন পোর্ত)তা অথিংবা-অপনবা লৈতনা কনেক্তিবিতী লৈহল্লগনি। কোরিদোর অসিনা রাজস্থানগী মরুওইবা তুরিস্তকী মফমশিং (খুদম ওইনা মেহরানগর ফোর্ত, দিলৱারা তেম্পলনচিংবা) অমসুং গুজরাতকী মরু ওইবা তুরিস্তকী মফমশিং (খুদম ওইনা রানি কা ভাভ, অম্বাজি তেম্পলনচিংবশিং)দা কনেক্তিবিতী ফংহল্লগনি। মসিনা থারদ অমসুং এহ্মদবাদকী মরক্কী অরাপ্পা অদু ২০% ফাওবা হন্থরগনি অমসুং চত্থোক চৎশিনগী মতম অদু ৬০% ফাওবা হন্থহন্দুনা লোজিস্তিক্সকী এফিসিয়েন্সী হেনগৎহল্গনি।

৪. লেন ৪গী আয়োধ্য রিং রোদ:

কি.মি. ৬৮ শাংবা লেন ৪গী এক্সেস কন্ত্রোল তৌরবা আয়োধ্য রিং রোদ অসি পুন্না লুপা করোর ৩,৯৩৫ চংনা হাইব্রিদ এন্যুইতী মোদ (HAM)দা দেবেলপ তৌরগনি। রিং রোদ অসিনা সিতী  ফাওদুনা চৎলিবা নেস্নেল হাইৱে খুদম ওইনা NH 27 (ইস্ত ৱেস্ত কোরিদোর), NH 227 A, NH 227B. NH 330, NH 330A, and NH 135A দা চিংনবগী চাং হন্থহল্লগনি, মসিনা মরম ওইরগা রামা মন্দিরদা লাই খুরুম্বা লাক্লিবা লাইনিংবশিংগী চত্ধোক-চৎশিনদা খোংজেল য়াংখৎহল্লগনি। রিং রোদ অসিনা লখনৌ ইন্তর্নেস্নেল এয়রপোর্ত, আয়োধ্যা এয়রপোর্ত অমসুং সহর আদুদা লৈরিবা মরু ওইবা রেলৱে স্তেশনশিংদগী থুংলরিবা নেস্নেল অমসুং ইন্তর্নেস্নেল তুরিস্তশিংদা অৱাবা মায়োক্নদনা কনেক্তিবিতি লৈহল্লগনি। 

৫. রয়পুর-রাঞ্চি নেস্নেল হাইস্পীদ কোরিদোরগী মরক্তা লৈবা লেন ৪গী সেক্সন:

কি.মি. ১৩৭ শাংবা লেন ৪গী এক্সেস কন্ত্রোল তৌরবা রায়পুর –রাঞ্চি কোরিদোরগী পাথালগাওন-গুম্লা সেক্সন অসি হাইব্রিদ এন্যুইতী মোদ (HAM)দা শম্লগনি, কোরিদোর অসিবু মপুং ফানা লোইশিনবদা পুন্না লুপা করোর ৪,৪৭৩ চংগনি। মসিনা গুমলা, লোহারদাগা, রায়গর, কোর্বা অমসুং ধনবাদতকী মাইনিং এরিয়াশিং অমসুং রায়পুর, দুর্গ, কোর্বা, বিলাসপুর, বোকারো অমসুং ধনবাদতা লৈবা ইন্দস্ত্রিয়েল অমসুং মেন্যুফেকচরিং জোনশিংগী মরক্তা কনেক্তিবিতী হেনগৎহল্লগনি।

নেস্নেল হাইৱে-43গী লেন ৪গী পাথালগাওন-কুনকুন-ছত্তিগর/ঝারখন্দ বোর্দর- গুমলা-ভার্দা সেক্সন অসি রায়পুর-ধনবাদ ইকোনোমিক কোরিদোরগী শরুক অমা ওইনা পালমা-গুমলা রোদ তুরুআ আমা খুঙ্গং মনাক্তা লৈবা নেস্নেল হাইৱে-130Aগী অরোইবদগী হৌরগাভ ভার্দা খুঙ্গং মনাক্কী ৮২+১৫০ চেনেজদা লোইশিনগনি।

৬. লেন ৬কী কানপুর রিং রোদ:

কানপুর রিং রোদকী কি.মি. ৪৭ শাংবা লেন ৬কী এক্সেস কন্ত্রোল তৌরবা সেক্সন অসি লুপা করোর ৩,২৯৮ চংনা ইঞ্জিনীয়রিং, প্রোক্যোরমেন্ত এন্দ কনস্ত্রক্সন মোদতা শেম্লগনি। মসিগী সেক্সন অসিনা কানপুরগী অকোইবদা লৈবা লেন ৬কী নেস্নেল হাইৱে রিং অদুবু মপুং ফাহল্লগনি। রিং রোদ অসিনা মরু ওইবা নেস্নেল হাইৱেশিং খুদম ওইনা NH 19 – গোল্দন ক্বাদ্রিলেতরেল, NH 27 – ইস্ত ৱেস্ত কোরিদোর, NH 34 অমসুং লখনৌ – কানপুর এক্সপ্রেসৱে অমসুং গঙ্গা এক্সপ্রেসৱেদা লমশাং চৎপগী ত্রাফিকপু সিতী রোমদগী লাকপা ত্রাফিক্তগী তোখাইনা চৎপা য়াহল্লগনি, মসিনা উত্তর প্রাদেশ, দিল্লী, বিহার, ঝারখন্দ অমসুং ৱেস্ত বেঙ্গলগী মরক্তা চৎলিবা ফ্রৈতকীদমক্তা লোজিস্তিক্সতা য়াম্না ফগৎহল্লগনি।

লেন তরুক্কী গ্রীফীল্দ কানপুর রিং রোদ অসিনা এয়রপোর্ত  লিঙ্ক রোদ (অশাংবা = ১.৫ km) অসিগা লোইননা দিজাইন চেনেজ (Ch.) ২৩+৩২৫ দগীনা দিজাইন চেনেজ ৬৮+৬৫০ (অশাংবা = ৪৬.৭৭৫ km) ফাওবা  ওইগনি।

৭. লেন ৪গী নোর্থর্ন গুৱাহাতি বাইপাস অমসুং লৈরিবা গুৱাহাতি বাইপাসকী পাকথোক-চাউথোকপা অমসুং ফগৎহনবা:

কি.মি. ১২১ শাংবা গুৱাহাতি রিং রোদ অসি লুপা করোর ৫,৭২৯ চংনা বিল্দ ওপরেত তোল (BOT) মোদতা সেক্সন অহুম থোক্না শেম্লগনি খুদম ওইনা লেন ৪গী এক্সেস কন্ত্রোল তৌরবা নোর্থর্ন গুৱাহাতি বাইপাস (কি.মি. ৫৬), NH 27দা লৈবা লেন ৪গী বাইপাসবু পাকথোক-চাউথোক্তুনা লেন ৬ (কি.মি. ৮)দা ওন্থোকপা অমসুং NH 27 (কি.মি. ৫৮)দা লৈরিবা বাইপাসবু ফগৎহনবা। প্রোজেক্ত অসিগী শরুক অমা ওইনা ব্রহ্মপুত্রা তুরেলগী মথক্তা অচৌবা থোং অমশু শারগনি। গুৱাহাতি রিং রোদনা নোর্থ ইস্ত রিজনদা লৈবাক অসিগী গেতৱে ওইরিবা নেস্নেল হাইৱে ২৭ (ইস্ত ৱেস্ত কোরিদোর)দা চত্থোক-চৎশিন তৌরিবা লমশাং চৎপা গারিশিংদা অথিংবা-অপনবা লৈতবা কনেক্তিবিতী লৈহল্লি। রিং রোদ অসিনা গুৱাহাতিগী অকোইবদা লৈরিবা, লমদম অসিগী অচৌবা সিতীশিং/তাউনশিং- সিলিগুরি, সিলচর, শিল্লোং, জোরহাত, তেজপুর, জোগিঘোফা অমসুং বার্পেতাগা শম্নহল্লিবা মরু ওইবা নেস্নেল হাইৱেশিংদা চিনবা হন্থহল্লগনি।মরু ওইবা হাইৱেশিং।

৮. পুনে মনাক্তা লেন ৮গী এলেভেতেদ নাশিক ফাতা –খেদ কোরিদোর:

নাশিক ফাতাদগীনা পুনে মনাক্তা খেদ ফাওবগী কি.মি. ৩০ শাংবা লেন ৮গী এলেভেতেদ নেস্নেল হাই-স্পীদ কোরিদোর অসি পুন্না লুপা করোর ৭,৮২৭ চংনা বিল্দ-ওপরেত- ত্রান্সফর (BOT) মোদতা  শেম্লগনি। এলেভেতেদ কোরিদোর অসিনা পুনে অমসুং নাশিক্কী মরক্তা NH-60দা চাকান, ভোসারিনচিংবা ইন্দস্ত্রিয়েল সেন্তরশিংদগী লাকপা / সেন্তরশিংদা চৎখিবা ত্রাফিক্কীদমক্তা অথিংবা–অপনবা লৈররোইদবা কনেক্তিবিতী ফংহল্লগনি। কোরিদোর অসিনা পিমপ্রি-চিঞ্চৱাদকী অকোইবদা অচিনশিং কোকহল্লগনি।  

নাশিক ফাতা-খেদকী নাকল অনিমক্তা লেন অনিগী সর্বিস রোদকা লোইননা হৌজিক লৈরিবা লম্বি অদুবু লেন ৪/৬তা অপগ্রেৎ তৌবগা লোইননা সিঙ্গল পিয়রদা তিয়র-১দা লেন ৮গী এলেভেতেদ ফ্লাইওভের অসি মহারাস্ত্রদা NH-60গী (পেকেজ-১: কি.মি. ১২.১৯০দগী কি.মি. ২৮.৯২৫ ফাওবা অমসুং পেকেজ-২: কি.মি. ২৮.৯২৫দগী কি.মি. ৪২.১১৩) সেক্সনদা লোইশিল্লগনি।

বেকগ্রাউন্দ:

ইনফ্রাস্ত্রকচর দেবেলপমেন্ত তৌবা হায়বসি লৈবাক্কী শেন্মিৎলোন চাউখৎপগী য়ুমফম ওইরিবা মচাকশিংনি অমসুং নাগ্রিকশিংগী হিংলিবা পুনশি মহিংগীদমক্তা য়াম্না মরু ওই। ইনফ্রাস্ত্রকচর শেমগৎপদা চংখিবা লুপা খুদিংনা GDPদা শরুক 2.5-3.0  থোক্না হেনগৎহল্লকই। 

লৈবাক্কী শেন্মিৎলোনদা অপুনবগী ওইবা শাহৌ অমা পুরকপদা ইনফ্রাস্ত্রকচরগী মরুওইবা অদু খঙলদুনা, ভারত সরকারনা হৌখিবা চহি তরা অসিদা লৈবাক অসিদা মালেমগী থাক্তা লৈবা লম্বি-থোংশিং শেম্বদা শেল য়াম্না চাউনআ থাদরি। নেস্নেল হাইৱে (NH)গী অশাংবা অসি ২০১৩-১৪দা কি.মি. লাখ ০.৯১ ওইরম্বদগী হৌজিক্তি কি.মি. লাখ ১.৪৬ ওইদুনা শরুক ১.৬ রোম হেনগৎলকখ্রে। হৌখিবা চহি তরা অসিদা লৈবাক অসিদা নেস্নেল হাইৱেশিং শাবগী কন্ত্রেক্ত পীবা অমসুং শাবগী খোংজেল অসি শিংথানিংঙাই ওইবা মওংদা হেনগৎলকখ্রে। খুদম ওইনা, NH কন্ত্রেক্তশিং পীবগী চহি অমগী চাংচৎ অসি ২০০৪-১৪দা চাউরাক্না কি.মি. ৪,০০০ ওইরম্বদগী ২০১৪-২৪ ফাওবদা চাউরাক্না কি.মি. ১১,০০০ ওইদুনা শরুক ২.৭৫ ফাওবা হেনগৎলকখ্রে।  অসিগা চপ মান্ননা নেস্নেল হাইৱেশিং শেম্বগী মতাংদা চহি অমগী  চাংচৎ অসি ২০০৪-১৪দা চাউরাক্না কি.মি. ৪,০০০ ওইরম্বদগী ২০১৪-২৪ ফাওবদা চাউরাক্না কি.মি. ৯,৬০০ ওইদুনা শরুক ২.৪ ফাওবা হেনগৎলকখি। প্রাইভেত ইনভেস্তমেন্ত য়াওনা নেস্নেল হাইৱেশিংদা থাদখিবা অপুনবা কেপিতল ইনভেস্ত অসি ২০১৩-১৪দা লুপা করোর ৫০,০০০ ওইরম্বদগী ২০২৩-২৪দা চাউরাক্না লুপা করোর লাখ ৩.১দা হেনগত্তুনা শরুক ৬ থোক্না হেগৎলকখি। 

মখাতানা, সরকারনা হান্নগী লোকেল কঞ্জেসন কোকহনবদা অখন্নবা মিৎয়েং চংবা প্রোজেক্ত-বেজদ দেবেলপমেন্ত এপ্রোচ দেবেলপমেন্ত অদুগী মহুত্তা স্তেন্দার্দশিং কনসিস্তেন্ত ওইহন্নবা, য়ুজরশিংদা নুংঙাইহন্নবা অমসুং লোজিস্তিক্স এফিসিয়েন্সী লৈহহনবদা অখন্নবা মিৎয়েং থমদুনা কোরিদোর-বেজদ হাইৱে ইনফ্রাস্ত্রকচর দেবেলপমেন্ত এপ্রোচ শিজিন্নখ্রে। মসিগী কোরিদোর এপ্রোচ অসিনা ভারতপু ২০৪৭ ফাওবদা $30+ ত্রিলিয়নগী ইকোনোমীদা ওন্থোকপদা মতেং পাংনবা GSTN অমসুং তোল দেতাদা য়ুমফম ওইবা সাইন্তিফিক ত্রান্সপোর্ত স্তদীগী খুত্থাংদা হাই-স্পীদ হাইৱে কোরিদোরশিংগী কি.মি. ৫০,০০০ শাংবা নেতৱার্ক অমা খঙদোকপা ঙমহনখি।

***