এজুকেশন মন্ত্রালয়না “শিক্সা সপ্তাহ” হায়রিবা চয়োল অমগী ওইবা কেমপেন অসিগা লোইননা নেস্নেল এজুকেশন পোলিসী 2020গী মরিশুবা চহি কুমওন থৌরম পাংথোক্লি। 7নিশুবা নুমিত্তা, লৈবাক শিনবা থুংনা স্কুলশিংনা বিদ্যাঞ্জলি অমসুং তিথি ভোজন ইনিসিয়েতিবকী খুত্থাংদা এজুকেশনদা কম্যুনিতীনা শরুক য়াবা হায়বসিদা মরু ওইবা পীখি।

বিদ্যাঞ্জলি অসি এজুকেশন মন্ত্রালয়গী দিপার্তমেন্তোফ স্কুল এজুকেশন অমসুং লিতরেসীনা চলাইবা স্কুল ভোলন্তীয়র মেনেজমেন্ত প্রোগ্রাম অমনি, মসি প্রধান মন্ত্রী, শ্রী নরেন্দ্র মোদীনা 2021গী সেপ্তেম্বর 7তা হৌদোকখি। প্রোগ্রাম অসিনা লৈবাক শিনবা থুংনা কম্যুনিতী, কোর্পোরেত সোসিয়েল রেসপোন্সিবিলিতী (CSR), অমসুং লনাইগী ওইবা সেক্তরশিংনা মসিদা শরুক য়াদুনা স্কুলশিংবু হেন্না মপাঙ্গল কনখৎহনবা অমসুং এজুকেশনগী ক্বালিতী হেনগৎহন্নবগী পান্দম থম্লি।

কেমপেন অসিগী শরুক অমা ওইনা, দিপার্তমেন্ত ওফ স্কুল এজুকেশন অমসুং লিতরেসীনা স্কুলশিংগীদমক্তা থবক-থৌরমশিংগী লিস্ত অমা সজেস্ত তৌরকখি। স্কুলশিংনা বিদ্যাঞ্জলি পোর্তলদা মশামক য়াওশিন্নবা হোৎনরি অমসুং মতেং পাংবীনবা লোকেল ভোলন্তিয়রশিং মশক খঙদোক্লি। মখোয়না স্কুলশিংদা “ৱাল ওফ ফেম/নোতিস বোর্দ”তা এক্তিব ভোলন্তিয়রশিংগী মমিংশু হাপকনি। মসিগী মথক্তা প্রিন্সিপালশিং, ওজাশিং অমসুং মহৈরোইশিংনা হায়রিবা ভোলন্তিয়রশিং অসিদা থাগৎ-ৱাহৈ ফোংদোক্লদুনা চেবাউ ইরগনি।

কম্যুনিতী এৱেয়রনেস এক্তিবিতীশিং খুদম ওইনা ভোলন্তিয়রশিং অদুগী থবক-থৌরমশিং অদুগী মতাংদা রেলীশিং, স্ত্রীত প্লেশিং, পোস্তর মেকিং অমসুং চার্ত মেকিংনচিংবা কয়াশু শিল্লিগনি। রাজ্য অমসুং জিলাগি থাক্তা লৈবা ওফিসিয়েলশিংনা কেমপেন অসিবু মাইপাক্নবগীদমক্তা মসিদা হকথেননা শরুক য়রগনি। মসিগী থবকশিং অসিনা নেস্নেল এজুকেশন পোলিসী 2020গী এজুকেশনদা কম্যুনিতীনা শরুক য়াবা হেনগৎহন্নবগী পান্দম অদুগা চপ মান্নৈ। 

মসিগী থবক-থৌরমশিং অসিনা মহৈরোইশীং অমসুং ওজাশিংগীদমক্তা য়াম্না লিংবা সপোর্ত সিস্তেম অমা শেম্নবগী পান্দম থম্লি, মসিনা বিদ্যাঞ্জলি পোর্তল (https://vidyanjali.education.gov.in/)গী খুত্থাংদা স্কুলশিং, ভোলন্তিয়রশিং অমসুং কম্যুনিতীবু অমত্তাওইনা পুরক্তুনা লাইরিক-লাইশু তম্বগী হেন্না অফবা ফিভম অমা শেম্লগনি।

******