কেন্দ্রগী ইনফোর্মেশন অমসুং ব্রোদকাস্তিং (I&B)গী মন্ত্রী, শ্রী অশ্বিনি ৱৈশ্নৱনা ঙসি ১০শুবা নেস্নেল কম্যুনিতী রেদিও এৱার্দকী ৱিন্নরশিং লাউথোকখ্রে। মন্ত্রী অসিনা কেন্দ্রগী I&Bগী রাজ্য মন্ত্রী , দা. এল. মুরুগন অমসুং মিজোরামগী মুখ্য মন্ত্রী, শ্রী লালদুহোমাগা লোইননা ভারতকী ৫০০শুবা কম্যুনিতী রেদিো স্তেসনশু শঙ্গাখি।  স্তেসন ‘অপ্না রেদিও ৯০.০. FM’ অসি ইন্দিয়ন ইনস্তিত্যুত ওফ মাস কম্যুনিকেশন, আইজোলনা চলাইবা স্তেসন অমনি।

ভারতকী কম্যুনিতী রেদিওগী খোংচৎকী মাইলস্তোন অসিবু লাউথোক্তুনা, শ্রী ৱৈশ্নৱনা হায়খি মদুদি মশীগী অনৌবা থৌরাং অসিনা অপ্না রেদিও স্তেসনন্না থুংবা মফমদা লৈবা মীয়ামগী পুনশিদা য়াম্না চাউনা অহোংবা পুরক্লগনি। মহাক্না মখাতানা হায়খি মদুদি মসি হৌদোকখিবা অসিশু সরকারগী এক্ত ইস্তকী পোলিসীদা য়াম্না মরু ওইবা মাইলস্তোন অমনি।

মন্ত্রী অসিনা মিজোরামগী মুখ্য মন্ত্রীদা খঙহনখি মদুদি কেন্দ্রগী বজেতনা নোর্থ ইস্ত রিজনগীদমক্তা রেলৱে বজেতকী মখাদা য়াম্লবা শেনফম অমা খাইদোকখ্রে। মসিনা মিজোরামগী মতম কুইনদগী মঙলকপা অফবা রেলৱে কনেক্তিবিতীগী মঙলান অদু মঙফাওনহনবা ঙম্লগনি।

মুখ্য মন্ত্রী, শ্রী লালদুহোমানা মীয়ামগী মীতিন অদুদা ৱা ঙাংবা মতমদা হায়খি মদুদি IIMC আইজোলদা লৈরিবা অপ্না রেদিও স্তেসন অসিনা রাজ্য অসিগীদমক্তা কম্যুনিকেসনদা অনৌবা পন্দুপ অমা ইরগনি। মিজোরাম অসি মখোয়গী য়াম্না মরু ওইনা এগ্রিকলচরগী পোতেন্সিয়েল লৈবনা মরম ওইরগা মরু ওইনা এগ্রেরিয়ন স্তেত অমা ওই। লৌমীগী কম্যুনিতীগীদমক্তা কম্যুনিতী রেদিও স্তেসন অমা থম্বনা য়াম্না কান্নবা পুরক্কনি, মসিনা নুমিৎ খুদিংগী নোং-চিংগী ফিভম অদু পীরগনি, সরকারগী স্কীমশিং অমসুং লৌউ-শিংউগা মরি লৈনবা ই-পাউশিং পীরগনি। মহাক্না মসিগী প্রোজেক্ত অসিবু মঙফাওনহনবদা নিংহন্নবা লৈতনা মতেং পাংলকখিবা অমসুং কত্থোকখিবশিংগীদমক্তা I&B মন্ত্রালয় অমসুং অতোপ্পা স্তেকহোল্দরশিংবু থাগৎপা ফোংদোকখি।

কেন্দ্রগী রাজ্য মন্ত্রী, দা. এল. মুরুগননা অসিগুম্বা স্তেসনশিং অসিগী খুনাইদা কান্নবগী মওং-মতৌ অদুগী মতাংদা কুপথনা খন্ন-নৈনখি অমসুং প্রাইভেত রেদিও চেনেলশিংগী শেন্দানবগী ওইবা মওং-মতৌ অদুগী মায়োক্তা, কম্যুনিতী রেদিও স্তেসনশিং অসিদি অথাপ্পা কাচিন-কোয়া ফাওবা ইনফোর্মেশন কম্যুনিকেশন ফংহন্নবগী ফিরেপ অদুগীদমক্তা লিংখৎখিবনি হায়না হায়খি। মহাক্না মখা তারকখি মদুদি মসিগী স্তেসনশিং অসিগী থৌদাং অসি মহৌশাগী ওইবা অমাং-অতা থোকপা মতমদা য়াম্না মরু ওইবা হেনগৎলি।

I&B মন্ত্রালয়গী সেক্রেতরী, শ্রী সঞ্জয় জাজুশু থৌরম অদুদা শরুক য়াখি, মহাক্না কম্যুনিতী রেদিও স্তেসন অসি লৌউ-শিংউগা মরি লৈনবা ই-পাউশিং, লৌমীশিংগী য়াইফনবগীদমক্তা সরকারগী স্কীমশিং, নোং-চিংগী ই-পাউ অসিনচিংবা ই-পাউশিং শন্দোকপদা য়াম্না মরু ওইবা থৌদাং লৌই হায়না হায়খি। মসিনা অতোপ্পা খোঞ্জেল কয়া তাবা ফংবা তোপ-তোপ্পা প্লেতফোর্ম অমা পীরগনি অমসুং মনুংগী কন্তেন্তশিং অদু লোকেল দাইলেক্তশিং অমসুং লমদম অদুগী লোনদা শন্দোক্লগনি। মসিগী কম্যুনিতী রেদিওশিং অসি মরু ওইনা মেনস্ত্রীম মীদিয়া ফংবা ঙমদবা খুনাইগী লাইরবা অমসুং শোত্থরবা কাংলুপশিংদমক্তা মরু ওই।

মহাক্না মখাতানা হায়রকখি মদুদি মন্ত্রালয় অসিনা লৈবাক অসি শিনবা থুংনা কম্যুনিতী রেদিও স্তেসনশিং চাউখৎহন্নবগী ফিরেপ অদুদা খোংফম চেৎনা লেপ্লি।

IIMCগী ভাইস চান্সেলর, দা. অনুপমা ভতনাগরনা হায়খি মদুদি ‘অপ্না রেদিও ৯০.০ FM’ অসি মিজোরামগী পুৱারীদা অনৌবা পন্দুপ অমনি, মসিনা দাইলোগকী খুত্থাংদা কম্যুনিতীশিংবু অমত্তা ওইনা পুনশিল্লগনি, লমদম অসিগী কলচর উৎথোক্লগনি, নাগ্রিকশিংবু প্রোমোত তৌরগনি অমসুং এমপাৱর তৌরগনি।

১০শুবা কম্যুনিতী রেদিও এৱার্দসকী ৱিন্নরশিং

চকেতেগোরী: থীমেতিক এৱার্দ

• অহানবা মনা: রাদিও মায়ুর, সারন জিলা, বিহার, মনা ফংখিবা থৌরম: তেখ সাখি

• অনিশুবা মনা: রেদিও কোচি, কেরলা, মনা ফংখিবা থৌরম: নিরঙ্গল

• অহুমশুবা মনা: হেলো দুন, দেহরাদুন, উত্তারাখন্দ, মনা ফংখিবা থৌরম: মেরি বাত

কেতেগোরী: খ্বাইদগী ইনোভেতিব ওইবা কম্যুনিতী এনগেজমেন্ত এৱার্দ

• অহানবা মনা: য়েরলাৱানি সাংলি, মাহারাস্ত্রা, মনা ফংখিবা থৌরম: কাহানি সুনানদাচি

• অনিশুবা মনা: বৈলাগা বানোলি, মাদুরাই, তামিল নাদু, মনা ফংখিবা থৌরম: লেতস বিল্ত অ ন্যু নোর্ম

• অহুমশুবা মনা: সালাম নমস্তে নোইদা, উত্তর প্রদেশ, মনা ফংখিবা থৌরম: মৈদ দিদি

কেতেগোরী: লোকেল কলচর য়োকখৎপগী এৱার্দ

• অহানবা মনা: রেদিও ব্রহ্মপুত্র, দিব্রুগর, অসাম, মনা ফংখিবা থৌরম: ইগারেকুন

• অনিশুবা মনা: রেদিও কোতাগিরি, নিলগিরিস, তামিল নাদু, মনা ফংখিবা থৌরম: এন মাক্কালুদান ওরু পায়ানম

• অহুমশুবা মনা: রেদিও এক্তিব, ভাগলপুর, বিহার, মনা ফংখিবা থৌরম: অঙ্গ প্রদেশ কী অদভুত ধরোহর

কেতেগোরী: সস্তেনেবিলিতী মোদেল এৱার্দ

• অহানবা মনা: রেদিও বেনজিগর, বিশোপ বেনজিগর হোসপিতাল সোসাইতীনা চলাইবা, কোলম, কেরলা

• অনীশুবা মনা: রেদিও নমস্কার, কোনার্ক, ওরিশা, য়ঙ ইন্দিয়ানা চলাইবা

• অহুমশুবা মনা: রেদিও অন্তরৱানি, গুলবর্গা, কর্নাতকা, শরনবাসবেস্বরা ৱিদ্যা ৱারধক সংঘনা চলাইবা

মন্ত্রালয় অসিনা কম্যুনিতী রেদিও স্তেসনশিং (CRSশিং)গী মরক্তা ইনোভেশন অমসুং হেল্থী কমপিতিশনগী পুক্নিং থৌগৎনবা চহি ২০১১-১২দা নেস্নেল কম্যুনিতী রেদিও এৱার্দস অসি হৌদোকখিবনি।

নেস্নেল কম্যুনিতী রেদিও এৱার্দস অসি অনম্বনা চহি খুদিংগী পী। মসিগী সিরীজ অসিদা, মন্ত্রাল্য়না ঙসি মখাদা পীরিবা কেতেগোরী ৪ অসিদা ১০শুবা নেস্নেল কম্যুনিতী রেদিও এৱার্দশিং অসিগী ৱিন্নরশিং অদু লাউথোকখ্রে।

1. থীমেতিক এৱার্দ
2. খ্বাইদগী ইনোভেতিব ওইবা কম্যুনিতী এনগেজমেন্ত এৱার্দ
3. লোকেল কলচরবু য়োকখৎপগী এৱার্দ
4. সস্তেনেবিলিতী মোদেল এৱার্দ

কেতেগোরী খুদিংদমক অহানবা, অনিশুবা অমসুং অহুমশুবা মনাদা মথংশিৎনা লুপা লাখ ১.০, লুপা ৭৫,০০০ অমসুং লুপা ৫০,০০০ লৈ।

***