শেল-থুম মন্ত্রালয়
কেন্দ্রগী বজেত্তা লৈঙাক অসিনা শেন্মিৎলোন চাউখৎনবা হোৎনবদা নুপীশিংনা লৌরিবা থৌদাং হেনগৎনবগীদমক হোৎনরিবশিং ইঙ্গিত তৌরি
নুপী অমসুং অঙাং নুপীমচাশিংদা কান্নবা পীগদবা স্কিমশিংগীদমক লুপা করোর লাখ ৩ হেন্না কাইথোকখ্রে
থবক চৎপী নুপীশিংগী হোস্তেল ইন্দস্ত্রীশিংগা খুৎশম্নদুনা লিংখৎকনি
Posted On:
23 JUL 2024 12:50PM by PIB Imphal
কেন্দ্রগী শেলথুম অমসুং কোর্পোরেত এফিয়র্স মন্ত্রী শ্রীমতি নির্মলা সিতারমন্না ঙসি পার্লিয়ামেন্ততা লান্থোকখিবা কেন্দ্রগী বজেত ২০২৪-২৫না লৈঙাক অসিনা শেন্মিৎলোন চাউখৎনবা হোৎনবদা নুপীশিংনা লৌরিবা থৌদাং হেনগৎনবগীদমক হোৎনরিবশিং ইঙ্গিত তৌরি।
কেন্দ্রগী শেলথুম মন্ত্রীনা নুপী অমসুং অঙাং নুপীমচাশিংদা কান্নবা পীগদবা স্কিমশিংগীদমক লুপা করোর লাখ ৩ হেন্না কাইথোকখ্রে। মসিনা নুপীনা পুরকপা চাউখৎপা পুরক্নবা মঙলান শাগৎলি হায়না মহাক্না শন্দোক্না তাকখি।
মহাক্না ইন্তরিম বজেত্তা মরুওইবা কাস্ত মরি মমিং ওইনা পল্লবদা 'গরিব' (লাইরবা), 'মহিলায়েন' (নুপী), 'য়ুব' (নহা) অমসুং 'অন্নাদাতা' (লৌমী)গী শরুক অমা ওইখিবা 'মহিলায়েন' (নুপী)দা থমখিবা মীৎয়েং নীংশিংখি, অমুকসু কেন্দ্রগী বজেত ২০২৪-২৫ তা নীংশিংলদুনা মহাক্না হায়খি, "ঐখোয়না ধর্ম, কাস্ত, নুপী নুপা অমসুং চহিগী খেন্নবা থিদনা ভারত মচা খুদিংমকপু মখোয়গী পান্দম অমসুং মঙলানশিং মঙফাওনহন্নবা মতীক চানা চাউখৎহনগনি।
কেন্দ্রগী মন্ত্রীনা পাউদমখি মদুদি লৈঙাক অসিনা থবক চৎপী নুপীশিংগী হোস্তেল ইন্দস্ত্রীশিংগা খুৎশম্নদুনা লিংখত্তুনা অমসুং ক্রিচে শেমদুনা নুপীশিংনা ৱার্কফোর্সতা শরুক য়াবা হেনগৎহনগনি।
মসিগী মথক্তা, পার্তনরশিপ অসিনা নুপীশিংতগী ওইবা অখন্নবা স্কিল পীনবা প্রোগ্রামশিং পাঙথোক্নবা হোৎনরি অমসুং নুপী এস.ঐচ.জি. এন্তর্প্রাইজশিংনা কৈথেলদা থোকপা হেনগৎনবা হোৎনরি হায়না শ্রীমতি সিতারমন্না লাউথোকখি।
***
(Release ID: 2036162)
Visitor Counter : 49
Read this release in:
Khasi
,
English
,
Urdu
,
Marathi
,
Hindi
,
Hindi_MP
,
Bengali
,
Assamese
,
Punjabi
,
Gujarati
,
Tamil
,
Telugu
,
Kannada
,
Malayalam