Ka Tnat Kam Pla Tyngka jong ka Sorkar Pdeng
azadi ka amrit mahotsav

KA MANG TYNGKA KA DAK JONG KA JINGKUT JINGMUT KA SORKAR BAN KYNTIEW IA KA BYNTA KI LONGKMIE HA KA JINGKYNTIEW IA KA IOH KA KOT

PALAT 3 LAK KLUR LA MANG NA KA BYNTA KI SKHIM BAN AI JINGMYNTOI IA KI LONGKMIE BAD KI KHYNNAH KYNTHEI

YN PLIE IA KI HOSTEL NA KA BYNTA KI KYNTHEI HA KA JINGIATREILANG BAD KI KARKHANA

Posted On: 23 JUL 2024 12:50PM by PIB Shillong

Ka Mang Tyngka 2024-25 jong ka Sorkar pdeng ba la wanrah ha Parliament mynta ka sngi da ka Nirmala Sitharaman, Myntri Sorkar Pdeng ba dei khmih ia ka Tnat kam pla tyngka ka pyni ia ka jingkut jingmut jong ka sorkar ban kyntiew ia ka bynta jong ki longkmie ha ka jingkyntiew ia ka ioh ka kot.

Ka Myntri Kam Pla tyngka ka la pynbna ka jingmang pisa kaba palat T. 3 lak klur na ka bynta ki skhim ban ai jingmyntoi ia ki longkmie bad ki khynnah kynthei. La thmu ia kane kum ka lad ban kyntiew ia ka roi ka par ba ialam da ki longkmie, ka la ong.

Ka la kynmaw ia ka jingphaikhmat sha ka ‘Mahilayen’ (longkmie) ha ka Mang tyngka ba shipor, kaba long shi bynta jong ki saw tylli ki caste ba kham heh, kum ‘Garib’ (kiba duk ba suk), ‘Mahilayen’ (longkmie), ‘Yuva’ (ki samla) bad ‘Annadata’ (ki nongrep), kumjuh ruh ha ka Mang Tyngka 2024-25 jong ka sorkar pdeng bad ka la ong, “Ngi ieng skhem ban pynthikna ba baroh ki briew jong ka ri, khlem da khein ia ka niam, ka caste, kynthei ne shynrang bad rta, ngi iaid shaphrang ban pynurlong ia ki thong jong ki ha ka jingim bad ki jingangnud.”

Ka Myntri Sorkar Pdeng ka la pyntip ba ka Sorkar kan pynsuk ia ka jingiashim bynta kham bun ki longkmie ha ki jaka trei lyngba ka jingplie ia ki hostel na ka bynta ki longkmie ha ka jingiatreilang bad ki karkhana, bad plie ruh ia ki jaka ri khunlung. Shuh shuh, ka jingiatreilang kan pynlong ia ki prokram ai jinghikai ia ki longkmie, bad kyntiew ka jingdon ki iew na ka bynta ki SHG jong ki longkmie, la pynbna ka Sitharaman.

***


(Release ID: 2036115) Visitor Counter : 74


Read this release in: English , Urdu , Marathi , Hindi , Hindi_MP , Bengali , Manipuri , Assamese , Punjabi , Gujarati , Tamil , Telugu , Kannada , Malayalam