শেল-থুম মন্ত্রালয়
ঐখোয়না ভারতপু মালেমগী লমকোইবশিংগী মফম অমা ওইনা শেমগৎনবা হোৎনবনা থবক পীগনি, ইনভেস্তমেন্ত চিংশিনগনি অমসুং অতোপ্পা সেক্তরশিংদা শেন্মিৎলোনগী খুদোংচাবশিং হাংদোক্কনিঃ শ্রীমতি নির্মলা সিতারমন
বিষ্ণুপদ লাইশঙগী কোরিদোর অমসুং মহাবোধি লাইশঙগী কোরিদোর শেমগৎপগী থবক মতেং পাংগনি; মালেমগী থাক্তা লৈবা লাই খুরম্ফম অমসুং লমকোইবশিংগী মফম অমা ওইহনগনি
Posted On:
23 JUL 2024 12:45PM by PIB Imphal
কেন্দ্রগী শেলথুম অমসুং কোর্পোরেত এফিয়র্স মন্ত্রী শ্রীমতি নির্মলা সিতারমন্না কেন্দ্রগী বজেত ২০২৪-২৫ লান্থোকপদা হায়খি, "মীয়াম্না ঐখোয়গী লৈঙাক অসিদা লৈবাক অসিবু মপাঙ্গল লৈনা চাউখৎনবা অমসুং মায়কৈ খুদিংদা খুমাং চাউশিন্নবগী লম্বীদা পুশিন্নবা অখন্নবা খুদোংচাবা অমা পীবীরে।"
বজেত ৱারোলদা য়াওরিবা তুরিজমগী মতাংদা ফোংদোক্লদুনা কেন্দ্রগী মন্ত্রীনা হায়খি, "তুরিজম হায়বসি মতম চুপ্পদা ঐখোয়গী চাউখৎলোনগী শরুক অমা ওইদুনা লাক্লি। ঐখোয়না ভারতপু মালেমগী লমকোইবশিংগী মফম অমা ওইনা শেমগৎনবা হোৎনবনা থবক পীগনি, ইনভেস্তমেন্ত চিংশিনগনি অমসুং অতোপ্পা সেক্তরশিংদা শেন্মিৎলোনগী খুদোংচাবশিং হাংদোক্কনি।"
শ্রীমতি নির্মলা সিতারমন্না হায়খি মদুদি গায়াদা লৈবা বিষ্ণুপদ লাইশঙ অমসুং বিহারদা লৈরিবা মহাবোধি লাইশঙ অসি স্পিরিচুএলগী ওইবা য়াম্না মরুওইবা মফমশিংনি। মহাক্না লাউথোকখি, "বিষ্ণুপদ লাইশঙগী কোরিদোর অমসুং মহাবোধি লাইশঙগী কোরিদোর শেমগৎপগী থবক মতেং পাংগনি, মায় পাকখ্রবা কাশি বিস্বনাথ লাইশঙগী কোরিদোরগী মোদেল লৌদুনা মালেমগী থাক্তা লৈবা লাই খুরম্ফম অমসুং লমকোইবশিংগী মফম অমা ওইহনগনি।"
মহাক্কী বজেত ৱারোলদা কেন্দ্রগী মন্ত্রীনা হায়খি মদুদি রাজগিরনা হিন্দু, বুদ্ধিস্ত অমসুং জৈনশিংগী ধর্মগী য়ামনা মরুওইবা মফম অমা কন্দুনা লাক্লি অমসুং জৈ লাইশঙগী অকোইবদা লৈরিবা ২০শুবা চহি চাগী তির্থঙ্করা মুনিসুব্রত লাইশঙ অসি য়াম্না লিরে। মহাক্না মসিমসু মখা তাখি মদুদি সপতারিশী নৎত্রগা হোৎস্প্রিং ৭ না ব্রহ্মকুন্দ শেম্লিবসিসু য়াম্না শেংবা মফম অমা ওইরি। কেন্দ্রগী মন্ত্রীনা হায়খি মদুদি রাজগিরগী ওইনা মপুং ওইবা চাউখৎ থৌরাং অমা লৌখৎলগনি।
মহাক্না মখা তারদুনা কেন্দ্রগী সরকারনা নলান্দাবু নলান্দা য়ুনিভর্সিতী লংলবা মশক হিংগৎহনবদা নত্তনা লমকোইবশিংগী মফম অমা ওইনসু শেমগৎপদা মতেং পাংগনি।
কেন্দ্রগী মন্ত্রীনা হায়খি মদুদি ওরিশাগী নীংথিরবা লাইশঙ, মোনুমেন্ত, খুৎহৈবগী শক্তমশিং, লম্লক্কী শা উচেক্কী সেঙ্কচুৱারী, মহৌশাগী লেন্দস্কেপ অমসুং ঈং চীক্লবা শমুদ্র খোঙবালনা মফম অসিবু লমকোইবশিংগী চপ চাবা মফম অমা ওইহল্লি। "ঐখোয়গী লৈঙাক অসিনা মখোয় শেমগৎনবা মতেং পীগনি", হায়না মহাক্না মখা তাখি।
![](https://static.pib.gov.in/WriteReadData/userfiles/image/image001NTPD.jpg)
***************
(Release ID: 2036159)
Visitor Counter : 30
Read this release in:
English
,
Urdu
,
Marathi
,
Hindi
,
Hindi_MP
,
Assamese
,
Punjabi
,
Gujarati
,
Tamil
,
Telugu
,
Malayalam