ভারতকী ইনফ্লেসন অসি মখা তানা নেম্মি, স্তেবল ওইরি অমসুং চাদা 4গী তার্গেৎকী মাইকৈদা চংশিল্লি

চহি 5দা নহারোল করোর 4.1গীদমক এমপ্লোয়মেন্ত, স্কিল্লিং অমসুং অতৈ খুদোংচাবশিং ফংহন্নবা লুপা করোর লাখ 2গী আউৎলেগা লোয়ননা স্কিম অমসুং ইনিসিএতিব 5 গী পি.এম.গী পেকেজ

 ‘ভিকসিৎ ভারত’ ফংনবগীদমক বজেৎনা পুম্নমক্তা খুদোংচাবা মরাং কাইনা পীনবগীদমক মরু ওইবা লম 9দা লেপ্তনা খোঙথাংশিং লৌখৎনবা বজেৎনা মীৎয়েং থম্মি

বজেৎ 2024-25না এমপ্লোইমেন্ত, স্কিল্লিং, MSMEশিং অমসুং মিদ্দল ক্লাস্তা মীৎয়েং থম্মি

লৌমীশিংনা থানবগীদমক ফিল্দ অমসুং হোর্তিকলচরগী মহৈ-মরোং 32গী অনৌবা পোত্থোক লৈবা অমসুং ক্লাইমেৎ রেজিলিএন্ত ভেরাইতী 109 রিলিজ তৌগনি

মথংগী চহি অনিদা লৈবাক অসিগী লৌমী করোর 1না মহৌশাগী লৌউ-পথাপ পায়খৎলগনি

চহি অসিগী ওইনা লৌউ-শিংউ অমসুং এল্লাইদ সেক্তরগীদমক লুপা করোর লাখ 1.52গী প্রোভিজন অমা লাউথোকখ্রে

ইন্দস্ত্রিএল ত্রেনিং ইন্সতিত্যুত 1,000 অপগ্রেদ তৌরগনি

বিহার, ঝারখন্দ, ৱেস্ত বেঙ্গল, ওরিশা অমসুং আন্ধ্র প্রদেশ কোনশিল্লিবা নোংপোক থংবা লমদমগী ওল-রাউন দিবেলপমেন্তগীদমক সরকারনা থৌরাং অমা, পুরভোদয় শেম্লগনি

নুপীনা লমজিংবা চাউখৎ-থৌরাং থৌগৎনবগীদমক বজেৎ অসিদা নুপী অমদি নুপীমচাশিংদা কান্নবা পীবা স্কিমশিংগীদমক লুপা করোর লাখ 3 হেন্না এল্লোকেসন তৌরি

চহি অসিদা রুরেল ইনফ্রাস্ত্রকচর য়াওনা খুঙ্গংগী চাউখৎ-থৌরাংগীদমক লুপা করোর লাখ 2.66গী প্রোভিজন অমা শেমখি

মুদ্রা লোনশিংগী লিমিৎ অসি হৌজিক লৈরিবা লুপা লাখ 10দগী লুপা লাখ 20দা হেনগৎহল্লগনি

সরকারনা চহি 5 অসিদা নহারোল করোর 1দা মকোক থোংবা কম্পনী 500দা ইন্তর্নশিপকী খুদোংচাবশিং পীনবগীদমক কমপ্রিহেন্সিব স্কিম অমা হৌদোক্কনি

পি.এম. আৱাজ য়োজনা অর্বান 2.0গী মখাদা সহরগী লায়রবা অমসুং মিদ্দল-ক্লাসকী ইমুং করোর 1গী য়ুমগী মথৌ তাবশিং অসি লুপা করোর লাখ 10গী ইনভেস্তমেন্ত অমনা কোকহল্লগনি

খুঙ্গংগী মী তাবা মফম 25,000দা ওল-ৱেদর কন্নেক্তিবিতী পীনবা PMGSYগী ফেস IV হৌদোক্লগনি

লুপা করোর 1,000গী ভেঞ্চর কেপিতেল ফন্দগা লোয়ননা মথংগী চহি 10দা স্পেস ইকনোমী শরুক 5 হেনগৎহন্নবা মীৎয়েং থম্মি

তোলোপ চাবা মীওই অমসুং পেন্সনর করোর 4দা ইনকম তেক্সতা অচৌবা পোৎলুম অমা কোকপীবা

অনৌবা তেক্স রেজিমদা স্তেন্দর্দ দিদক্সন অসি লুপা 50,000দগী লুপা 75,000দা হেনগৎহনখি

ফেমিলী পেন্সনগী দিদক্সন অসি লুপা 15,000দগী লুপা 25,000দা হেনগৎহনখি

অনৌবা রেজিমগী মখাদা কোর্পোরেৎ তেক্স রিসিত চাদা 58কী মথক্তা খোমগৎখি

ইনকম তেক্স পেয়রশিংগী শরুক অহুম থোকপগী অনিনা অনৌবা ইনকম তেক্স রেজিমদা হোংদোকখি

স্তার্ত-অপশিং অমসুং ইনভেস্তমেন্তশিং থৌগৎনবা ইনভেস্তরশিংগী ক্লাস পুম্নমক্কীদমক এঞ্জেল তেক্স মুথৎখি

ইনভেস্তমেন্তশিং লাকহন্নবা ফোরেন কম্পনীশিংদা লৌবা কোর্পোরেৎ তেক্স অসি চাদা 40দগী 35দা হন্থহনখি

পেমেন্ত কয়াদা লাকপা  TDSকী চাদা 5 অসি TDSকী চাদা 2দা মর্জ তৌখি

লোৱর অমসুং মিদ্দল ক্লাসশিংদা কান্নবা পীনবা কেপিতেল গেন একজেম্পসন লিমিৎ চহিদা লুপা লাখ 1.25দা হেনগৎহনখি

এক্স-রেপ পেনেলশিং, মোবাইল ফোনশিং অমসুং PCBAদা লৌবা কস্তম দ্যুতী চাদা 15দা হন্থহনখি

সনা অমসুং লুপা য়াওনা মমল য়াম্বা ধাতুশিং মমল হোংলগনি, লৌরম্বা কস্তম দ্যুতী চাদা 6তা হন্থহনখি

পার্ত A

মালেমগী শেন্মিৎলোন অসি পোলিসীগী ওইবা শিংনবশিংগী মখাদা লৈরবসু, ভারতকী শেন্মিৎলোনগী গ্রোথ অসি মখা তানা মশক থোকপা অমা ওইদুনা লাক্লি অমসুং লাক্কদৌরিবা চহিশিংদা অদুমক লেংদনা লৈগনি। শেল-থুম অমসুং কোর্পোরেৎ এফিয়র্সকী মন্ত্রী শ্রীমতি নির্মলা সীতারমন্না ঙসি পার্লিয়ামেন্তদা 2024-25গী কেন্দ্রগী বজেৎ পুথোক্লদুনা হায়খি মদুদি ভারতকী ইনফ্লেসন অসি মখা তানা নেম্না, স্তেবল ওইনা অমসুং চাদা 4গী পান্দমগী মায়কৈদা চংশিল্লি। হৌজিক্কী ওইনা বেস ইনফ্লেসন (নোন-ফুদ, নোন-ফ্যুএল) অসি চাদা 3.1 ওইরি অমসুং পেরিশেবল গুদসকী সপ্লাই অসি কৈথেলদা মতিক চানা য়ৌহন্নবগীদমক খোঙথাং কয়া লৌখৎলি।

ইন্তেরিম বজেৎ

শেল-থুম মন্ত্রীনা হায়খি মদুদি ইন্তেরিম বজেৎতা পনখিবগী মতুং ইন্না মরু ওইবা কাস্ত 4 মমিং ওইনা পল্লবদা ‘গরিব’ (লায়রবা), ‘মহিলায়ে’ (নুপীশিং), ‘য়ুবা’ (নহারোল) অমসুং ‘অন্নাদাতা’ (লৌমী)দা মীৎয়েং থম্মি।

বজেৎকী থিম

বজেৎকী থিম থম্লদুনা শ্রীমতি সীতারমন্না হায়খি মদুদি চহি চুপ্পা অমসুং মসিগী মতুংদা, মসিগী বজেৎ অসিদা ঐখোয়না মরুওইনা থবক পীবা, স্কিল্লিং, MSME অমসুং মিদ্দল ক্লাসতা মীৎয়েং থম্লি। মহাক্না চহি মঙাগী মনুংদা লুপা করোর লাখ 2গী সেন্ত্রেল আউৎলেগা লোয়ননা নহারোল করোর 4.1দা থবক ফংহন্নবা, স্কিল্লিং অমসুং অতোপ্পা খুদোংচাবশিং ফংহন্নবা স্কিম অমসুং ইনিসি‌এতিব 5গী প্রধান মন্ত্রীগী পেকেজ লাউথোকখি। চহি অসিদা, এজুকেসন, এমপ্লোইমেন্ত অমসুং স্কিল্লিংগীদমক লুপা করোর লাখ 1.48গী এলোকেসন তৌখ্রে।

বজেৎকী মরু ওইবশিং

শেল-থুম মন্ত্রীনা হায়খি, ‘ভিকসিৎ ভারত’ ফংনবা বজেৎ অসিনা মীপুম খুদিংমক্তা খুদোংচাবশিং মরাং কাইনা ফংহন্নবা মখাদা পীরিবা মরু ওইবা লম 9দা লেপ্পা লৈতনা খোঙথাংশিং লৌখৎনবা মীৎয়েং থম্মি।

1. লৌউ-শিংউদা প্রদক্তিবিতী অমসুং রেজিলিএন্স লৈহনবা
2. এমপ্লোইমেন্ত অমসুং স্কিল্লিং
3. ইনক্লুসিব হ্যুমেন রিসোর্স দিবেলপমেন্ত অমসুং সোসিএল জস্তিস
4. মেন্যুফেকচরিং অমসুং সর্ভিসেস
5. সহর চাউখৎহনবা
6. ইনর্জী সেক্যুরিতী
7. ইনফ্রাস্ত্রকচর
8. ইন্নোভেসন, রিসর্চ অমসুং দিবেলপমেন্ত, অমদি
9. নেক্স জেনরেসন রিফোর্মশিং

মরু ওইবা 1: লৌউ-শিংউদা প্রদক্তিবিতী অমসুং রেজিলিএন্স লৈহনবা

শেন-থুম মন্ত্রীনা লাউথোকখি মদুদি সরকারনা মহৈ-মরোং হেনগৎহনবদা মীৎয়েং চংনবা এগ্রিকলচর রিসর্স সেতঅপকী অপুনবা রিভিয়ু অমা পাংথোক্কনি। লৌমীশিংনা মহৈ-মরোং থানবগীদমক্তা ফিল্দ অমসুং হোর্তিকলচরগী মহৈ-মরোং 32গী অনৌবা পোত্থোক লৈবা অমসুং ক্লাইমেৎ রেজিলিএন্ত ওইবা ময়াৎ 109 পুথোক্কনি।

লাক্কদৌরিবা চহি অনি অসিদা, লৈবাক শীনবা থুংনা লৌমী করোর 1বু সর্তিফিকেসন অমসুং ব্রান্দিংনা মতেং পাংদুনা মহৌশাগী লৌউ-পথাপ হৌদোক্লগনি।

দরকার ওইবদা য়ুম্ফম ওইবা বাইও-ইনপুত রিসোর্স সেন্তর 10,000 লিংখৎকনি।

হৱায়শিং অমসুং ওইলসীদশিংদা মশা-মরোমদোম লেপচবা ঙম্নবা, সরকারনা মখোয়গী পোত্থোক পুথোকপা, স্তোরেজ অমসুং মার্কেতিং হেনগৎহল্লগনি অমসুং হঙ্গাম, লৈবাক হৱায়, সেসাম, নুং হৱায় অমসুং নুমিৎলৈগুম্বা ওইল সীদশিংদা 'আত্মানির্ভরতা' ফংহল্লগনি।

চহি অহুমগী মনুংদা লৌমীশিং অমসুং মখোয়গী লমশিং কভরেজ তৌনবা রাজ্যশিংগা খুৎশম্নদুনা সরকারনা এগ্রিকলচরদা দিজিতেল পব্লিক ইনফ্রাস্ত্রকচর (DPI)  ইমপ্লিমেন্ত তৌবদা মতেং পাংলগনি।

শ্রীমতি সীতারমন্না চহি অসিদা লৌউ-শিংউ অমসুং মসিগা মরী লৈনবা সেক্তরগীদমক লুপা করোর লাখ 1.52গী প্রোভিজন অমা লাউথোকখি।

মরু ওইবা 2: এমপ্লোইমেন্ত অমসুং স্কিল্লিং

প্রধান মন্ত্রীগী পেকেজগী শরুক অমা ওইনা সরকারনা "এমপ্লোইমেন্ত লিঙ্ক ইন্সেন্তিব"কীদমক স্কিম অহুম পায়খৎলগনি হায়না শেল-থুম মন্ত্রীনা ফোংদোকখি। মখোয় অসি EPFOদা মিং চনবদা য়ুম্ফম ওইগনি, অমসুং ফার্স্ত-তাইম এমপ্লোইয়ীশিং শকখঙবা অমসুং এমপ্লোয়ীশিং অমসুং এমপ্লোয়রশিংদা মতেং পীনবদা মীৎয়েং থমগনি।

সরকারনা ইন্দস্ত্রীগা খুৎশম্নদুনা ৱার্কিং ৱুমেন হোস্তেলশিং শেমগৎপা অমসুং ক্রেছশিং লিংখৎতুনা থবক শুবা নুপীশিংগী শরুক য়াবা হেনগৎহনগনি।

স্কিল্লিং প্রোগ্রামগী মতাংদা পল্লদুনা শেল-থুম মন্ত্রীনা রাজ্য সরকারশিং অমসুং ইন্দস্ত্রীগা খুৎশম্নদুনা স্কিল্লিংগীদমক প্রধান মন্ত্রীগী পেকেজকী মখাদা মরিশুবা স্কিম অমা ওইনা অনৌবা সেন্ত্রেল্লি স্পোন্সর স্কিম অমা লাউথোকখি। চহি মঙাগী মনুংদা নহারোল লাখ 20 স্কিল্লিং তৌগনি অমসুং আউৎকম ওরিয়েন্তেসনগা লোয়ননা ইন্দস্ত্রীএল ত্রেনিং ইন্সতিত্যুৎ 1000 হাব অমসুং স্পোক এরেঞ্জমেন্তশিংদা ওইনা অপগ্রেদ তৌগনি ।

মহাক্না চহি খুদিংগী মহৈরোয় 25,000দা মতেং ফংহনগনি পানরিবা গভর্নমেন্ত প্রমোতেদ ফন্দ অমদগী গরেন্তীগা লোয়ননা লুপা লাখ 7.5 ফাওবগী লোনশিং পীনবা মোদেল স্কিল লোন স্কিম রিভাইস তৌগনি হায়নসু লাউথোকখি।

সরকারগী স্কিমশিং অমসুং পোলিসীশিংগী মখাদা কান্নবা অমত্তা ফংদ্রিবা নহাশিংবু মতেং পাংনবা মহাক্না দোমেস্তিক ইন্সতিত্যুসনশিংদা হায়র স্তদীজকীদমক লুপা লাখ 10 ফাওবগী শেলগী তেংবাং পীরগনি হায়না লাউথোকখি। মসিগীদমক্তা চহি খুদিংগী মহৈরোই লাখ 1দা লোনগী শেনফমগী চাদা 3গী চহিগী ওইবা শেন্দোই হন্থহন্নবা ই-ৱাউচরশিং হকথেংননা পীগনি।

মরু ওইবা 3: ইনক্লুসিব হ্যুমেন রিসোর্স দিবেলপমেন্ত  অমসুং সোসিএল জস্তিস

সেচুরেসন এপ্রোচকী মতাংদা ফোংদোক্লদুনা শেলথুম মন্ত্রীনা হায়খি মদুদি পি.এম. বিশ্বকর্মা, পি.এম. স্বানিধি, নেস্নেল লাইবলিহুদ মিসন, অমসুং স্তেন্দ-অপ ইন্দিয়া অসিনচিংবা শিন্মীশিং, আর্তিসানশিং, সেল্ফ-হেল্প গ্রুপশিং, সেদ্যুল্দ কাস্ত, সেদ্যুল ত্রাইব অমসুং নুপী ওন্তপ্রিনোরশিং অমসুং স্ত্রীৎ ভেন্দরশিংগী ইকনোমিক এক্তিবিতীশিংদা মতেং পাংনবগীদমক স্কিমশিং অসি ইমপ্লিমেন্ত তৌখি।

পুর্ভোদয়

সরকারনা বিহার, ঝারখন্দ, ৱেস্ত বেঙ্গল, ওরিশা অমসুং আন্ধ্র প্রদেশ য়াওনা লৈবাক অসিগী নোংপোক থংবা লমদমগী চাউখৎ-থৌরাংগীদমক পুর্ভোদয়গী থৌরাং অমা শেমগনি। মসিনা লমদম অসি বিক্সিত ভারত ফংনবগী ইঞ্জিন অমা ওইহন্নবা  হ্যুমেন রিসোর্স দিবেলপমেন্ত, ইনফ্রাস্ত্রকচর অমসুং শেন্মিৎলোনগী খুদোংচাবশিং ফংহনবা কোনশিনগনি।

প্রধান মন্ত্রী জনজাতিয়া উন্নাৎ গ্রাম অভিয়ান

ত্রাইবেল কম্ম্যুনিতীশিংগী সোসিও-ইকনোমিক কন্দিসন ফগৎহন্নবগীদমক, সরকারনা ত্রাইবেলনা মেজোরিতী ওইবা খুঙ্গংশিং অমসুং এস্পিরেস্নেল দিস্ত্রিক্তশিংদা ত্রাইবেল ইমুংশিংগীদমক সেচুরেসন কভরেজ চৎনহন্দুনা প্রধান মন্ত্রী জনজাতিয়া উন্নাৎ গ্রাম অভিয়ান হৌদোক্লগনি হায়না শেল-থুম মন্ত্রীনা লাউথোকখি। মসিদা খুঙ্গং 63,000 অমসুং ত্রাইবেল মীওই করোর 5 কান্নবা ফংলগনি।

বেঙ্কিং সর্ভিসশিং পাকথোক চাউথোকহন্নবা ইন্দিয়া পোস্ত পেমেন্ত বেঙ্ককী ব্রাঞ্চ 100 হেন্না অৱাং নোংপোক লমদমদা হাংদোক্লগনি।

মহাক্না হায়খি, চহি অসিদা রুরেল ইনফ্রাস্ত্রকচর য়াওনা রুরেল দিবেলপমেন্তকীদমক লুপা করোর লাখ 2.66গী প্রোভিজন অমা শেম্লে।

মরু ওইবা 4: মেন্যুফেকচরিং অমসুং সর্ভিসেস

MSMEশংগী প্রমোসন সপ্পোর্ত তৌবা

শ্রীমতি সিতারমন্না হায়খি, বজেৎ অসিনা MSMEশিং অমসুং মেনুফেকচরিং, মরু ওইনা লেবর-ইন্তেন্সিব মেনুফেকচরিংদা অখন্নবা মীৎয়েং থম্লি। তোঙান্না শেম্বা সেল্ফ ফাইনান্সিং গেরেন্তী ফন্দ অমনা এপ্লিকান্ত খুদিংদা লুপা করোর 100 ফাওবগী গেরেন্তী পীগনি, অদুগা লোনগী শেনফম অসি হেন্না চাউবা য়াই। মতৌ অসুম্না, পব্লিক সেক্তর বেঙ্কশিংনা MSMEশিংদা ক্রেদিৎকীদমক মপানগী এসেসমেন্তগী মখা পোনবগী মহুত্তা মখোয়গী ইন-হাউস কেপাসিতী শেমগৎকনি। মহাক্না MSMEশিংদা মখোয়গী অৱাবা মতমগী মনুংদা বেঙ্ক ক্রেদিৎ লেপ্তনা পীনবগীদমক অনৌবা মেকানিজম অমা লাউথোকখি।

মুদ্রা লোনশিং

‘তরুন’ কেতেগোরীগী মখাদা মমাংগী লোনশিং মায়পাক্না শীংগৎখ্রবা ওন্তপ্রিনোরশিংগীদমক মুদ্রা লোনগী লিমিৎ অসি হৌজিক লৈরিবা লুপা লাখ 10দগী লুপা লাখ 20দা হেনগৎলগনি।

ফুদ ইরাদিএসন, ক্বালিতী অমসুং সেফতী তেস্তিংগীদমক MSME য়ুনিৎ

MSME সেক্তরদা মল্তি-প্রদক্ত ফুদ ইরাদিএসন য়ুনিৎ 50 লিংখৎনবগীদমক শেলগী তেংবাং পীরগনি। NABLগী এক্রেদিতেসনগা লোয়ননা ফুদ ক্বালিতী অমসুং সেফতী তেস্তিং লেব 100 লিংখৎনবগী থবকসু লাইথোক্লগনি। MSMEশিং অমসুং ত্রেদিস্নেল আর্তিসানশিংনা মখোয়গী পোত্থোকশিং মালেমগী কৈথেলশিংদা য়োনবা ঙম্নবা, পব্লিক-প্রাইবেৎ পার্তনরশিপ (PPP) মোদতা ই-কমর্স এক্সপোর্ত হবশিং লিংখৎকনি।

মকোক থোংবা কম্পনীশিংদা ইন্তর্নশিপ

প্রধান মন্ত্রীগী পেকেজকী মখাদা 5শুবা স্কিম ওইনা সরকারনা চহি 5দা নহারোল করোর 1দা খ্বাইদগী ফবা কম্পেনী 500দা ইন্তর্নশিপগী খুদোংচাবশিং ফংহন্নবা পাক-শন্না স্কিম অমা হৌদোক্লগনি হায়না শেল-থুম মন্ত্রীনা ফোংদোকখি।

মরু ওইবা 5: সহরগী চাউখৎ-থৌরাং

অর্বান হাউসিং

পি.এম. আৱাজ য়োজনা অর্বান 2.0গী মখাদা, অর্বানগী লায়রবা অমসুং মিদ্দল ক্লাসকী ইমুং করোর 1গী য়ুমগী মথৌ তাবশিং অদু লুপা করোর লাখ 10গী শেনফমগা লোয়ননা কোকহল্লগনি। মসিদা লাক্কদৌরিবা চহি 5দা লুপা করোর লাখ 2.2গী সেন্ত্রেল এসিস্তেন্স য়াওগনি।

ৱাতর সপ্লাই অমসুং সেনিতেসন

রাজ্য সরকারশিং অমসুং মল্তিলেতরেল দিবেলপমেন্ত বেঙ্কশিংগা খুৎশম্নদুনা সরকারনা অচৌবা সহর 100গীদমক ৱাতর সপ্লাই, সিৱেজ ত্রিৎমেন্ত অমসুং সোলিদ ৱেস্ত মেনেজমেন্ত প্রোজেক্তশিং অমসুং সর্ভিসশিং বেঙ্কেবল প্রোজেক্তশিংগী খুত্থাংদা প্রমোৎ তৌগনি।

পি.এম. স্বানিধি

পি.এম. স্বানিধি স্কিমনা লম্বীদা পোৎ য়োল্লিবশিংগী পুন্সিদা অহোংবা পুরকপদা মায় পাকখিবগী মতুং ইন্না লাক্কদৌরিবা চহি মঙা অসিদা খনগৎলবা সহরশিংদা চয়োল খুদিংগী "হাৎ" 100 নৎত্রগা লম্বীদা পোৎ য়োল্লিবশিংগী মফম অমা শেমগৎপদা সরকারনা মতেং পাংগনি হায়না মহাক্না মখা তাখি।

মরু ওইবা 6: ইনর্জী সেক্যুরিতী

শেলথুম মন্ত্রীনা হায়খি, ইন্তেরিম বজেৎতা লাউথোকখিবা অদুগী মতুং ইন্না, পি.এম. সুর্য ঘর মুফ্ত বিজলী য়োজনা অসি রুফতোপ সোলর প্লান্তশিং ইনস্তোল তৌনবা হৌদোকখ্রে। মসিনা ইমুং করোর 1দা থা খুদিংগী য়ুনিৎ 300 ফাওবা লেম্না ইলেক্ত্রিসিতী ফংহনগনি। স্কিম অসিনা রেজিস্ত্রেসন করোর 1.28 হেন্না অমসুং এপ্লিকেসন লাখ 14 হেন্না ফংদুনা মশক থোকপা রেস্পোন্স ফংলে।

ন্যুক্লিয়র ইনর্জীনা ভিকসিৎ ভারতকীদমক ইনর্জী মিক্সকী য়াম্না মরু ওইবা শরুক অমা ওইরবা য়াই।

মরু ওইবা 7: ইনফ্রাস্ত্রকচর

শেল-থুম মন্ত্রীনা হায়খি মদুদি চহি কয়া অসিদা কেন্দ্র সরকারনা ইনফ্রাস্ত্রকচর শেমগৎনবা অমসুং ফগৎহন্নবা হোৎনবদা শেল থাদরকপা অসিনা শেন্মিৎলোনদা মল্তিপ্লাইয়র ইফেক্ত লৈহল্লে। লাক্কদৌরিবা চহি 5 অসিদা সরকারনা ইনফ্রাস্ত্রকচরগীদমক্তা শেলগী তেংবাং পীনবা হোৎনগনি। মসি অতৈ মরুওইবা থবকশিং অমসুং শেলগী তেংবাং পীনবা মপাঙ্গল কনখৎহন্নবা হোৎনগনি। চহি অসিদা কেপিতেল শেনফম ওইনা লুপা করোর 11,11,111গী এলোকেসন তৌখ্রে। মসি ঐখোয়গী GDP গী চাদা 3.4নি।

প্রধান মন্ত্রী গ্রাম সরক য়োজনা (PMGSY)

PMGSYগী ফেজ IV অসি খুঙ্গংগী য়ুম 25,000দা মতম পুম্নমক্তা কন্নেক্তিবিতী ফংহন্নবা হৌদোক্লগনি হায়না শেল-থুম মন্ত্রীনা লাউথোকখি।

বিহারদা ইরিগেসন অমসুং ঈশিং-ঈচাউ হন্থহন্নবা, এসেলরেতেদ ইরিগেসন বেনিফিৎ প্রোগ্রাম অমসুং অতোপ্পা সোর্সশিংগী খুত্থাংদা, সরকারনা কোসি-মেচী ইন্ত্রা-স্তেৎ লিঙ্ক অমসুং বারেজশিং, তুরেলগী পোলুসন হন্থহনবা অমসুং ইরিগেসন প্রোজেক্তশিং য়াওনা অতোপ্পা হৌজিক চৎথরিবা অমসুং অনৌবা স্কিম 20 য়াওনা চাউরাক্না লুপা করোর 11,500 চংগদবা প্রোজেক্তশিংদা শেলগী তেংবাং পীরগনি। সরকারনা অসাম, হিমাচল প্রদেশ, উত্তরাখন্দ অমসুং সিক্কিমদা ঈশিং-ঈচাউ লাকশিন্নবা, লেন্দস্লাইদ অমসুং মরী লৈনবা প্রোজেক্তশিংদা মতেং পীগনি।

মরু ওইবা 8: ইন্নোভেসন, রিসর্চ অমসুং দিবেলপমেন্ত

শেলথুম মন্ত্রীনা হায়খি মদুদি সরকারনা অনুসন্ধন নেস্নেল রিসর্স ফন্দ অসি বেসিক রিসর্স অমসুং প্রোতোতাইপ দিবেলপমেন্তকীদমক ওপরেস্নেলাইজ তৌগনি অমসুং ইন্তেরিম বজেৎতা লাউথোকখিবগী মতুং ইন্না লুপা করোর লাখ 1গী ফাইনান্সিং পুল অমগা লোয়ননা কম্মর্সিএল স্কেলদা প্রাইবেৎ সেক্তরনা লমজিংবা রিসর্স অমসুং ইন্নোভেসন পুক্নিং থৌগৎনবা মেকানিজম অমা লিংখৎকনি।

স্পেস ইকনোম

লাক্কদৌরিবা চহি 10 অসিদা স্পেস ইকোনোমী অসি শরুক মঙা হেনগৎহন্নবা ঐখোয়না অহেনবা মিৎয়েং থম্লিবা অসিদা, লুপা করোর 1,000গী ভেঞ্চর কেপিতেল ফন্দ অমা লিংখৎলগনি।

মরু ওইবা 9: নেক্স জেনরেসন রিফোর্মশিং

+

ইকনোমিক পোলিসী ফ্রেমৱার্ক

শেল-থুম মন্ত্রীনা হায়খি মদুদি সরকারনা ইকনোমিক দিবেলপমেন্তকী ওভরআর্কিং এপ্রোচ অমা শেম্নবা অমসুং থবক ফংনবগী খুদোংচাবশিং ফংহন্নবা অমসুং অৱাংবা গ্রোথ লেংদনা থম্নবগীদমক রিফোর্মশিংগী নেক্স জেনরেসনগী  স্কোপ লেপ্নবা ইকনোমিক পোলিসী ফ্রেমৱার্ক অমা শেম্লগনি।

লেবরগা মরী লৈনবা রিফোর্মশিং

সরকারনা শিন্মীশিংদা থবক পীবা অমসুং স্কিল্লিং য়াওনা মখল কয়াগী সর্ভিসশিং ফংহনবদা মতেং পাংগনি। ই-শ্রম পোর্তেল অসি অতোপ্পা পোর্তেলশিংগা পাক শন্না পুনশিন্নবনা অসিগুম্বা ৱান-স্তোপ সোলুসন অমা ফংহনগনি। ইন্দস্ত্রী অমসুং ললোন-ইতিক্কীদমক্তা কমপ্লাইএন্স হেন্না লায়থোকহন্নবগীদমক্তা শ্রম সুবিধা অমসুং সমধন পোর্তেলশিং অসি নৌনা শেমগৎকনি।

সরকারনা ক্লাইমেৎ এদাপ্তেসন অমসুং মিতিগেসনগীদমক কেপিতেল ফংবা হেনগৎহন্নবা ক্লাইমেৎ ফাইনান্সিংগীদমক তেক্সোনোমী অমা শেমগৎকনি।

ফোরেন দাইরেক্ত ইনভেস্তমেন্ত অমসুং ওভরসীস ইনভেস্তমেন্ত

ফোরেন দাইরেক্ত ইনভেস্তমেন্ত অমসুং ওভরসীস ইনভেস্তমেন্তকীদমক চৎন-কাংলোনশিং অমসুং রিগুলেসনশিং অসি (1) ফোরেন দাইরেক্ত ইনভেস্তমেন্তশিং লায়থোকহন্নবগীদমক, (2) প্রাইওরিতাইজেসনদা মতেং পীনবগীদমক, অমসুং (3) ওভরসীস ইনভেস্তমেন্তশিংগীদমক শেনফম অমা ওইনা ভারতকী রুপি শীজিন্নবগী খুদোংচাবশিং প্রমোৎ তৌনবগীদমক লাইথোকহনগনি।

NPS ভতসল্যা

NPS- ভতসল্যা, মচা-মশুশিংগী মমা-মপা অমসুং গার্জিয়নশিংনা কন্ত্রিব্যুসন পীনবগী থৌরাং অমা হৌদোক্লগনি। চহি য়াম্লবা মতুংদা, প্লান অদু নোর্মেল NPS একাউন্ত অমদা লায়না ওন্থোকপা য়াই।

ন্যু পেন্সন স্কিম (NPS)

শেলথুম মন্ত্রীনা হায়খি মদুদি NPS য়েংশিন্নবা কমিতীনা মখোয়গী থবকশিংদা চাউনা খুমাং চাউশিনখ্রে অমসুং ফিস্কল প্রুদেন্সী ঙাক্না চৎতুনা মীচম প্রজাশিংবু ঙাকথোক্নবা মরী লৈনবা ইসুশিং কোকহন্নবা সোলুসন অমা পুথোক্কনি।

বজেৎ এস্তিমেৎশিং 2024-25

শেল-থুম মন্ত্রীনা হায়খি মদুদি চহী 2024-25গী ওইনা, লোন লৌবদগী নত্তবা অপুনবা রেসিত অমসুং অপুনবা এক্সপেন্দিচর অসি মথংশিৎনা লুপা করোর লাখ 32.07 অমসুং লুপা করোর লাখ 48.21 ওইগনি। নেৎ তেক্স রেসিত অসি লুপা করোর লাখ 25.83 ওইগনি অমসুং ফিস্কল দেফিসিৎ অসি GDP গী চাদা 4.9 ওইগনি হায়না পানরি।

মহাক্না হায়খি, 2024-25গী মনুংদা দেতেদ সিক্যুরিতীশিংগী খুত্থাংদা গ্রোস অমসুং নেৎ মার্কেৎ লোনশিং অসি মথংশিৎনা লুপা করোর লাখ 14.01 অমসুং লুপা করোর লাখ 11.63 ওইগনি হায়না পানরি।

 শ্রীমতী সিতারমন্না অকনবা ৱাফম থমখি মদুদি মহাক্না 2021দা লাউথোকখিবা ফিস্কল কন্সোলিদেসনগী খোঙথাং অসিনা শেন্মিৎলোনদা অফবা মতেং পাংলি অমসুং সরকারনা মথং চহিদা এফিসিৎ অসি চাদা 4.5গী মখাদা লৈহন্নবা পান্দম থম্লি।

পার্ত B

লৈবাক অসিগী তোলোপ চাবা মীওই অমসুং পেন্সনর করোর মরিদা হকথেংননা তেক্স লৌবদা কান্নবা পীবতা নত্তনা, কেন্দ্রগী বজেৎ 2024-25না লাক্কদৌরিবা থা তরুক অসিদা হকথেংননা অমসুং নাকোইননা লৌরিবা তেক্সশিং অসি মপুং ফানা য়েংশিনবা, মখোয়শিং অসি লায়থোকহন্নবা, তেক্স ইনসিদেন্স অমসুং কমপ্লাইএন্সকী পোৎলুম  হন্থহন্নবা অমসুং তেক্স নেৎশিং অসি পাকথোক চাউথোকহন্নবা হোৎনরি। তেক্স বেজ ফগৎহন্নবা অমসুং দোমেস্তিক মেনুফেকচরিং সপ্পোর্ত তৌনবা বজেৎ অসিনা কস্তম দ্যুতী রেৎ স্ত্রকচরগী রিভিয়ুগা লোয়ননা GSTগী তেক্স স্ত্রকচরবু মপুং ফানা রেস্নেলাইজ তৌনবা ৱাফম থম্লি। ইনকম তেক্স এক্তকী অপুনবা রিভিয়ু অসি ৱাথোকশিং অমসুং লিতিগেসন হন্থহন্নবা অমসুং এক্ত অসি ময়েক শেংনা, তেন্না অমসুং লাইনা পাবা ঙমহন্নবা পান্দম থম্লি। শেল-থুম অমসুং কোর্পোরেৎ এফিয়র্সকী মন্ত্রী শ্রীমতী নির্মলা সিতারামন্না হায়খি করপোরেৎ অমসুং পর্সনেল ইনকম তেক্সকীদমক্তা একজেম্পসন অমসুং দিদক্সন য়াওদনা তেক্স রেজিমশিং লায়থোকখিবা অসি তেক্সপেয়রশিংনা থাগৎপা ফোংদোকখি। 2022-23দা কোর্পোরেৎ তেক্সকী চাদা 58দি লায়থোক্লবা তেক্স রেজিমদগী লাকখি অমসুং তেক্সপেয়রশিংগী শরুক অহুম থোকপগী অনিনা অনৌবা পর্সনেল ইনকম তেক্স রেজিমদা ওন্থোকখি।

বজেৎ 2024-25না অনৌবা তেক্স রেজিম খল্লিবা মীওইশিংগী ওইনা তোলোপ চাবা কর্মচারীশিংগী স্তেন্দর্দ দিদক্সন লুপা 50,000/- দগী লুপা 75,000/- ফাওবা হেনগৎহনখি। মতৌ অসুম্না, পেন্সনরশিংগী ফেমিলী পেন্সনগী দিদক্সন অসি লুপা 15,000/-দগী লুপা 25,000/-দা হেনগৎহনখ্রে। করিগুম্বা, মাংখিবা ইনকম অদু লুপা লাখ 50দগী হেল্লবদি হৌজিক্কী ওইনা, এসেসমেন্ত অসি চহি অহুমগী মথক্তা এসেসমেন্তগী চহি লোইরবা মতুং চহি 5 ফাওবদা অমুক হন্না হাংদোকপা য়াগনি। অনৌবা তেক্স রেজিম রেৎ স্ত্রকচর অসিসু ইনকম তেক্সকী ওইনা তোলোপ চাবা কর্মচারী অমদা লুপা 17,500/- ফাওবগী কান্নবা পীনবগীদমক শেমদোক্লে।

তেবল 1: অনৌবা তেক্স রেজিমগী তেক্স স্ত্রকচর

ইনভেস্তমেন্ত প্রমোৎ তৌনবা অমসুং থবক পীবা হেনগৎহন্নবা, বজেৎ অসিনা ইনভেস্তরশিংগী কাংলুপ খুদিংমক্কী এঞ্জেল তেক্স লৌথোক্তুনা এন্তপ্রিনোরিয়ল স্পিরিত অমসুং স্তার্ত-অপ ইকোসিস্তেমদা খুমাং চাউশিনহনখ্রে। মখা তানা, ক্রুইজ তুরিজমগী অচৌবা পোতেন্সিএল য়েংলগা দোমেস্তিক ক্রুইজশিং ওপরেৎ তৌরিবা ফোরেন শিপ্পিং কম্পেনীশিংগীদমক অচম্বা তেক্স রেজিম অমা প্রপোজ তৌরি। লৈবাক অসিদা রো দাইমন্দ য়োনবা মপান লৈবাক্কী মাইনিং কম্পনীশিংনা হৌজিক সেফ হার্বর রেৎশিংদগী কান্নবা ফংগনি। মসিনা দাইমন্দ ইন্দস্ত্রীদা কান্নবা ফংহল্লগনি। মখা তানা, ফোরেন কেপিতেল পুক্নিং চিংশিন্নবা, ফোরেন কম্পনীশিংদা কোর্পোরেৎ তেক্স রেৎ অসি চাদা 40দগী 35দা হন্থহনখি।

বজেৎ অসিনা চেরিতীগীদমক দাইরেক্ত তেক্স রেজিম, TDS রেৎ স্ত্রকচর অমসুং কেপিতেল গেন তেক্স তৌবা হেন্না লায়থোকহনখি। চেরিতীগীদমক তেক্স এক্সজেন্সনগী রিজিম অনি অসি অমত্তা ওইনা পুনশিনগনি। পেমেন্ত কয়াদা চাদা 5গী TDS অসি চাদা 2গী TDS দা পুনশিনগনি অমসুং ম্যুচুএল ফন্দশিংনা য়ুনিৎশিং অমুক হন্না কাইথোকপদা চাদা 20গী TDS লৌগনি। ই-কম্মর্স ওপরেতরশিংদা TDS রেৎ অসি চাদা 1দগী চাদা 0.1দা হন্থখ্রে। হৌজিক্তি TDS গী ক্রেদিৎ অসি তোলোপতগী লৌথোকপা TDSদা পীগনি। বজেৎনা TDS স্তেতমেন্ত ফাইল তৌবগী মতম ফাউবা TDS পীথোকপগী মতম শাংদোকপা অসি দি-ক্রিমিনেলাইজ তৌখ্রে। স্তেন্দর্দ ওপরেতিং প্রোসিদ্যুওর অসি TDS দিফোল্তকীদমক সিম্প্লিফাইদ অমসুং রেস্নেলাইজ তৌরবা কম্পাউন্দিং গাইদলাইনশিংগীদমক অথুবা মতমদা শেম্লগনি।

কেপিতেল গেনশিং, অতেনবা মতমগী গেনশিং অসি অখন্নবা ফাইনান্সিএল এসেতশিংদা 20%গী রেৎ অমা পীরগনি। ফাইনান্সিএল অমসুং নন-ফাইনান্সিএল এসেত পুম্নমক্কী ওইবা মতম শাংনা ফংলকপা শেনফম্না চাদা 12.5গী রেৎ লৌগনি। অৱাংবা অমসুং ময়াই ওইবা ইনকম লৈবা কাংলুপকী কান্নবা ফংহন্নবা কেপিতেল গেনগী একজেম্পসনগী লিমিৎ অসি চহিদা লুপা লাখ 1.25দা হেনগৎহনখ্রে। চহি অমদগী হেন্না লৈবা লিস্ত তৌরবা ফাইনান্সিএল এসেতবশিং অমসুং চহি অনিদগী হেন্না লৈবা লিস্ত তৌদবা এসেতশিং (ফাইনান্সিএল অমসুং নন-ফাইনান্সিএল) অসি শাংদোক্লবা মতমগী এসেতশিং ওইনা ক্লাসিফাই তৌগনি। লিস্ত তৌদবা বোন্দশিং অমসুং দিবেন্তচরশিং, দেব ম্যুচুএল ফন্দশিং অমসুং মার্কেৎ লিঙ্ক দিবেঞ্চচরশিংনা চৎনবা য়াবা কেপিতেল গেন তেক্স লৌবা মখা তানা লেপকনি।

GST না মীপুম খুদিংমক্কী তেক্স হন্থহনববু য়ানিংদুনা অমসুং মসি অচৌবা মাই পাকপা অমনি হায়না ফোংদোক্লদুনা, কেন্দ্রগী শেল-থুম মন্ত্রী শ্রীমতী নির্মলা সিতারমননা হায়খি মদুদি GST না কমপ্লাইএন্সকী পোৎলুম অমসুং ত্রেদ অমসুং ইন্দস্ত্রীদা লোজিতিক্স কোস্ত হন্থহনখ্রে। হৌজিক্তি সরকারনা লেমহৌরিবা সেক্তরশিংদা তেক্স স্ত্রকচর পাকথোক চাউথোকহন্নবা তেক্স স্ত্রকচরবু হেন্না লায়থোকহন্নবা অমসুং রেস্নেলাইজ তৌনবা থৌরাং তৌরি। মথংগী চহি অনিগী মনুংদা অপীলেতকী ওর্দরশিংবু চৎনহন্নবা রেক্তিফিকেসন অমসুং ওর্দর য়াওনা কস্তম অমসুং ইনকম তেক্সকী লেমহৌরিবা সর্ভিসশিং অসি মখা তানা দিজিতেলাইজ তৌনবা অমসুং পেপরলেস ওইহন্নবা বজেৎ অসিনা থৌরাং তৌরি।

ললোন-ইতিক লাইথোকহন্নবা অমসুং ৱাথোক হন্থহন্নবগীদমক্তা কস্তম দ্যুতীশিং অসি রেস্নেল ওইহন্নবা অমসুং শেমদোক্নবা শেমদোকখ্রে। কেন্সরগী অনাবশিংদা মতেং পাংদুনা, বজেৎনা কেন্সর লায়েংনবা হিদাক-লাংথক অহুম, হায়বদি ত্রাস্তুজুমাব দেরুক্সতেকান, ওসিমর্তিনিব অমসুং দুরভালুমাবপু কস্তম দ্যুতীজদগী মপুং ফানা লৌথোকখি। এক্স-রে মেছিন ত্যুবশিং অমসুং ফ্লেত পেনেল দিতেক্তরশিংদা বেসিক কস্তম দ্যুতী (BCD) হন্থহল্লগনি। মোবাইল ফোন, প্রিন্তেদ সর্কিৎ বোর্দ এসেমব্লী (PCBA) অমসুং মোবাইল চার্জরশিংদা BCD 15%দা হন্থখ্রে। মরুওইবা মিনরেলশিং প্রোসেসিং অমসুং রিফাইন তৌবদা মতেং পাংনবা, বজেৎ অসিনা লিথিয়ামগুম্বা লনুংগী মিনরেল 25দা কস্তম দ্যুতী মপুং ফানা লৌথোকখ্রে অমসুং মখোয়দুগী মনুংদা অনিদা BCD বজেৎ অসিদা সোলর পেনেলশিং শাবগীদমক কেপিতেল গুদশিং লৌথোক্নবা ৱাফম থমখ্রে। ভারতকী সিফুদ এক্সপোর্ত হেনগৎহন্নবগীদমক, ব্রুদস্তোক, পোলিকেত ৱর্মশিং, শ্রিম্প অমসুং ঙাগী মচীঞ্জাক্তা BCD 5দা হন্থহনখ্রে। বজেৎ অসিনা ভারতকী লেদর অমসুং তেক্সতাইলগী পোৎলমশিং পুথোক পুশিন তৌবদা চাংদম্নবা হেনগৎহনগনি। স্পেন্দেক্স গারন পুথোকপদা শীজিন্নরিবা মেথাইলিন দিফেনাইল দাইসোসিয়ানেত (MDI) দা BCD অসি চাদা 7.5দগী চাদা 5দা হন্থহল্লি। সনা অমসুং লুপাদা কস্তম দ্যুতী অসি চাদা 6দা অমসুং প্লাতিনামদা চাদা 6.4দা হন্থখ্রে। ফেরো নিকেল অমসুং ব্লিস্তর কোপরদা BCD লৌথোকখ্রে। অমোনিয়ম নাইত্রেততা BCD অসি পাইপলাইনদা লৈরিবা অমসুং অনৌবা কেপাসিতীশিং শৌগৎনবগীদমক্তা চাদা 7.5দগী 10দা হেনগৎখ্রে। অসিগুম্বা মওংদা, PVC ফ্লেক্স বেনরশিংদা BCD অসি অকোইবগী ফিভমদা থোকহনবা খুদোংচাদবশিং য়েংলগা চাদা 10দগী 25দা হেনগৎখি। দোমেস্তিক মেন্যুফেকচরিংবু ইন্সেন্তিব তৌনবগীদমক, অখন্নবা তেলিকোম ইক্বুইপমেন্তশিংগী PCBA দা BCD 10দগী 15দা হেনগৎলে।

দিস্প্যুৎ রিজোল্যুসন অমসুং দিস্পোজ-ওফ বেকলোগশিংগীদমক কেন্দ্রগী শেল-থুম মন্ত্রীনা আপিল তৌবদা লেপ্পা ইনকম তেক্সকী ৱারোইশিন পুরক্নবা ভিবাদ সে বিশ্বাস স্কিম, 2024গী ৱাফম পুথোকখ্রে। দাইরেক্ত তেক্স, এক্সাইস অমসুং সর্ভিস তেক্সকা মরী লৈনবা আপিলশিং হাই কোর্তশিং, সুপ্রিম কোর্তশিং অমসুং ত্রাইবুনেলশিংদা ফাইল তৌনবগী শেলগী লিমিৎ অসি মথংশিৎনা লুপা লাখ 60, লুপা করোর 2 অমসুং লুপা করোর 5দা হেনগৎহনখ্রে। লিতিগেসন হন্থহন্নবা অমসুং ইন্তরনেস্নেল তেক্সেসনদা সেক্যুরিতী ফংহন্নবা, সেফ হার্বরগী কাঙলোনশিং অসি পাকথোক চাউথোকহনগদবনি অমসুং ত্রান্সফর প্রাইসিং এসেসমেন্ত প্রোসিদ্যুওর অসি মওং চুম্না পাংথোকহনগদবনি।

*****