Ka Tnat Kam Pla Tyngka jong ka Sorkar Pdeng
azadi ka amrit mahotsav

PYNBNA KA MYNTRI KAM PLA TYNGKA IA KA ‘PRADHAN MANTRI JANJATIYA UNNAT GRAM ABHIYAN’ BAN KYNTIEW IA KA IMLANG SAHLANG BAD KA IOH KA KOT JONG KI JAITBYNRIEW RIEWLUM

KA SKHIM KAN PDIANG IA KA JINGPYNPOI LUT KI KAM NA KA BYNTA KI LONGIING JONG KI RIEWLUM HA KI SHNONG BA BUN PAID KI RIEWLUM BAD KI ASPIRATIONAL DISTRICT

YN KYNTHUP 63,000 TYLLI KI SHNONG KA BAN AI JINGMYNTOI IA 5 KLUR KI RIEWLUM

Posted On: 23 JUL 2024 12:48PM by PIB Shillong

Ka Myntri Sorkar Pdeng ba dei khmih ia ka Tnat Kam Pla Tyngka, ka Nirmala Sitharaman ka la pynbna ba ka sorkar kan plie paidbah ia ka Pradhan Mantri Janjatiya Unnat Gram Abhiyan, haba wanrah ia ka Mang Tyngka 2024-25 jong ka sorkar pdeng ha Parliament mynta ka sngi.

https://static.pib.gov.in/WriteReadData/userfiles/image/image001P38W.jpg

Ka Myntri Kam Pla Tyngka ka la ong ba ka Abhiyan kan kyntiew ia ka jinglong ha ka imlang sahlang bad ka ioh ka kot jong ki jaitbynriew riewlum. Da kaba batai ba la thmu ban pynpoi lut ki kam na ka bynta ka jingkyntiew ia ki jingdon jingem bad ban wanrah ia ka hok ha ka imlang sahlang, ka la bynrap shuh shuh ba ka skhim kan kynthup lut ia baroh ki longiing jong ki riewlum kiba sah ha ki shnong ba bun paid ki riewlum bad ki aspirational district.

Ka Pradhan Mantri Janjatiya Unnat Gram Abhiyan kja thmu ban kynthup 63,000 tylli ki shnong bad ka thmu ban ai jingmyntoi ia 5 klur ngut ki riewlum ha kylleng ka ri.

***


(Release ID: 2036101) Visitor Counter : 62


Read this release in: Assamese , English , Urdu , Marathi , Hindi , Hindi_MP , Punjabi , Gujarati , Odia , Tamil , Telugu , Kannada , Malayalam