زراعت میں پیداواری صلاحیت اور لچک کو بڑھانے کے اقدامات کے ایک حصے کے طور پر، 25-2024 ء کے مرکزی بجٹ  میں کئی اقدامات کا اعلان کیا گیا ہے  ، جن میں زراعت کی تحقیق پر زور، قدرتی کاشت کاری کو فروغ دینا اور قومی تعاون کی پالیسی شامل ہیں۔

زرعی تحقیق کو تبدیل کرنا

خزانہ اور کارپوریٹ امور کی مرکزی وزیر محترمہ نرملا  سیتا رمن نے کہا ہے کہ حکومت زرعی تحقیق کے سیٹ اپ کا ایک جامع جائزہ لے گی تاکہ پیداواری صلاحیت میں اضافہ اور آب و ہوا کی لچکدار اقسام کی ترقی پر توجہ مرکوز کی جا سکے۔ آج پارلیمنٹ میں 25-2024 ء  کا مرکزی بجٹ پیش کرتے ہوئے، انہوں نے کہا کہ  نجی شعبے سمیت فنڈنگ ​​چیلنج موڈ میں فراہم کی جائے گی ۔ مرکزی وزیر نے مزید کہا کہ حکومت اور باہر کے ڈومین ماہرین اس طرح کی تحقیق کے انعقاد کی نگرانی کریں گے۔ بجٹ میں یہ بھی اعلان کیا گیا ہے کہ کسانوں کی کاشت کے لیے 32 کھیت اور باغبانی فصلوں کی نئی 109 زیادہ پیداوار دینے والی اور برعکس آب و ہوا  والے حالات کا بہتر طور پر سامنا کرنے والی اقسام جاری کی جائیں گی۔

قدرتی کاشت کاری

وزیر خزانہ نے یہ بھی اعلان کیا کہ اگلے دو سال میں ملک بھر میں ایک کروڑ کسانوں کو سرٹیفیکیشن اور برانڈنگ کی مدد سے قدرتی کھیتی کی طرف راغب کیا جائے گا۔ انہوں نے کہا کہ اس پر عمل درآمد سائنسی اداروں اور رضامند گرام پنچایتوں کے ذریعے ہوگا اور اس مقصد کے لیے 10000 ضرورت پر مبنی بایو ان پٹ وسائل مراکز قائم کیے جائیں گے۔

قومی تعاون کی پالیسی

مرکزی وزیر نے کہا کہ حکومت کوآپریٹو سیکٹر کی منظم اور ہمہ گیر ترقی کے لیے ایک قومی تعاون پالیسی لائے گی۔ انہوں نے کہا کہ دیہی معیشت کی تیز رفتار ترقی اور بڑے پیمانے پر روزگار کے مواقع پیدا کرنا پالیسی کا ہدف ہوگا۔

.............................

) ش ح – ح  ا  -  ع ا )

U.No. 8594