’وکِسِت بھارت‘ کے لئے کام کرنے کے واسطے مفصل روڈ میپ کے ایک حصے کے طور پر اور سبھی کے لیے وافر مواقع پیدا کرنے کے  مقصد سے  مرکزی بجٹ 2024-25، آج  خزانہ اور کارپوریٹ امور  کی مرکزی وزیر محترمہ  نرملا سیتا رمن کے ذریعہ  پارلیمنٹ میں پیش کیا گیا۔جس میں ’کاروبار کرنے میں آسانی‘ کو یقینی بنانے اور انسالوینسی اور بینکرپٹسی ایکو سسٹم کو مضبوط بنانے پر خصوصی توجہ کے ساتھ 9 ترجیحات پر مسلسل کوششوں کی بات کہی گئی ہے۔

کاروبار کرنے میں آسانی

مرکزی وزیر خزانہ نے اپنے بزنس ریفارم ایکشن پلان  اور ڈیجیٹلائزیشن کے  نفاذ کے لیے   ریاستوں کو تحریک دیجئے جانے کی تجویز پیش کرتے ہوئے اعلان کیا کہ ’’کاروبار کرنے میں آسانی پیدا کرنے کے لیے، ہم پہلے ہی جن وشواس بل 2.0 پر کام کر رہے ہیں۔‘‘ ۔

آئی بی سی ایکو سسٹم کو مضبوط بنانا

وزیر خزانہ نے یہ تجویز بھی پیش کی کہ انسالوینسی اور بینکرپٹسی کوڈ (آئی بی سی) کے تحت نتائج کو بہتر بنانے کے لیے ایک مربوط ٹیکنالوجی پلیٹ فارم قائم کیا جائے گا، اس طرح تمام متعلقین کے لیے مستقل مزاجی، شفافیت، بروقت پروسیسنگ اور بہتر نگرانی کو یقینی بنایا جائے گا۔

محترمہ نرملا سیتارامن نے  کہا  کہ آئی بی سی نے 1000 سے زیادہ کمپنیوں کا تصفیہ  کیا ہے، جس کے نتیجے میں قرض دہندگان کو 3.3 لاکھ کروڑ سے زیادہ کی براہ راست وصولی ہوئی ہے۔ اس کے علاوہ، 28000 معاملات جن میں 10 لاکھ کروڑ سے زیادہ شامل ہیں، داخلے سے پہلے ہی نمٹا دیے گئے ہیں۔ انہوں نے مزید تجویز پیش کی کہ آئی بی سی میں مناسب تبدیلیاں، ٹربیونل اور اپیلٹ ٹربیونلز میں اصلاحات اور مضبوطی کا آغاز کیا جائے گا تاکہ انسالوینسی  کے تصفیہ کو تیز کیا جا سکے۔

مرکزی وزیر نے اضافی ٹربیونلز کے قیام کی بھی تجویز پیش کی جن میں سے کچھ کو کمپنیز ایکٹ کے تحت خصوصی طور پر مقدمات کا فیصلہ کرنے کے لیے نوٹی فائی  کیا جائے گا۔

ایل ایل پی کی رضاکارانہ بندش

سنٹر فار پروسیسنگ ایکسلریٹڈ کارپوریٹ ایگزٹ (سی- پیس) کی خدمات کو محدود ذمہ داری پارٹنرشپس (ایل ایل پی) کی رضاکارانہ بندش کے لیے بھی توسیع دینے کی تجویز دی گئی ہے، اس طرح بندش کا وقت کم ہو جائے گا۔

قرض کی وصولی کو مضبوط بنانا

یہ بھی تجویز ہے کہ قرضوں کی وصولی کے ٹربیونلز میں اصلاحات اور مضبوطی کے لیے اقدامات کیے جائیں اور ریکوری کو تیز کرنے کے لیے اضافی ٹربیونلز قائم کیے جائیں۔

۔۔۔۔۔۔۔۔۔۔۔

ش ح۔ا  گ۔ن ا۔

U-8587