وزیراعظم کا دفتر
لگزمبرگ کے وزیر اعظم نے وزیراعظم نریندر مودی کو فون کرکے مبارکباد دی
دونوں رہنماؤں نے دوطرفہ تعلقات کو مزید مستحکم کرنے کے عزم کا اعادہ کیا
وزیراعظم فریڈن نے یوکرین میں تنازعہ کے جلد خاتمے کی حمایت میں ہندوستان کے کردار کی ستائش کی
وزیر اعظم نے عزت مآب گرینڈ ڈیوک ہنری اور وزیر اعظم فریڈن کو ہندوستان کا دورہ کرنے کی دعوت دی
Posted On:
22 JUL 2024 10:04PM by PIB Delhi
عزت مآب لگزمبرگ کے گرینڈ ڈچی کے وزیر اعظم جناب لوک فریڈن نے آج وزیر اعظم نریندر مودی کو فون کیا اور انہیں مسلسل تیسری مدت کے لیے دوبارہ منتخب ہونے پر مبارکباد دی۔
وزیر اعظم نے، وزیر اعظم فریڈن کی مبارکباد کا شکریہ ادا کیا اور امید ظاہر کی کہ دونوں ممالک کے درمیان کثیر جہتی تعاون کو مزید تقویت ملے گی۔
دونوں رہنماؤں نے تجارت، سرمایہ کاری، پائیدار مالیات، صنعتی مینوفیکچرنگ، صحت، خلا اور عوام کے درمیان رابطے سمیت متنوع شعبوں میں دوطرفہ شراکت داری کو مزید مستحکم کرنے کے لیے کام کرنے کے عزم کا اعادہ کیا۔ دونوں رہنماؤں نے یوکرین کے تنازع سمیت علاقائی اور عالمی امور پر تبادلہ خیال کیا۔ پی ایم فریڈن نے تنازعہ کے خاتمے اور امن و استحکام کی جلد بحالی میں بھارت کی طرف سے ادا کیے جانے والے کردار کی ستائش کی۔
وزیر اعظم نے عزت مآب گرینڈ ڈیوک ہنری اور وزیر اعظم فریڈن کو ہندوستان کے دورے پر آنےکی دعوت دی۔
دونوں رہنماؤں نے رابطے میں رہنے پر اتفاق کیا۔
************
ش ح۔ ا ع ۔ م ص
(U: 8574 )
(Release ID: 2035578)
Visitor Counter : 6