প্রধানমন্ত্রীগী লোইশঙ
প্রধান মন্ত্রীনা লাক্সেমবর্গগী প্রধান মন্ত্রীদগী থাগৎপগী কোল অমা ওকখ্রে
লৈবাক অনিগী মরীশিং মখা তানা মপাঙ্গল কনখৎহন্নবা লুচিংবশিংনা অমুক হন্না থাজবা পীনখি
য়ুক্রেন্দা মুক্নরিবা অসি অথুবা মতমদা লোইশিন্নবা ভারতনা লৌরিবা থৌদাং প্রধান মন্ত্রী ফ্রৈদেন্না থাগৎপা ফোঙদোকখ্রে
গ্রান্দ দুক হেনরি অমসুং প্রধান মন্ত্রী ফ্রৈদেন ভারত্তা লাক্নবা প্রধান মন্ত্রীনা চেবাউ পীখ্রে
Posted On:
22 JUL 2024 10:04PM by PIB Imphal
ঙসি লাক্সেমবর্গগী প্রধান মন্ত্রী লুক ফ্রৈদেন্না প্রধান মন্ত্রী শ্রী নরেন্দ্র মোদীদা তেলিফোন তৌরকখ্রে অমসুং অহুমলকশুবা তার্মগী অমুক হন্না খল্লকপদা প্রধান মন্ত্রী থাগৎপা ফোঙদোকখ্রে।
মহাক্কী য়াইফ-পাউজেলগীদমক প্রধান মন্ত্রী মোদীনা প্রধান মন্ত্রী ফ্রৈদেন থাগৎপা ফোঙদোকখি অমসুং লৈবাক অনিগী মরক্তা হিরম কয়াদা মতেং পীনরিবা অসি হেন্না ফগৎনবা অমসুং খোঙজেল য়াংখৎনবা থাজবা পীখি।
ললোন-ইতিক, শেন থাদবা, ফাইনান্স, উদ্যোগকী মেনুফেকচরিং, হকশেল, স্পেস অমসুং মীগা মীগা লৈনবা মরী য়াওনা হিরম কয়াদা লৈবাক অনিগী মরক্তা লৈনরিবা মরীশিং মখা তানা মপাঙ্গল কনখৎহন্নবা লুচিংবশিংনা অমুক হন্না থাজবা পীনখি। য়ুক্রেনগী মুক্নরিবা য়াওনা লমদম-লমদমগী অমসুং মালেমগী থৌদোকশিংগী মতাংদা লুচিংবা অনিনা মখোয়গী ওইবা ৱাখল্লোনশিং ফোঙদোক্নখি। মুক্নবা লোইশিন্নবা অমসুং অথুবা মতমদা শান্তি অমসুং তুংদু লৈতবা পুরক্নবা ভারতনা লৌরিবা থৌদাং প্রধান মন্ত্রী ফ্রৈদেন্না থাগৎপা ফোঙদোকখ্রে।
গ্রান্দ দুক হেনরি অমসুং প্রধান মন্ত্রী ফ্রৈদেন ভারত্তা লাক্নবা প্রধান মন্ত্রীনা চেবাউ পীখ্রে।
মখা তানা পাউ ফাওনবা হায়না লুচিংবা অনিমক্না য়ানখ্রে।
***
(Release ID: 2035471)
Visitor Counter : 36
Read this release in:
Urdu
,
English
,
Hindi
,
Marathi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam