নোংচুপ লৈবাকশিংনা ক্লাইমেত চেঞ্জ মাইয়োক্নরিবা থৌওংশিং নীংথিনা নৈনদুনা, ইকোনোমিক সর্ভে 2023-24না চাউখৎলক্লিবা লৈবাকশিংগী মফমদা ক্লাইমেত চেঞ্জপু ‘লোকেল লেন্স’ কী মিৎয়েংদগী য়েংলসি হায়বা খোল্লাও থমখ্রে। ‘ৱান সাইজ ফিৎস ওল’ থৌওং অসি কান্নররোই, চাউখৎলক্লিবা লৈবাকশিংদা চাউখৎ-থৌরাংগী পান্দমশিংগা মরম চাবা ক্লাইমেত এক্সনগা খল মান্ননা চৎনবা থৌদাং শিন্নখ্রবনা মরম ওইরগা, মখোয়না মশাগী অপাম্বা লম্বী চৎচবগী মথৌ তারে হায়না মসিনা হায়রি।

শেল-থুম অমসুং কোর্পোরেত এফিয়র্সকী কেন্দ্র মন্ত্রীনা ঙসি পার্লিয়ামেন্ততা থমখিবা ইকোনোমিক সর্ভে 2023-24 অসিনা ক্লাইমেত চেঞ্জ থেংননবা হৌজিক পায়খৎলিবা থৌওং অসিদা অশোইবা লৈবতা নত্তনা মালেম পুম্বদা চৎনবা য়ারোই হায়না ময়েক শেংনা পল্লি। নোংচুপ্লোমগী থৌওং ভারত্তা মতৌ তম্বদা ভারত্তা অমাঙ অতা য়াম্না থোহনগনি, মসিগী মরমদি ভারত অসিদি চৎনবী, শেন্মিৎলোন, খুন্নাইগী কাঙলোনশিং অসি হান্নদগী মরী লৈনদুনা লাক্লবনি হায়না মসিনা পল্লি।

ক্লাইমেত এক্সনগী মতাংদা ভারতনা খুমাঙ য়াম্না চাউশিল্লবশু নোংচুপ্লোমগী ৱারোইশিনগা ইচুন-চুশিন্নদবগী ফনা ঙাঙদবগী থৌওং কয়া থেংনখ্রবনি হায়না চেরোল অসিনা হায়রি। মসিগুম্বা ফনা হায়নদ্রিবা অসিদি সস্তেনেবল ওইবা ৱাখল্লোন্না থল্লবা ভারৎকী খুন্নাই অমসুং চৎনবীগী মরক্তা লৈনরিবা তোপ-তোপ্পা মরী অসি খঙদবগীনি। ক্লাইমেত চেঞ্জ মাইয়োক্নবদা মালেমগী ওইবা ফম্বাক্তা খুমাং চাউশিনবা ঙমদ্রিবগী মরম কয়াশু মসিনা মখা তানা পনখি। মখোয়শিং অদুদি মখাদা পীরিঃ

• নোংচুপ্লোমগী থৌওংশিংনা শিংনবগী হৌরকফমদা, হায়বদি রিসোর্স হেন্না শিজিন্নবদা মিৎয়েং চঙদে, হেন্না শিজিন্নবা ঙম্নবা করিনা মহুৎ শিনগদগে হায়না লৌই।
• আর্তিফিসিএল ইন্তেল্লিজেন্সকুম্বা ইনর্জী য়াম্না শিজিন্নবা তেক্নোলোজী শিজিন্নবদা মালেম্না মিৎয়েং থম্লিবা অমসুং রেয়র আর্থ মিনরেল চাং য়াম্না লৌথোকপগুম্বা থৌওংনা ফোসিল ফুএল শিজিন্নবা হেনগৎহল্লি। মসিগা ক্লাইমেত চেঞ্জ হন্থহন্নবা থম্লিবা পান্দমগা হকথেংননা খেন্নৈ।
• চাউখৎপা লৈবাক্কী পুন্সি মহিংনা মীওইবগা মহৌশাগা, অতোপ্পা মীওইবগা, মেতরিএলিতী অমশুং মশামক্না লৈনবা তৎনবা য়াদ্রবা মীওইবা খুন্নাইগী মরী খঙদে।

ইকোনোমিক সর্ভে 2023-24না ভারতকী ইথোসনা মহৌশাগা অচেৎপা মরী লৈনবা হায়বসিদা অহেনবা মিৎয়েং চঙই, মালেমগী চাউখৎপা লৈবাকশিংদা চৎনরিবা ওভরকঞ্জম্পসনগা য়াম্না খেন্নৈ, মসিনা মরম ওইরগা, নোংচুপ্লোমগী মালেমদা চৎনদবা সস্তেনেবল ওইবা ৱারোইশিন পীরি। খুদম খরা মখাদা পীরিঃ

• চাউখৎপা লৈবাকশিংদা চৎনরিবা চানবা শা (মীত) পুথোকপগী থৌওংনা ফুদ সেক্যুরিতীদা অকায়বা পীরকপা ঙমগনি অমসুং মীওইবা খুন্নাইনা হিংবদা তঙাই ফদবা লম, ঈশিং অমসুং মহৌশাগী রিসোর্সকী ফবগী থাক মতম চুপ্পগী ফৎহন্দবা য়াই। মীওইবনা চাবা য়াবা মহৈ-মরোংশিং শাশিং অসিদা পীজবগী থৌওংনা ‘ফুদ-ফীদ কম্পিতিসন” অমা থোকহল্লে, অদুগা ঙসি পুথোক্লিবা সিরিএলশিংগী তংখায়দগী তাবা চাং খক্তা মীওইবনা চানরি। হায়রিবা ফিগরশিং অসি চাউখৎলবা লৈবাকশিংদা হেন্না নেম্লিবনি।
• চাউখৎলক্লিবা লৈবাকশিংদা চৎনরিবা লৌউবগী থৌওং, লৌউ-শিংউগী থবক কয়াগা শা-য়েন লোইবগী থৌওংগা পুন্না চৎমিন্নরিবা অসিনা শিংনবা অসিগী ৱারোইশিন অমা পীরি হায়না সর্ভে অসিনা মখা তাখি। লবুক্কী ফত্ত-হৌদী অমসুং লৌউবদগী থোক্লকপা অতোপ্পা বাই-প্রদক্তশিংবু শা-য়েনগী মচিঞ্জাক ওইনা শিজিন্নবনা চানবা শা (মীত) পুথোকপদা চঙবা মমল য়াম্না হন্থহনবগা লোয়ননা মহৌশাগী খোঙ্কাপশু ঙাকই। শা-য়েনশিংবু মীওবনা চাবা য়াবা ফীদতা হোংদোক্লকপনা লৌ উবা য়াবা লম হেনগৎহল্লক্কনি, গ্লোবেল হঙ্গর হন্থবদা তেংবাংগনি হায়না মসিনা মখা তারি।
• মান্নবা থৌওং অমা ওইনা, নোংচুপ্লোমগী মতৌগুম্না মমা-মচা খক্তমক লৈবা ইমুংগী চৎনবী অসিনা ইনভাইরনমেন্ত অমগী লৈফম অমসুং রিসোর্সকী তঙাই ফদবা য়াম্না লৈহল্লি। মসিনা মরম ওইরগা ‘অর্বান স্প্রোল’ থোকহল্লি। মসিগুম্বা থৌওং অসিদগী ওইরকপা লৈফমশিং অসি য়াম্না পীকই, নুংশিৎ নুংশা চঙদে অমসুং কালেন্থাদা শেল য়াম্না চঙহল্লি।
• ‘চৎনবী ওইরম্বা চারোল-শুরোল পুল্লপ লৈমিন্নবা ইমুং’ হায়বসিনা সস্তেনেবল হাউজিংগী পান্দম ফংহনবা ঙমগনি হায়না সর্ভে অসিনা হায়রি। য়ুম শাবদা লোকেলগী রিসোর্স অমসুং লেবর শিজিন্নবা, নুংশিৎ নুংশা নীংথিনা চঙবা শুমাঙ লৈবা, মহৌশাগী মঙাল ফংবা, মহৌশাগী নুংশিৎনা ইংহনবা য়ুম-কৈনা রিসোর্স অমসুং ইনর্জীগী তঙাই ফদবা হন্থহন্দুনা অকোয়বগী ফিভমদা য়াম্না তেংবাংগনি। মসিগুম্বা য়ুম কৈশিং অসি অহলগী ওইনশু য়াম্না শাফগনি হায়না মসিনা পল্লি।

হায়রিবা শিংনবশিংগী ৱারোইশিন পুরক্নবগীদমক্তা, ইকোনোমিক সর্ভেনা প্রধান মন্ত্রী শ্রী নরেন্দ্র মোদীগী মিসন লাইফকী পান্দমগী মিৎয়েংদগী য়েংবা হৌরক্লি। মীওইবগী তঙাই ফদবশিংবু মহৌশাদা অকায়বা পীদনা ফংহনবগী ‘লাইফস্তাইল ফোর ইনভাইরনমেন্ত’কী ৱাখল্লোন চেন্দুনা চৎলি। পুন্সি মখা চত্থহনবা হায়বসিনা ভারতকী ৱাখল্লোনগী ময়োলদা লৈবনা, ক্লাইমেত চেঞ্জকী মাইয়োক্তা থেংনবা হায়বসিদা মীওই মশানা মশাগী থৌদাং ওইনা থোক্লকপগী মথৌ তাই।

মীওইবনা সস্তেনেবল ওইনা হিংবদা শিজিন্নফম থোকপা লাইফ এক্সন 75কী লিস্ত অসিবু মিসন অসিনা মখোয়গী মনুং চলহল্লি। থৌওং অসিনা ৱাখল লৈনা কঞ্জম্পসন তৌববু পুক্নিং থৌগৎলি, সর্ক্যুলর ইকোনোমী পুক্নিং থৌগৎলি, ৱেস্ত প্রদক্ত নৌনা অমুক শিজিন্নবা, লোকেলগী মনা মশিংগী চিঞ্জাক চাবা, ঈশিং অমসুং ইনর্জী কনবা হায়বসিদা মিৎয়েং চঙগনি হায়না সর্ভে অসিনা পল্লি।

চেরোল অসিনা ইন্তর্নেস্নেল ইনর্জী এজেন্সীগী ৱারোল অমা পল্লি, অমসুং লাইফ ইনিসিএতিবনা পান্দম থম্বা থবক-থৌরমশিং পাংথোকপনা মালেমগী চহিদা পুথোক্লিবা কার্বন দাইওক্সাইদকী চাংবু ইং 2030 ফাওবদা বিলিয়ন তন 2 (ইং 2030 ফাওবদা থাদোকপগী চাং অসি 20%গী চাং হন্থহনগদবনি) হন্থহনগনি অমসুং য়ু.এস.দি. বিলিয়ন 440গী কঞ্জ্যুমর সেবিং ঙমহনগনি।

অরোইবদা, সর্ভে অসিনা মিসন লাইফকী নুংগী অচুম্বা ৱারোলবু ঙাক্না চৎলি অমসুং ক্লাইমেত চেঞ্জকী হীরমদা মালেমদা চঙশিনগদবা ইহৌ অসি লম-লমগী অপাম্বা অমসুং শেন্মিৎলোনগী মখা তানা শেমগদবনি, অদুবু, মীওইবা অমগী লিচৎ শাজত্তা মিৎয়েং চঙদুনা শেমগদবনি হায়না মসিনা হায়রি। হৌজিক্কী মতম অসিদি মান্নবা মিৎয়েং থমদুনা খুন্নাই অমা নৌনা শেমগৎপগী মতম্নি হায়না মসিনা মখা তাখি।

***