કેન્દ્રીય નાણાં અને કોર્પોરેટ બાબતોના મંત્રી શ્રીમતી નિર્મલા સીતારમણે આજે સંસદમાં રજૂ કરેલા આર્થિક સર્વેક્ષણ 2023-24માં 9.5 ટકાની મજબૂત ઔદ્યોગિક વૃદ્ધિ મુખ્ય બાબત હતી.

આર્થિક સર્વેક્ષણ અનુસાર, છેલ્લા એક દાયકામાં સરેરાશ વાર્ષિક 5.2 ટકાના દરે વૃદ્ધિ દર હાંસલ કરીને ભારતીય ઔદ્યોગિક ક્ષેત્રમાં ઉત્પાદન મોખરે રહ્યું હતું. નાણાકીય વર્ષ 2023માં આ ક્ષેત્રનું કુલ મૂલ્ય 14.3 ટકા હતું અને આ જ સમયગાળા દરમિયાન ઉત્પાદન હિસ્સો 35.2 ટકા હતો, જે સૂચવે છે કે આ ક્ષેત્ર નોંધપાત્ર બેકવર્ડ અને ફોરવર્ડ જોડાણો ધરાવે છે. મેન્યુફેક્ચરિંગ માટે એચએસબીસી ઇન્ડિયા પરચેઝિંગ મેનેજર્સ ઇન્ડેક્સ (પીએમઆઈ) પણ નાણાકીય વર્ષ 24 ના તમામ મહિનાઓમાં સતત 50ના થ્રેશોલ્ડ મૂલ્યથી ઉપર રહ્યો છે, જે ભારતના ઉત્પાદન ક્ષેત્રમાં સતત વિસ્તરણ અને સ્થિરતાનો પુરાવો છે.

સર્વેમાં નોંધવામાં આવ્યું છે કે દેશમાં ઉત્પાદનના કુલ મૂલ્યના લગભગ 47.5 ટકાનો ઉપયોગ ઉત્પાદક પ્રવૃત્તિઓ (આંતર-ઉદ્યોગ વપરાશ)માં ઇનપુટ તરીકે થાય છે. આંતર-ઉદ્યોગ વપરાશમાં ઉત્પાદન પ્રવૃત્તિઓનો હિસ્સો આશરે 50 ટકા છે અને તે જ સમયે, તમામ ઉત્પાદક પ્રવૃત્તિઓ (કૃષિ, ઉદ્યોગ અને સેવાઓ)માં ઉપયોગમાં લેવાતા ઇનપુટ્સમાં લગભગ 50 ટકા હિસ્સો પૂરો પાડે છે.

ભૌતિક માળખાગત સુવિધાઓ, લોજિસ્ટિક્સ અને અનુપાલનના અવરોધોએ ભૂતકાળમાં ક્ષમતા નિર્માણ અને વિસ્તરણને ધીમું પાડ્યું હતું. સર્વેક્ષણમાં આશાવાદી રીતે નોંધવામાં આવ્યું છે કે આમાંના મોટાભાગના પ્રતિબંધો હવે હટાવવામાં આવ્યા છે. સર્વેમાં જણાવાયું છે કે ભૌતિક માળખાગત સુવિધા અને કનેક્ટિવિટી ઝડપથી સુધરી રહી છે. તેમાં વધુમાં જણાવાયું છે કે ગુડ્સ એન્ડ સર્વિસ ટેક્સ (જીએસટી)એ અનેક ચીજવસ્તુઓ માટે એક જ બજાર ઊભું કર્યું છે, જે મોટા પાયે ઉત્પાદનને સક્ષમ બનાવે છે. આ સર્વેક્ષણ લાંબા ગાળાના રોકાણમાં ખાનગી ક્ષેત્રની ભૂમિકાની સાથે-સાથે નિયંત્રણમુક્તિના મહત્ત્વ પર ભાર મૂકે છે. સ્પર્ધાત્મકતાને પ્રોત્સાહન આપવું અને ભારતીય ઉત્પાદન ક્ષેત્રનું વિસ્તરણ કરવું એ અર્ધકુશળ રોજગારીનું સર્જન કરવા માટે ચાવીરૂપ છે, જેથી વિકાસ લોકોની નજીક આવી શકે છે.

CB/GP/JD

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com