কেন্দ্রগী কেবিনেত্তা ঐহাক্কা লোইননা থৌ পুমিন্নরিবা এস. জয়শঙ্কর জী, গজেন্দ্র সিং সেখাৱত জী, য়ুনেস্কোগী দাইরেক্তর জেনরেল ওদ্রী ওঞ্জুলে জী, কেবিনেতকী অতোপ্পা মেম্বরশিং, রাও ইন্দ্রজিত সিং জী, সুরেশ গোপি জী, অমসুং ৱার্ল্দ হেরিতেজ কমিতীগী চিয়রমেন, ৱিসাল সর্মা জী,  অমসুং লেংবীরক্লিবা অঙম-অথৌশিং অমসুং ইবুংঙো অমসুং ইবেম্মশিং।

ঙসি ভারতনা গুরু পুর্নিমাগী শেংলবা কুম্হৈ পাংথোক্লগনি। অহানবমক্তা, ঐহাক্না ময়াম পুম্নমকপু অমসুং লৈবাক অসিগী মীয়াম পুম্নমকপু লৌশিং অসমুং লাইনিংগী ওইবা অসিগুম্বা কুম্হৈ অসিদা নুংঙাইবা ফোংদোক্লি। অসিগুম্বা য়াম্না মরু ওইবা নুমিৎ অসিদা, ৱার্ল্দ হেরিতেজ কমিতীগী ৪৬শুবা মীফম পাংথোক্লি। অমসুং অসিগুম্বা থৌরম অসি ভারত্তা অহানবা ওইনা পাংথোক্লিবনি।, অমসুং মহৌশাগুম ঐশু য়াওনা লৈবাক অসিগী মীপুম খুদিংমক্না মসিদা য়াম্না নুংঙাইবা ফাওই। ঐহাক্না মসিগী খুদোংচাব লৌরদুনা মালেম শিনবা থুংনদগী লাক্লিবা অঙম-অথৌশিং অমসুং অওইবা মীথুংলেনশিবু তরাম্না ওক্লি। ঐহাক্না মরু ওইনা য়ুনেস্কোগী দাইরেক্তর জেনরেল, ওদ্রী ওজুলেবু থাগৎপা ফোংদোক্লি। ঐহাক্না থাজৈ মদুদি মালেমগী থাক্তা থৌরম অমা ওইনা মসিগী থৌরম অসিনশু ভারত্তা অনৌবা রেকোর্দ অমা সেম্লগনি।

মরুপশিং,

ঐহাকশু বিদেশতগী ভারত্তা হল্লকহনখিবা পারি-পুরিগী ওইবা অরিবা একজিবিশন অদু য়েংখি। হৌখিবা চহি কয়া অমদা, ঐখোয়না ভারতকী অরিবা হেরিতেজ ৩৫০ হেন্না হল্লকহনখ্রে। অরিবা হেরিতেজ হল্লকপা অসিনা মালেম অসিগী মীওইশিংগী পুকচেল চাউবা অমসুং পুৱারিবু ইকাইখুম্নবা অদুবু ময়েক শেংনা উৎলি।মফম অসিদা পাংথোক্লিবা পুক্নিং চিংশিন্নিংঙাই ওইরিবা একজিবিশন অসিশু মশামক্তা য়াম্না চাউবা এক্সপরিয়েন্স অমনি। তেক্নোলোজী চাউখৎকপগী মতুং ইন্না মসিগী লম অসিদা রিসর্স অমসুং তুরিজমগী য়াম্না চাউবা পোতেন্সিয়েল অমা লৈ।

মরুপশিং,

ৱার্ল্দ হেরিতেজকী অসিগুম্বা থৌরম অসি ভারতকী য়াম্না ফিদম্নিংঙাই ওইবা মাইপাকপগা য়াম্না মরি লৈনৈ। আৱাং নোংচুপ ভারতকী পুৱারি ওইরবা ‘মোইদম’ অসি য়ুনেস্কো ৱার্ল্দ হেরিতেজকী লিস্ততা য়াওনবগী ৱাফম থাংগৎলকখ্রে হায়না মদুনা ভারতকী ঐঙোন্দা খঙহল্লখি। মসিনা ভারতকী ৪৩শুবা ৱার্লদ হেরিতেজ সিতে ওইরগনি অমসুং নোর্থ ইস্ত ইন্দিয়াদা কলচরেল ৱার্ল্দ হেরিতেজকী স্তেতস ফংবা অহানবা ওইরগনি। মোইদমশিং অসি য়াম্না মরু ওইরিবা অসি মখোয়গী তোপ-তোপ্পা মগুনশিং অদুননি। ৱার্ল্দ হেরিতেজ লিস্ততা চল্লবা মতুংদা মখোয়বু পাম্নবগী চাং য়াম্না হেনগৎলক্কনি  অমসুং মালেম অসিগী পুক্নিং চিংশিনবা হেনগৎলক্কনি হায়বসি ঐহাক্কী থাজবনি।

মরুপশিং,

মালেমগী তোঙান-তোঙানবা মফম কয়াদগী ঙসিগী থৌরম অসিদা শরুক য়ানবগীদমক্তা মফম অসিদা লাক্লিবা একক্সপর্তশিং অসিনা সম্মিত অসিগী ফজবা অদুবু ময়েক শেংনা তাক্লি। থৌরম অসি ভারতকী লমদম অসিদা পাংথোক্লিবনি, মফম অসি মালেম অসিগী খ্বাইদগী লিরবা সিভিলাইজেশন অমনি। ঐখোয়না তোঙান তোঙানবা সিভিলাইজেশন কয়া অমা উখ্রে অদুবু ভারত অসিদি হৌজিক্কী মতম মিৎকুপ খুদিংনা মমাংঙৈগী চাউথোকচনিংঙাই ওইরবা ৱারিশিং অদুবু তাক্লিবা অদুগুম্বা অরিবা সিভিলাইজেশন অমনি।  খুদম ওইনা দিল্লী অসি য়েংবীয়ু, মফম অশি অসি ভারতকী কোনুংনি অদুবু মফ অসিসু অরিবা হেরিতেজ চহি লিশিং কয়া অমগী তুংনফম্নি। মফম অসিদা হেরিতেজকী পুৱারি তপ্না তপ্না খোংথাং খুদিং উবা ফংগনি। মফ অসিদগী কি.মি. ১৫ রোম চৎলগা তন কয়া লুম্বা য়োৎকী য়ুম্বী অমা লৈ। চহি লিশিং ২ হেন্না মপান্দা খিন্দুনা লৈরিবা অসি ঙসি ফাওবা কোল্হিং কাদ্রি। মসিনা তাকপদি মতম অদুদা ভারতকী মেতালর্জী অদু কয়ামুক য়াম্না চাউখৎলম্বগে হায়বদু উৎলি। মসিনা ভারতকী হেরিতেজ অসি পুৱারি খক্তা নত্তে মসি বিগ্যানশুনি হায়বদু তাকই।

ভারতকী হেরিতেজতা খ্বাইদগী অথোইবা ইঞ্জিনিয়রিংগী য়াম্না চাউথোকচনিংঙাই ওইরবা খোংচৎ অমশু উবা ফংঙি। দিল্লীদগী কিলোমিতর ১০০ হেন্না চৎলগা মিতর ৩৫০০গী আল্তিত্যুৎতা কেদর্নাথ মন্দির লৈ।   ঙসি ফাওবা মফম অদু য়ৌশিনবদা খরা ৱানা থোকই, মফম অদু য়ৌনবা মীশিংনা কিলোমিতর কয়া অমা খোংনা চৎপা মথৌ তাই নত্রগা হেলিকোপ্তরদা চৎপগী মথৌ তাই। মফম অদু ঙসি ফাওবা কনস্ত্রক্সগীদমক্তা য়াম্না চাউনা শিংনবা অমা ওইরি, চহি অমগী মতম অয়াম্বা উন্না কুপ্তুনা লৈবনা মফম অদুদা থবক তৌবদা য়াম্না ৱানা থোকই। অদুবু নখোয়শু ঙক্কনি মদুদি কেদর্নাথতা অসিগুম্বা শুক চাউরবা লাইশঙ অসি নিপালশুবা চহি চাদা শিখিবনি। মখোয়গী ইঞ্জিনিয়রিংদা য়াম্না নতৈ চাদ্রবা অকোইবগী ফিভমশিং  অমসুং উনপাকশিং অদুগী ফিভমশিং অদু নিংথিনা য়েংখি। মসিদাশু নত্তে, লাইশঙ অদুদা মফম অমত্তদা মোর্তর শিজিন্নখিদে। অদুবু লাইশঙ অদু হৌজিক ফাওবা করিশু মতু তেক্তনা লৈরি। অসুম্না খা ভারত্তা রাজা চোলানা শাহনখিবা বৃহদিস্বর লাইশঙগীশু খুদম লৈ। মন্দির অদুগী আর্কিতেকচরেল লেআউত, হোরাইজোন্তেল অমসুং ভর্তিকেল দাইমেন্সনশিং, মন্দিরগী মীতমশিং, মন্দিরগী শরুক খুদিংমক য়াম্না ঙক্নিংঙাই ওই।

মরুপশিং,

ঐহাক্কী হৌরকফম গুজরাত রাজ্য অসিদা ধোলাৱিরা অমসুং লোথলগুম্বা মফম লৈ। ধোলাৱিরাদা ৩০০০দগী ১৫০০ BCEগী মমাংদা তৌরম্লিবা অর্বান প্লনিং, ৱাতর মেনেজমেন্ত সীস্তেম অমসুং ফেসিলিতীশিং অদু ২১শুবা চহি চাগী এক্সপর্তশিং ফাওবা ঙকহল্লি। লোথলদশু দুর্গ অমসুং লোঅর তাউনগী প্লানিং, স্ত্রীঅ আমসুং দ্রেনশিংগী ফেসিলিতীশিং অসিনা অরিবা হেরিতেজকী অদু কয়ামুক য়াম্না চাউখৎলম্বগে হায়বদু তাকই।

মরুপশিং,

ভারতকী পুৱারী অমসুং ভারতকী সিভিলাইজেশন অসি ইচম চম্বা পুৱারিদগী য়াম্না হেন্না লিরে অমসুং পাক-চাউখ্রে। মরম অদুনা পুৱারিগী সাইন্তিফিক ভেরিফিকেশন তৌবা মতমদা অনৌ-অনৌবা  অশেংবা ৱাফম কয়া অমা থোরক্লি। ঐখোয়না পুৱারিদা য়েংনবগী অনৌবা মিৎয়েং অমা থম্বগী তঙাইফদবা লৈ। মফম অসিদা তিল্লিবা মালেম অসিগী এক্সপর্তশিংনা উত্তর প্রদেশকী সিনোলিদা ফংখিবা খুদম অদু খঙলম্লগনি। সিনোলিদা ফংখিবা খুদমশিং অদু কো্প্পর এজকীনি। অদুবু মসি ইন্দস ভালী সিভিলাইজেশনগী নত্তে মসি ভেদিক সিভিলাইজেশনগী মতমগীনি। ২০১৮দা চহি ৪০০০ লিরবা শগোল গারি অমা মফ অদুদা ফংখি, মদু শগোলনা চিংবা ওইখি। মসিগী রিসর্চস অমসুং ফেকশিং অসিনা উৎলি মদুদি ভারতপু খঙনবগীদমক্তা কন্সেপত য়াওদবা অনৌবা ৱাখল্লোন অমগী তঙাইফদবা লৈ হায়বদু তাক্লি। ঐহাক্না ময়াম পুম্নমকপু মসিগী অনৌবা ফেকশিং, মসিদা পুথোরক্লিবা পুৱারিদা থম্লিবা অনৌবা মখলগী ৱাখল্লোনশিং অসিগী শরুক অমা ওইনবা ইনভাইত তৌরি।

মরুপশিং,

হেরিতেজ হায়বসি পুৱারি খক্তা নত্তে, মসিদা মীওইবা জাতিগী অমত্তা ওইবা ৱাখ্লোন অদুশু য়াওরিবনি। ঐখোয়না মালেম অসিগী এরিতেজ অমহেক্তা য়েংবা মতমদা হৌজিক ওইরিবা জিও-পোলিতিকেল ফেক্তরশিং অসিদগী হেন্না চাউথোকই। ঐখোয়না হেরিতেজকী অসিগুম্বা পোতেন্সিয়েল অসিবু মালেম অসিগী য়াইফনবগীদমক্তা শিজিন্নগদবনি। ঐখোয়না ঐখোয়গী লেগেসীশিং অসিগী খুত্থাংদা পুক্নিং অমত্তা ওইনা পুনশিনগদবনি। অমসুং ঙসি ৪৬শুবা ৱার্ল্দ হেরিতেজ মীতিং অসিগী খুত্থাংদা ভারতনা মালেম পুম্বদা হায়নিংবদি ঐখোয় ময়াম অমত্তা ওইনা পুনশিনসি, ঐখোয়-ঐখোয়গী লেগেসীশিং অসিবু পুখৎসি, ময়াম অমত্তা ওইনা পুনশিনসি, মীওইবা জাতিগী নুংঙাই-য়াইফনবগী ৱাখল্লোনশিংবু হেন্না শন্দোক্নবগীদমক্তা! ঐখোয় পুম্নমক অমত্তা ওইনা পুনশিনসি, ঐখোয়গী এরিতেজপু নিংথিনা ঙাক-শেন্দুনা তুরিজমবু হেন্না চাউখৎনবা অমসুং থবক্কী খুদোংচাবশিং হেন্না লৈহন্নবা।

মরুপশিং,

মালেম অসিদা চাউখৎ-খোংথাংনা মরু ওইনা লৌদুনা হেরিতেজপু থৌওইদবা মতম অদুসু লৈখি। অদুবু হৌজিক্কী মতম অসিদদি ময়াম লোইনা খঙনরে। ভারতকী ভিজনদি- চাউখৎপশু লৈগনি, হেরিতেজশু লৈগনি! হৌখিবা চহি ১০ অসিদা ভারতনা চাউখৎপগী অনৌবা থাক অমা য়ৌখি অদুগা লোওইন-লোইনা এখোয়গী হেরিতেজতা চাউথোকচবগী  ৱাশকশু লৌই। ঐখোয়না ঐখোয়গী হেরিতেজ কঞ্জনবা খোংথাং কয়ামরু লৌখৎলি। কাশিগী বিস্বানথ কোরিদোর, আয়োধ্যাদা রাম মন্দির শাবা, লিরবা নালন্দা য়ুনিভর্সিতীগী অনৌবা কেম্পস শাবা, অসিগুম্বা থবক কয়ামরুম লৈবাক অসিগী তোঙান-তোঙানবা মফম কয়া অমদা পাইখৎলি। ভারতকী অসিগুম্বা খোংথাং অসিনা মীওইবা জাতিগী সেবা তৌরি। ভারতকী কলচর অসি মহাক খক্তগী নত্তে। ভারতকী ৱাখল্লোন অসি- নোত মে, রেদর অস! হায়বা ৱাখল্লোন অসিগা লোইননা ভারতনা মতম চুপ্পদা মালেম অসিগী য়াইফনবগীদমক্তা খুৎশম্নদুনা থবক  তৌনবা হোৎনখি।

য়োগ, অয়ুরভেদ অসি ভারতকী সাইন্তিফিক হেরিতেজনি। মমাং চহিদা ঐখোয়না জি-২০গী হোস্ত ওইদুনা সম্মিত অদুগী থীম অদু- ৱান অর্থ, ৱান ফেমিলী,ৱান ফ্যুচর ওইহনখি। ঐখোয়না মিগী ৱাখল্লোন অসি ‘ৱাসুধৈৱ কুতুম্বাকুম’দগী ফাওরকখিবনি। ভারতনা ফুদ অমসুং ৱাতর খ্রাইসিসগুম্বা শিংনবশিং অদুগীদমক্তা মিল্লেতসবু প্রোমোত তৌরি। ঐখোয়গী ৱাখল্লোনদি- ‘মাতা ভুমি: পুত্রো্ পৃধিৱ্যা: মসিগী ৱাহন্থোক্তি, মালেম অসি ঐখোয়গী ইমানি, ঐখোয়না মহাক্কী মচা-মশুশিংনি।’ মসিগী ৱাখল্লোন অসিগা লোইনা ঙসি ভারতনা ইন্তর্নেস্নেল সোলর এলাইন্স অমসুং মিসন লাইবগুম্বা পাম্বৈশিং অসি পীরি।

মরুপীশং,

ভারতনা মালেমগী হেরিতেজ কনবা হায়বসি মহাক্কী মথৌদাংনি হায়না লৌই। মরম অদুনা ভারতকী হেরিতেজকা লোইন-লোইননা গ্লোবল সাউথকী লৈবাকশিংগী হেরিতেজশু কন্নবা তেংবাং পীনরি। কেম্বোদিয়াগী অঙ্কোর ৱাত, ভিয়েতনামগী চাম তেমপলশিং, ম্যানমারগী বাগানদা লৈরিবা স্তুপাশিং, ভারতনা অসিগুম্বা হেরিতেজশিং অসি কন্নবা খুৎশম্নদুনা থবক তৌরি। অমসুং ঙসি ঐনা মসিগী মাইকৈদা য়াম্না মরু ওইবা এনাউন্সমেন্ত অমা তৌরগনি। ভারতনা UNESCO ৱার্ল্দ হেরিতেজ সেন্তরগীদমক্তা $1 million পুথোক্লগনি। মসিগী গ্রান্ত অসিবু কেপাসিতী বিলইদং, তেক্নিকেল এসিসতেন্স অমসুং ৱার্লদ হেরিতেজ সাইতশিংগী কঞ্জার্বেশন শিজিন্নগনি।  

মরুপশিং,

অরোইবদা, মপান লমদগী লাকপীরিবা অথৌবা মীথুংলেনশিংদা ৱাফম অমতংগা হায়জগে... নখোয়না ভারতপু শোওইদনা এক্সপ্লোর তৌবীয়ু।  ঐখোয়না নখোয়গী খুদোংচানবগীদমক্তা আইকোনিক হেরিতেজ সাইতশিংগী তুর সীরীজ অমা হোদোকখ্রে। মসিগী এক্সপরিয়েন্সশিং অসিনা নখোয়গী খোংচৎশিং অদু য়াম্না নিংশিংনিঙাই ওইবা অমা ওইহল্লগনি হায়না ঐহাক্না থাজৈ। অমুক্কশু হন্না,  ময়াম পুম্নক্তা ৱার্ল্দ হেরিতেজ কমিতী মীতিংগীদমক্তা য়াইফ-পাউজেল পীজরি। ময়াম্বু হন্ন-হন্না থাগৎচরি, নমস্তে।

***