প্রধান মন্ত্রী, শ্রী নরেন্দ্র মোদীনা ঙসি মহারাস্ত্রগী মুম্বাইদা লুপা করোর 29,400 হেনবগী লম্বী, রেলৱেজ অমসুং পোর্ত সেক্তরগা মরী লৈনবা প্রোজেক্ত কয়ামরুম উরেপ-উয়ুং তমখ্রে অমসুং জাতিদা কত্থোকখ্রে।

মীয়াম তিনখিবা অদুদা ৱা ঙাংলদুনা, প্রধান মন্ত্রীনা মুম্বাই অমসুং মনাক নকপা মফমশিংগী মরক্তা লম্বী অমসুং রেলগী কন্নেক্তিবিতী ফগৎহন্নবা লুপা করোর  29,400 হেনবগী প্রোজেক্ত কয়া শঙ্গাবা অমসুং উরেপ উয়ুং তম্বগী খুদোংচাবা ফংবদা নুংঙাইবা ফোঙদোকখি। মহাক্না মহারাস্ত্রাদা থবক্কী খুদোংচাবশিং হেন্না হেনগৎহনগদবা রাজ্যগী নহারোলশিংগীদমক অচৌবা স্কিল দিবেলপমেন্ত প্রোজেক্ত অমগী মতাংদসু ৱা ঙাংখি। কেন্দ্র সরকারনা হন্দক্তা অয়াবা পীখিবা ভাধবন পোর্তকী মতাংদা প্রধান মন্ত্রীনা পনখি। “লুপা করোর 76,000গী প্রোজেক্ত অসিনা থবক লাখ 10 হেন্না ফংহল্লগনি”, হায়না মহাক্না মখা তাখি।

হৌখিবা থাদা মুম্বাইদা ইনভেস্তরশিংগী ৱাখল্লোনগী মতাংদা পল্লদুনা, প্রধান মন্ত্রীনা হায়খি মদুদি অপীকপা অমসুং অচৌবা ইনভেস্তর অনিমক্না সরকার অসিগী অহুমশুবা তর্মদা অপেনবা ফোঙদোকখি। স্তেবল ওইবা সরকার অমনা মাগী অহুমশুবা তর্মদা শরুক অহুম থোক্না থবক তৌগনি হায়না মহাক্না ফোঙদোকখি।

প্রধান মন্ত্রীনা হায়খি মদুদি মহারাস্ত্র অসি শিংথানীংঙাই ওইবা পুৱারী, শক্তি লৈরবা হৌজিক অমসুং চাউখৎপা তুংলমচৎ অমগী মঙলান লৈ। ভারতপু চাউখৎলবা লৈবাক অমা ওইহনবদা মহারাস্ত্র রাজ্যগী থৌদাং অদু পল্লদুনা, প্রধান মন্ত্রীনা ইন্দস্ত্রী, লৌউ-শিংউ অমসুং শেল-থুমগী সেক্তরনা মুম্বাইবু লৈবাক অসিগী শেল-থুমগী হব ওইহন্নবগী পাঙ্গল অদু পনখি। “ঐহাক্না মহারাস্ত্রাগী শক্তি অসি মালেমগী ইকনোমিক পৱারহাউস অমা ওইহন্নবা শীজিন্ননবা পান্দম থম্লি। মুম্বাইবু মালেমগী ফিনতেক কেপিতেল ওইহন্নবা হোৎনরি।“মহারাস্ত্রগী শিংথানীংঙাই ওইরবা শিবাজী মহারাজ, কোঙ্কন কোস্তলাইন অমসুং সহ্যাদ্রি মাউন্তেন রেঞ্জগী মতাংদা পল্লদুনা শ্রী মোদীনা মহারাস্ত্রনা তুরিজমগী লমদা মকোক থোংবা মফম অমা ওইরক্নবা মহাক্কী অপাম্বা ফোঙদোকখি। মহাক্না রাজ্য অসিগী মেদিকেল তুরিজম অমসুং কনফরেন্স তুরিজমদা লৈরিবা পোতেন্সিএলগী মতাংদসু পনখি। প্রধান মন্ত্রী মোদীনা "মহারাস্ত্রনা ভারত্তা চাউখৎপগী অনৌবা পন্দুপ অমা ইবা হৌরগনি, অমসুং ঐখোয় মসিগী কো-ত্রাভেলরশিংনি" হায়রদুনা ঙসিগী থৌরম অসি অসিগুম্বা রিজোলুসনশিং অসিদা সরকারগী অচেৎপা ৱাফম অমনি হায়না মহাক্না ফোঙদোকখি।

21শুবা চহিচাদা ভারতকী প্রজাশিংগী অচৌবা আশাশিং অদু পল্লদুনা, পি.এম. মোদীনা মথংগী চহি 25দা ভিকসিৎ ভারতকী নেস্নেল রিজোলুসন অদু অমুক হন্না ফোঙদোকখি। খোঙচৎ অসিদা মুম্বাই অমসুং মহারাস্ত্রনা লৌরিবা থৌদাং অদু মহাক্না ফোঙদোকখি। ঐখোয়গী পান্দমদি মুম্বাই অমসুং মহারাস্ত্রগী মীপুম খুদিংমক্কী পুন্সি মহিং ফগৎহনবনি। ঐখোয়না মুম্বাইগী মনাক নকপা মফমশিংদা কন্নেক্তিবিতী ফগৎহন্নবা হোৎনরি।" মহাক্না কোস্তেল রোদ অমসুং অতল সেতুগী থবকশিং লোইশিনখিবগী মতাংদা পনখি। মহাক্না হায়খি মদুদি নোংমদা অতল সেতুগী খুত্থাংদা গারী লিশিং 20 রোমনা শীজিন্নরি। মসিনা লুপা লাখ 20-25গী ফ্যুল কনবা ঙমগনি। মহাক্না হায়খি, মেত্রো সিস্তেম অসি মুম্বাইদা খোঙজেল য়াংনা চাউখৎলক্লি মরমদি মেত্রো লাইনগী অশাং অসি চহি তরাগী মমাংদা 8 KM লৈরম্বদগী ঙসিদি 80 KMদা হেনগৎলে অমসুং 200 KMগী মেত্রো নেৎৱার্ক্কী থবক চত্থরি।

প্রধান মন্ত্রীনা হায়খি, "ইন্দিয়ন রেলৱেজগী ত্রান্সফোর্মেসন অসিনা মুম্বাই অমসুং মহারাস্ত্রদা চাউনা কান্নবা ফংলি।" মহাক্না ছত্রপতি শিবাজী তর্মিনস অমসুং নাগপুর স্তেসনগী নৌনা শেমগৎপগী ৱাফম পনখি। ঙসি ছত্রপতি শিবাজী তর্মিনস অমসুং লোকমান্য তিলক স্তেসনদা অনৌবা প্লেৎফোর্মশিং লৈবাক মীয়ামদা কত্থোকখ্রে। মসিনা কোচ 24 শাংবা ত্রেনশিং মফমদুদগী চৎথোক চৎশিন তৌবা ঙমহনগনি।"

প্রধান মন্ত্রীনা হায়খি মদুদি হৌখিবা চহি 10দা মহারাস্ত্রদা নেস্নেল হায়ৱেগী অশাংবা অসি শরুক অহুম হেনগৎলে। গোরেগাওন মুলুন্দ লিঙ্ক রোদ (GMLR) প্রোজেক্ত অসি এনভাইর্নমেন্ত অমসুং প্রোগ্রেসকী অচৌবা খুদম অমনি হায়না মহাক্না হায়খি। থানে বোরীভলি ত্বিন তনেল প্রোজেক্তনা থানে অমসুং বোরীভলীগী মরক্তা লৈরিবা অরাপ্পা অদু মিনিত খরদা হন্থহল্লগনি। প্রধান মন্ত্রীনা লৈবাক অসিগী লাইফমশিং চাউখৎহন্নবা অমসুং তীর্থ য়াত্রা চৎপা মীওইশিংদা লম্বী-থোং অমসুং সর্ভিসশিং ফংহন্নবা সরকারনা হোৎনরিবশিং অদু অমুক হন্না ফোঙদোকখি। মহাক্না পন্ধরপুর ৱারীদা য়াত্রা চৎপা মীওই লাখ কয়ানা শরুক য়ারিবা অদু পনখি। য়াত্রা চৎপা মীওইশিংনা লম্বী চৎপা হেন্না লায়থোকহন্নবগীদমক্তা চাউরাক্না 200 km শাংবা সন্ত দ্ন্যানেশ্বর পাল্কি মার্গ অমসুং চাউরাক্না 110 km শাংবা সন্ত তুকারম পাল্কি মার্গ শাবগী ৱাফম মহাক্না পনখি। লম্বী অনি অসি অথুবা মতমদা শিজিন্নবা হৌরগনি হায়না মহাক্না থাজবা পীখি।

শ্রী মোদীনা হায়খি মদুদি মসিগী কন্নেক্তিবিতী ইনফ্রাস্ত্রকচর অসিনা তুরিজম, লৌউ-শিংউ অমসুং ইন্দস্ত্রীদা মতেং পাংলি। মসিনা নুপীশিংগী থবক্কী খুদোংচাবা হেনগৎহল্লি। প্রধান মন্ত্রীনা হায়খি, “NDA সরকারগী থবকশিং অসিনা লাইরবশিং, লৌমীশিং, নুপীশিংগী শক্তি অমসুং নহারোলশিংগী শক্তি হেনগৎহল্লি”। মহাক্না দবল ইঞ্জিন সরকারগী লুচিংবা মীওই লাখ 10দা স্কিল পীবগী থৌশিলশিং অমসুং মুখ্য মন্ত্রী য়ুবা কার্য়্য প্রশিখান য়োজনাগী মখাদা স্কোলারশিপ পীবগী থবকশিংগীদমক থাগৎপা ফোঙদোকখি।

প্রধান মন্ত্রীনা হায়খি মদুদি কোবিদকী লাইচৎ অসি লান্থেংনবা হোৎনরবসু হৌখিবা চহি 4-5 অসিদা ভারত্তা রেকোর্দ ওইবা মওংদা থবক ফংহনবগী থবক পায়খৎলি। শ্রী মোদীনা রিজর্ব বেঙ্ক ওফ ইন্দিয়ানা থবক পীবগী মতাংদা হন্দক্তা থাদোকখিবা অকুপ্পা মরোল য়াওবা রিপোর্ত অমগী মতাংদা ময়েক শেংখি। মহাক্না হায়খি মদুদি হৌখিবা চহি 3-4 অসিদা চাউরাক্না থবক করোর 8 শেমখ্রে। প্রধান মন্ত্রীনা ভারতকী চাউখৎ-থৌরাংগী মায়োক্তা ফোংদোক্লিবা অরানবা ৱারোলশিং অসিদগী মীয়াম্না চেকশিন্না লৈনবা হায়খি। মহাক্না হায়খি মদুদি থোংশিং শাবা, রেলৱে ত্রেকশিং থম্বা, লম্বীশিং শেম্বা অমসুং লোকেল ত্রেনশিং শেম্বা মতমদা থবক ফংহল্লি। মহাক্না হায়খি মদুদি লৈবাক অসিদা থবক পীবগী চাং অসি ইনফ্রাস্ত্রকচর দিবেলপমেন্তকা হকথেংননা মরী লৈনৈ।

“NDA সরকারগী চাউখৎ-থৌরাংগী মোদেল অসি লায়রবশিংবু মরুওইবা পীবনি” হায়না প্রধান মন্ত্রীনা ফোঙদোকখি। লায়রবশিংগীদমক য়ুম কোতি অহুম শানবা অনৌবা সরকারগী অহানবা ৱারেপ অদু মহাক্না পনখি। ইমুং করোর মরিদি হান্ননা য়ুম ফংখ্রে। মহারাস্ত্রদা লৈবা দলিতশিং অমসুং লায়রবা মীওই লাখ কয়ানা অৱাস য়োজনাগী কান্নবা ফংখি। মহাক্না মখা তাখি, "সহরশিংদা লৈরিবা লাইরবশিং অমসুং মিদল ক্লাস অনিমক্কী য়ুম অমা লৈনবগী মঙলান অদু মংফাওনহন্নবা ঐখোয়না হোৎনরি।"

মহাক্না স্বানিধি স্কিমনা লম্বীদা পোৎ য়োল্লিবশিংগী পুন্সিদা ইকাই খুম্নবা অমুক হন্না পীনবা হোৎনবদা লৌরিবা থৌদাং অদুগী মতাংদা পনখি। মহাক্না হায়খি মদুদি স্কিম অসিগী মখাদা চাউরাক্না লোন লাখ 90গী অয়াবা পীখ্রে। মহারাস্ত্রদা লোন লাখ 13 অমসুং মুম্বাইদা লোন লাখ 1.5 য়াওরি। স্কিম অসিনা হায়রিবা ভেন্দরশিং অসিগী ইনকমদা থা খুদিংগী লুপা লিশিং 2 হেনগৎহল্লে হায়না পল্লদুনা মহাক্না স্তদী অমগী মতাংদা পনখি।

প্রধান মন্ত্রীনা স্বানিধি স্কিমগী অখন্নবা অমা পনখি অমসুং লায়রবশিংগী, মরুওইনা স্কিম অসিগী মখাদা বেঙ্ক লোন লৌদুনা মতম চানা শেল পীখ্রবা লৈবাক অসিগী লম্বীদা পোৎ য়োল্লিবশিংগী ইকাই খুম্নবা অমসুং শক্তিগী মতাংদা পনখি। স্বানিধি স্কিমগী কান্নবা ফংলবশিংনা হৌজিক ফাওবদা লুপা করোর লাখ 3.25গী দিজিতেল ত্রাঞ্জেক্সন তৌখ্রে হায়না মহাক্না ফোঙদোকখি।

প্রধান মন্ত্রীনা হায়খি, "মহারাস্ত্রনা ভারত্তা কলচরেল, সোসিএল অমসুং নেস্নেল কনসিয়সনেস শন্দোক্লি।" মহাক্না ছত্রপতি শিবাজী মহারাজ, বাবাসাহেব অম্বেদকর, মহাত্মা জ্যোতিবা ফুলে, সাৱিত্রিবাই ফুলে, অন্নাবাউ সাথে, লোকমান্য তিলক অমসুং বীর সভারকরনা থম্লমখিবা লেগেসীশিং অদু পনখি। প্রধান মন্ত্রীনা প্রজাশিংদা তুং কোইনা চৎমিন্নবা অমসুং অপুনবা খুন্নাই অমা অমসুং মপাঙ্গল কনবা লৈবাক অমা ওইবগী মখোয়গী মঙলান অদু মপুং ফাহন্নবগীদমক হায়জখি। মহাক্কী ৱারোল লোইশিল্লদুনা প্রধান মন্ত্রীনা লৈবাক মীয়ামদা হায়খি মদুদি চাউখৎপগী লম্বী অসি অমত্তা ওইনা লৈমিন্নবা অমসুং অমত্তা ওইনা লৈমিন্নবা অদুনি।

মহারাস্ত্রগী রাজ্যপাল, শ্রী রমেশ বাইস, মহারাস্ত্রগী মুখ্য মন্ত্রী, শ্রী একনাথ শিন, মহারাস্ত্রগী উপ মুখ্য মন্ত্রীশিং, শ্রী দেবেন্দ্র ফদ্ নাভিস অমসুং শ্রী অজিত পৱার, কেন্দ্রগী কম্মর্স অমসুং ইন্দস্ত্রী মন্ত্রী, শ্রী পিয়ুশ গোয়ল অমসুং কেন্দ্রগী সোসিএল জস্তিস অমসুং এম্পাৱরমেন্তকী রাজ্য মন্ত্রী, শ্রী রামদাস অথাৱালিনা থৌরম অদুদা শরুক য়াখি।

বেকগ্রাউন্দ

প্রধান মন্ত্রীনা লুপা করোর 16,600 রোমগী থানে বোরীভলী তনেল প্রোজেক্তকী উরেপ উয়ুং তমখ্রে। থানে অমসুং বোরীভলীগী মরক্তা লৈরিবা ত্বিন ত্যুব তনেল অসিনা সঞ্জয় গান্ধী নেস্নেল পার্ক্কী মখাদা চৎকনি। মসিনা বোরীভলীগী নাকলদা লৈবা ৱেস্তর্ন এক্সপ্রেস হায়ৱে অমসুং থানেগী নাকলদা লৈবা গোদবন্দর রোদকী মরক্তা হকথেংননা শম্নহনগনি। প্রোজেক্ত অসিগী অপুনবা অশাং অসি 11.8 km নি। মসিনা থানেদগী বোরীভলী ফাওবগী খোঙচৎ অদু 12 Kmদা হন্থহন্দুনা চৎথোক-চৎশিন তৌবগী মতম পুং 1 রোম হন্থহল্লগনি।

প্রধান মন্ত্রীনা লুপা করোর 6300 হেন্না চংবা গোরাগাও মুলন্দ লিঙ্ক রোদ (GMLR) প্রোজেক্তকী তনেলগী থবকশিংগীদমক উরেপ উয়ুং তমখ্রে। GMLRনা গোরগাওদা লৈবা ৱেস্তর্ন এক্সপ্রেস হায়ৱেদগী মুলন্দদা লৈবা ইস্তর্ন এক্সপ্রেস হায়ৱে ফাওবা লম্বীগী কন্নেক্তিবিতী লৈহন্নবা পান্দম থম্লি। GMLRগী অপুনবা অশাং অসি চাউরাক্না কিলোমীতর 6.65নি অমসুং মসিনা নোংচুপ থংবা সবঅর্বশিংগা নবী মুম্বাই অমসুং পুনে মুম্বাই এক্সপ্রেসৱেদা অনৌবা এয়রপোর্ত শেম্নবা থৌরাং তৌরিবা অসিগা হকথেংননা শম্নহল্লগনি।

প্রধান মন্ত্রীনা নবী মুম্বাইগী তুর্ভেদা কল্যান য়ার্দ রিমোদেল্লিং অমসুং গতী শক্তি মলতি মোদেল কার্গো তর্মিনেলগী উরেপ উয়ুংসু তমখ্রে। কল্যান য়ার্দনা অরাপ্পা অমসুং সবঅর্বান ত্রাফিক সেগ্রিগেসন তৌবদা মতেং পাংগনি। রিমোদেল্লিং তৌবনা য়ার্দ অদুগী ত্রেন হেন্না হেন্দল তৌনবগী কেপাসিতী হেনগৎহন্দুনা মসিনা ত্রেনগী কঞ্জেসনগী চাং হন্থহল্লগনি অমসুং ত্রেন ওপরেসনগী ইফিসেন্সী হেনগৎহল্লগনি। নবী মুম্বাইদা লৈবা গতি শক্তি মলতি মোদেল কার্গো তর্মিনেল অসি 32600 sq mtrs হেন্না পাক চাউবা মফম অমদা শাগনি। মসিনা মফম অদুগী মীয়ামদা অহেনবা থবক ফংহল্লগনি অমসুং সিমেন্ত অমসুং অতোপ্পা পোৎলমশিং হেন্দল তৌনবগীদমক অহেনবা তর্মিনেল অমা ওইনা মথৌ তৌগনি।

প্রধান মন্ত্রীনা লোকমান্য তিলক তর্মিনসকী অনৌবা প্লেৎফোর্মশিং অমসুং ছত্রপতি শিবাজী মহারাজ তর্মিনস স্তেসনগী প্লেৎফোর্ম নম্বর 10 & 11গী এক্সতেন্সন জাতিদা কত্থোকখ্রে। লোকমান্য তিলক তর্মিনসতা অনৌবা অশাংবা প্লেৎফোর্মশিং অসিনা অশাংবা ত্রেনশিং চেনবা য়াহন্দুনা মসিনা ত্রেন অমদা পেসেঞ্জর হেন্না চলহনগনি অমসুং অহেনবা ত্রাফিক হেন্দল তৌনবা স্তেসন অসিগী কেপাসিতী হেনগৎহল্লগনি। ছত্রপতি শিবাজী মহারাজ তর্মিনস স্তেসনগী প্লেৎফোর্ম নম্বর 10 & 11 অসি কভর শেদ অমসুং শুবা য়াবা এপ্রোন লৈহন্দুনা মিতর 382 শাংদোক্লে। মসিনা ত্রেনশিংবু কোচ 24 ফাওবা হেনগৎহনবদা মতেং পাংদুনা পেসেঞ্জর মশিং হেনগৎহনগনি।

প্রধান মন্ত্রীনা লুপা করোর 5600 রোমগী শেনফমগা লোয়ননা মুখ্যমন্ত্রী য়ুবা কার্য়্য প্রশিক্ষন য়োজনাসু হৌদোক্কনি। মসি চহি 18দগী 30 ফাওবগী মনুংদা লৈবা নহাশিংদা স্কিল হেনগৎহন্নবা অমসুং ইন্দস্ত্রীদা এক্সপোজ তৌনবগী খুদোংচাবা পীদুনা নহাশিংগী থবক্কী খুদোংচাদবশিং কোকহন্নবা পান্দম থম্লিবা ত্রান্সফোর্মেতিব ইন্তর্নশিপ প্রোগ্রাম অমনি।

The development projects launched in Mumbai today will enhance connectivity, significantly upgrade the city's infrastructure and greatly benefit its citizens. https://t.co/7Xt7oSdceO

— Narendra Modi (@narendramodi) July 13, 2024

महाराष्ट्र वो राज्य है, जिसकी विकसित भारत के निर्माण में बड़ी भूमिका है। pic.twitter.com/Wsh336ayPf

— PMO India (@PMOIndia) July 13, 2024

देश की जनता लगातार तेज विकास चाहती है, अगले 25 वर्ष में भारत को विकसित बनाना चाहती है। pic.twitter.com/6kFNX8hyAb

— PMO India (@PMOIndia) July 13, 2024

NDA सरकार के विकास का मॉडल वंचितों को वरीयता देने का रहा है। pic.twitter.com/uQ2bxcAIPM

— PMO India (@PMOIndia) July 13, 2024

***