প্রধানমন্ত্রীগী লোইশঙ
প্রধান মন্ত্রী মোদীনা ফোনগী খুৎথাংদা তি-২০ ৱার্ল্দ কপ মাইপাক্লবা ভারতকী ক্রিকেত তিম থাগৎপা ফোঙদোকখ্রে
Posted On:
30 JUN 2024 2:06PM by PIB Imphal
ঙসি প্রধান মন্ত্রী শ্রী নরেন্দ্র মোদীনা তেলিফোন্দা ৱারি শান্নদুনা, নুপাগী আই.সি.সি তি-২০ ৱার্ল্দ কপ মাইপাক্লবা ভারতকী নুপাগী ক্রিকেত তিম থাগৎপা ফোঙদোকখ্রে। তুর্নামেন্ত অসিদা তিম মেম্বরশিংনা উৎখিবা থৌনা অমসুং তমজনফম ওইরবা হৈথোই-শিংথোইবা অদু শ্রী মোদীনা থাগৎপা ফোঙদোকখি।
শ্রী মোদীনা এক্সতা হায়খি;
“ভারতকী ক্রিকেত তিমগা ৱারি শান্নরে অমসুং তি-২০ ৱার্ল্দ কপ মাইপাকপগীদমক মখোয় থাগৎপা ফোঙদোকখি। তুর্নামেন্ত শীনবা থুংনা মখোয়না অঙকপা থৌনা অমসুং হৈথোই-শিংথোইবা উৎখি। শান্নরোয় খুদিংমক্কী থবক পুক্নিং থৌগৎনিঙাইনি”।
শ্রী মোদীনা তিমগী কেপ্তেন রোহিত শর্মা, সেনিয়ারা বেতসমেন বিরাত কোহলি অমসুং তিম কোচ রাহুল দ্রাবিদতা মখোয়না তুর্নামেন্ত শীনবা থুংনা উৎখিবা হৈথোই-শিংথোইবা অদুগীদমক এক্সতা তোঙান-তোঙানবা পোস্তশিং ইখি।
“নুংশিরবা @ImRo45,
অদোমগী হৈথোই-শিংথোইবা ফজনা উৎলে। অদোমগী অচেৎপা ৱাখল্লোন, বেত্তিং অমসুং কেপ্তেন ওইবা অদুনা ভারতকী তিমদা অনৌবা মশক অমা তাক্লে। অদোমগী তি-২০গী কেরিয়র নিংশিংদুনা লৈহৌরগনি। ঙসি অদোমগা ৱারি শানবদা অপেনবা ফাওই”।
“নুংশিরবা @imVkohli,
অদোমগা ৱারি শানবদা হরাওই। ফাইনেলগী ইনিংসশিংগুম, অদোম্না ভারতকী বেত্তিং মপুংফানা ঙাক্তুনা থমখি। গেম অসিগী মখল খুদিংমক্তা অদোম ফজনা শান্নখি। তি-২০ ক্রিকেত্তা অদোম উররোই অদুবু অনৌবা মীরোলগী শান্নরোয়শিংদা অদোম্না মখা তানা পুক্নিং থৌগৎনি হায়না ঐনা থাজৈ”।
“রাহুল দ্রাবিদকী শিংথানিঙাই ওইরবা কোচিংগী খোঙচৎনা ভারতকী ক্রিকেত মাইপাকহনখিবনি। মহাক্কী অচেৎপা কৎথোকপা, লাল্লোং খঙবা অমসুং অফবা শান্নরোয় শেমগৎপা অসিনা তিম মাইপাকপনি।
মহাক্না পাংথোকখিবা থবকশিং অমসুং মীরোলশিংদা ইথিল পীবগীদমক ভারতনা মহাক্কী মফমদা তৌবীমল খঙবা উৎচরি। মহাক্না ৱার্ল্দ কপ থাংগৎপা উবদা ঐখোয় হরাওই। মহাক থাগৎপদা হরাওই”।
*****
(Release ID: 2029776)
Visitor Counter : 3