Ha ka jingburom ia ki jingnoh synniang jong u Professor (late) Prasanta Chandra Mahalanobis ha ki kam statistics bad jingpynkhreh ia ka ioh ka kot, ka Sorkar India ka la ithuh ia ka 29 tarik u Jylliew man u snem, kaba dei ruh ka lyngkhuh sngi kha jong u, kum ka “Statistics Day” ha ka thup Ki Sngi Ba Kyrpang ba dei ban rakhe ha ka ri. Ka thong jong ka jingrakhe ia ka Statistics Day ka dei ban ai jingtip, khamtam ia ki khynnah, shaphang ka bynta bad ka jingkongsan jong ka statistics ha ka jingpynkhreh ia ka ioh ka kot ha ka imlang sahlang bad ka jingtei ia ki polisi na ka bynta ka roi ka par jong ka ri.

Naduh u snem 2007, la rakhe ia ka Statistics Day man u snem ha kaba la buh ia ki phang ba kongsan ia ka ri. Ka phang jong ka Statistics Day, 2024 ka dei "Use of data for decision-making". Ka jingshim ia ki rai ha ka nongrim jong ka data ka long kaba kongsan ban shim ia ki rai ha kano kano ka kam bad ka dei kawei na ki jingdonkam na ka bynta ka jingsngewthuh khham bha ia ki jingtip stastics kiba mih na ki statistics bad ruh ban plie lad ia ka jingshim ia ki rai katkum ki sakhi.

Ka prokam kaba kongsan jong ka Statistics Day, 2024 ka dei kaba la pynlong ha Manekshaw Centre, Delhi Cantt., New Delhi. U kongsan, Dr. Arvind Panagariya, Chairman ka 16^th Finance Commission u la ai jingkren ha kane ka sngi. U la kren shaphang ka bynta jong u Prof. P.C. Mahalanobis ha ka jingtei ia ka Indian Statistical System. U la ong ruh ba ka India ka dei ban bteng ia ka polisi ba don nongrim ha ka datkhnang ban iaid shakhmat ha ka jingkiew shaphrang.

U Prof. Rajeeva Laxman Karandikar, Chairman, National Statistical Commission bad Dr. Saurabh Garg, Secretary, ka Tnat SPI ruh ki la ai jingkren ha kane ka sngi. U Chairman, NSC, u la ban jur halor ka jingdonkam ban plie lad shuh shuh ban ioh bad pyndonkam ia ka data bad u la ong ba ki sienjam jong ka Tnat ban pyndonkam ia ka Information Technology ban pynmih ia ka data ka dei kaba hap ban bteng. U la ban jur ruh halor ka jingdonkam ia ka jingpyndonkam lang bad ka jingpyniasoh ia ki database ba pynmih da ki kynhun bapher bapher lynga ka jingiatreilang jong kito kiba iadon bynta ha kane ka kam.        U Secretary, ka Tnat SPI ha ka jingai jingkren jong u u la kren shaphang ki sienjam ba dang shen jong ka Tnat ban pynduna ia ka jingsuki ia ka survey data kum ka Computer-Aided Personal Interview (CAPI), ki khana samari ba thymmai, bad ka rynsan eSankhyiki ba thymmai. U la ong ba u kyrmen ba ka Statistics Day kan bteng ban ai mynsiem ia ki nongtrei statistics bad ki nongpynkhreh kam na ka bynta ka jingshim rai ha ka nongrim jong ka data.

Ki ophisar na ki Tnat Sorkar Pdeng, ki Sorkar Jylla / UT ki nongmihkhmat na ki kynhun UN, World Bank bad kiwei kiwei bad ruh kito kiba iadon bynta ha kane ka kam ki la wan iashim bynta lang ha kane ka sngi. La pyni live ruh ia ka prokram ha ki social media handle jong ka Tnat. Ha kane ka sngi la pynkup burom ruh ia ki nongjop ia ka jingiakop thoh essay 2024 na ka bynta ki samla Post- Graduate.

Ha ka bynta teknikal, u Dr. Ajay Kumar, Secretary barim ka Tnat Kam Iada Ri jong ka Sorkar India, u la ai jingkren shaphang ka jingkongsan jong ka jingsynshar Sorkar kaba don nongrim ha ka data. U la kren shaphang ka jingkongsan jong ka data ha kane ka juk digital ba kylla stet mynta bad ka bynta bad ka kam kaba dang kham iar jong ka Tnat SPI. La bud ia kane da ka jingpyni da u Luis Felipe Lopez-Calva, Global Director jong World Bank Group’s poverty and equity global practice ia ka jingshem ha kylleng ka pyrthei shaphang ka jingpyndonkam ia ka data ban shim ia ki rai. U la ong ba ka data ka long kaba kongsan na ka bynta ka jingthaw polisi ba seisoh ba iadei bad ki jingdon jingem bad u la batai ruh shaphang ki rukom treikam ba biang tam ha ka pyrthei.

Ha ka nongrim jong ka Sustainable Development Goals - National Indicator Framework (SDGs- NIF) ba la pynthymmai, man u snem ka Tnat SPI ka pyllait ia ka Progress Report halor ki SDG ha kaba don ruh ka time series data ha ka Statistics Day (ka 29 tarik u Jylliew) ha ryngkat ar tylli ki kot kiba pynmih na ka progress report. Kumta la pyllait lai tylli ki kaiphod ha kane ka sngi:

1. Sustainable Development Goals - National Indicator Framework Progress Report, 2024’

• ii. ‘Data Snapshot on Sustainable Development Goals- National Indicator Framework, 2024’

3. ‘Sustainable Development Goals- National Indicator Framework, 2024’

Ia kine ki kaiphod lah ban ioh na ka website jong ka tnat SPI (www.mospi.gov.in). Ia ka time series data halor ki SDG lah ban download ha ka MS excel format na kane ka kaiphod.

Ka Tnat ka la plie paidbah ia ka rynsan eSankhyiki portal (https://esankhyiki.mospi.gov.in) da ka jingthmu ban tei ia ka rynsan iasam data ban suk ka jingsam ia ki statistics ha ka ri. Lah ruh ban peit ia kane ka rynsan na ka website jong ka tnat SPI (https://mospi.gov.in/). Kane ka ai jingtip mardor ia ki nongpynkhreh kam, ki nongthaw polisi, ki nongwad bniah bad ki paidbah. Ka rynsan eSankhyiki ka don ar tylli ki bynta kiba plie lad ia ka jingsuk ban peit bad pyndonkam ia ka data, kine ki long:

1. Data Catalogue: Ka catalogue ka pyni ia ki data ba don ka Tnat kum ka National Accounts Statistics, Consumer Price Index, Index of Industrial Production, Annual Survey of Industries, Periodic Labour Force Survey bad Household Consumption Expenditure Survey ha kawei ka jaka.

• ii. Macro Indicators: Kane ka pyni ia ka time series data jong ki macro indicator ba kongsan ha aba lah ruh ban jied ia ki bynta ba donkam. Ka plie lad ruh ia ki briew ba kin download ia ki custom dataset, ki visualization bad ban peit ia ki lyngba ki API, kaba kyntiew ia ka jingpyndonkam biang ia ka data. Mynta kane ka don saw tylli ki kam ba kongsan jong ka tnat SPI: National Accounts Statistics, Consumer Price Index, Index of Industrial Production, bad Annual Survey of Industries, ba kynthup ia ka data jong ki 10 snem ba la dep.

***