নমোঃ পার্বতী পাতয়ে!

হর হর মহাদেব!

উত্তর প্রদেশকী রাজ্যপাল, শ্রীমতি আনন্দীবেন পতেল, মুখ্য মন্ত্রী, শ্রী য়োগী অদিত্যনাথ, কেন্দ্র মন্ত্রী মন্দলগী ঐহাক্কী খোঙলোই শিবরাজ সিংহ চৌহান, ভগীরথ চৌধরী, উত্তর প্রদেশকী উপ মুখ্য মন্ত্রী কেশব প্রসাদ মৌর্য়, ব্রিজেশ পাথক, বিধান পরিশদকী মেম্বর অমসুং ভারতিয় জনতা পার্তীগী প্রসিদেন্ত শ্রী ভুপেন্দ্র চৌধরীজী, রাজ্য অসিগী সরকারগী অতোপ্পা মন্ত্রী, মীয়ামগী মীহুৎ অমসুং মশিং য়াম্না লেংবীরক্লিবা ঐহাক্কী লৌমী ইচিল ইনাওশিং অমদি ঐহাক্কী কাশীগী ইমুং মনুংশিং!

মীখলদা মায় পাক্লবা মতুংদা ঐহাক্না ঙসি কাশীদা অহানবা ওইনা লাক্লি। কাশীগী মীয়াম্বু ঐহাক্না নোল্লুকচরি।

বাবা বিশ্বানাথ অমসুং ইমা গঙ্গাগী থৌজালদগী, কাশীগী মীয়াম্না ঐহাকপু শৌগৎপীবদগী, ঐহাকপু লৈবাক্কী প্রধান মন্ত্রী অহুমল শুবা ওইনা ওইহনবীরি। কাশীগী মীয়াম্না ঐহাকপু থংন-থংননা অহুম্লক শুবা ওইনা প্রধান মন্ত্রী ওইহনবীদুনা থৌজানবীরি। হৌজিক্তি ইমা গঙ্গা ফাওবনা ঐহাকপু নাওকোনবীরে হায়না লৌজরে অমসুং ঐহাকশু কাশী মচা ওল্লে। ঙসিগী শারবা মৈশা অসিগী মরক্তা অদোম্না মশিং য়াম্না লেংবীরক্তুনা ঐহাকপু থৌজানবীবা লাকপীবা অমসুং অদোমগী ৱাখল্লোন খঙলুবদা ইপা নুমিৎনা খরা ইংথহনবীরে। ঐহাক্না অদোমগী লমন তোনশিঞ্জরী।

মরুপশিং,

হন্দক্তা লোইশিনখিবা ভারতকী 18শুবা লোক সভাগী মীখলনা পাক চাউবা, তৌবা ঙম্বগী মতিক, পুম্নমক মনুং চনবা অমসুং ভারতকী গনতন্ত্রগী মরা চেৎপগী খুদম অমা ওইখ্রে। মীখল অসিদা ভোতর করোর 64 হেনবনা ভোৎ থাদখি অমসুং মীয়াম্না থৱাই য়াওনা শরুক য়াখি। মসিগুম্বা পাক চাউবা মীখল অসি মফম অমত্তদা পাংথোকখিদ্রি। ঐহাক হন্দক্তা ইতালীদা পাংথোকখিবা G7 সম্মিত্তা শরুক য়াজরুই। ভারত্তা লৈরিবা ভোতর মশিং অসি G7 লৈবাক অপুনবগী মীশিংদগী অমগা তংখায় হেল্লি অমসুং য়ুরোপিয়ন য়ুনিয়নগী মেম্বর লৈবাক অপুনবগী মীশিংদগী চাউরাক্না শরুক অনিগা মখায় হেল্লি। ঐখোয়গী লৈবাক্কী নুপী ভোতর মশিং করোর 31না মীখল অসিদা মশিং য়াম্না শরুক য়াখি। মসিনা মালেমগী ওইনা লৈবাক অমগী নুপী ভোতর মশিং খ্বাইদগী য়াম্বনি। মশিং অসি USAগী অপুনবা মীশিংগা মান্নগে তৌরে। ভারতকী গনতন্ত্রগী মপাঙ্গল অমসুং নীংথিবা মতৌনা মালেমগী পুক্নিং চীংশিনবতা নত্তনা শাফু অমশু পীরিবনি। গনতন্ত্রগী কুহ্মৈ অসিদা শরুক য়াবা অমসুং মসিবু নীংথিনা মায় পাকহনবগীদমক্তা ঐহাক্না কাশীগী মীয়াম্বু থাগৎচরি। ভরানসীগী মীয়াম্না পার্লিয়ামেন্তকী মীহুৎ অমখক খনবা নত্তে, মখোয়না লৈবাক্কী প্রধান মন্ত্রী অমা খল্লিবনি।

মরুপশিং,

মীয়াম্না খন্দুনা লৈরবা সরকার অমনা অহুম্লক শুবা ওইনা হল্লকপা হায়বসিনা মীখলগী কাঙলোনশিং অসিবু “মমাংদা অমুক্তা থোকখিদ্রিবা” থৌওং অমা ওইহল্লে, মসিদি মালেমগী গনতন্ত্রশিংগী মরক্তা য়াম্না তাঙনা থোকপা থৌদোক অমনি। মসিগুম্বা হেত-ত্রিক অসি ভারত্তা চহি 60গী মমাংদা থোকখ্রে। নহাশিংগী অপাম্বা য়াম্না ৱাংবা ভারতকুম্বা লৈবাক অমদা সরকার অমনা চহি 10 লৈঙাক্লবা মতুংদা অমুক্কা হন্না শক্তি পায়রকপা হায়বসি য়াম্না চাউবা মায় পাকপনি অমসুং থাজবা য়াম্না লৈরে হায়বগী খুদম্নি। অদুগা অদোম্না থম্লিবা থাজবা অসিনা ঐহাক্কী খ্বাইদগী চাউবা লন্নি অমসুং মসিনা লৈবাকপু অনৌবা অৱাংবা থাক্তা পুখৎপদা ঐহাক্কী পাঙ্গল ওইগনি।

মরুপশিং,

ঐহাক্তি লৌমী, নারীশক্তি, নহা অমসুং লাইরবশিংবু চাউখৎপা ভারতকী য়ুম্বীনি হায়না য়াম্না মরু ওইনা লৌই। ঐখোয়গী হন্দক্কী সরকার শেম্লবা মতুংদা লৌখিবা খ্বাইদগী অহানবা ৱারেপ অসি লৌমী অমসুং লাইরবশিংগী মতাংদা ওইখি। পি.এম. অৱস য়োজনাগী মখাদা লৈরিবা অহেনবা ইমুং করোর 3 অমসুং পি.এম. কিসান সম্মান নিধীগী ইন্সতোলমেন্তকা মরী লৈনবা ৱারেপ অসিনা লৈবাক্কী মীওই করোর কয়াদা তেংবাংগনি। ঐহাক্না ঙসিগী থৌরমদা শরুক য়ারিবশিংবু অমুক্কা হন্না থাগৎচরি। লৌমী করোর কয়াগী একাউন্ততা লুপা করোর 20,000 হাপখ্রে। কৃষি সখী অসিশু ‘লাক্ষপতি দিদি’ করোর 3 শেম্বগী মায়কৈদা পায়খৎপা পাঙ্গল লৈরবা খোঙথাং ওইরিবনি। খোঙথাং অসিনা নুপীশিংগী পুন্সিবু হেন্না ইকায় খুম্নবা অমসুং বেনিফিশরী নুপীশিংগী চাগা তানফম শোইদনা লৈহনগনি। ঐহাক্না মসিগীদমক্তা ঐহাক্কী লৌমী ইমুংশিংবু মীয়াম্না অমুক্কা হন্না থাগৎচরি।

মরুপশিং,

পি.এম. কিসান সম্মান নিধীনা মালেমগী খ্বাইদগী চাউবা দাইরেক্ত বেনেফিৎ ত্রান্সফর স্কিম অমা ওইরক্লে। লৌমী করোর কয়াগী একাউন্ততা হাপখিবা লুপা করোর লাক্ষ 3.25কী মনুংদগী লুপা করোর 700তি ভরানসীগী ইমুংখক্তদা হাপখিবনি। মতিক চাবা বেনেফিশরীশিংগী মফমদা খুদোংচাবা য়ৌহনবদা তেক্নোলোজী শিজিন্নখিবগী মতৌ অসিদা ঐহাক্না য়াম্না নুংঙাইবা ফাওই। পি.এম. কিসান স্কিমগী মখাদা লৌমী করোর 1 হেনবনা মশাবু রেজিস্তর তৌবা য়াহনখিবা বিকশিৎ ভারত সঙ্কল্প য়াত্রাবুশু মহাক্না মায় পাকপা অসিগী মরম অমনি। মীয়ামগী খুদোংচাবা হেনগৎহন্নবগীদমক্তা মরী লৈনবা কাঙলোন কয়া লাইথোকহনখিবনি। অনীংবা অমসুং অপাম্বনা মফম মতম চানবু লৈরবদি লৌমীশিংগী য়াইফ য়ুম্বালগা মরী লৈনবা থবকশিং অসি খোঙজেল য়াঙনা পায়খৎপা ঙম্বনি।

মরুপশিং,

21শুবা চহি চা অসিদা ভারতপু মালেমগী খ্বাইদগী অহুমশুবা চাউবা শেন্মিৎলোন ওইহনবদা এগ্রি-ইকোসীস্তেম্না অচৌবা থৌদাং য়াগদৌরিবনি। ঐখোয়না মালেমগী থাক্তা মিৎয়েং য়েংগদবনি অমসুং হৱাই অমদি থাউ থোকপা মরুগী মতাংদা অথুবা মতমদা মরোমদোম লেপচবা ঙম্বগী তঙাই ফদবা লৈরবনি। মরু ওইবা এগ্রি এক্সপোর্তর অমা ওইবগী তঙাই ফদবদশু লৈরবনি। লমদমসিগী মশাগী পোত্থোকশিংনা মালেমগী কৈথেলদা মফম কনবা ঙম্লে অমসুং জিলা খুদিংদা লৈরিবা ৱান দিস্ত্রিক্ত ৱান প্রদক্ত স্কিম অমসুং এক্সপোর্ত হবশিংগী খুত্থাংদা এক্সপোর্ত্তা শাফু অমশু পীরি। মালেমগী চাক-চাফম তেবল খুদিংদা ভারতকী হৱাই চেংৱাই নত্ত্রগা চিঞ্জাক্কী পোত্থোক খরা শোইদনা য়াওহনবা হায়বসি ঐহাক্কী মঙলান্নি। মরম অদুনা ঐখোয়না লৌউ-শিংউগী লমদা লৈগদবা জিরো দিফেক্ত-জিরো ইফেক্তকী ৱাফমদশু মিৎয়েং থম্লে। মিল্লেত, হর্বেল পোত্থোক অমসুং নেচরেল ফার্মিংবু শৌগৎনবগীদমক্তা কিসান সমিধী কেন্দ্রশিংগী খুত্থাংদা চাউরবা নেতৱর্ক অমা শেম্লে।

ইচিল ইনাওশিং,

ঙসিদি ঐখোয়গী ইমা অমসুং ইচে ইচল কয়ানা মশিং য়াম্না শরুক য়াবীরি। মখোয় য়াওদনা লৌউবা ওইথোক্কদবা নত্তে। মখোয়না তেংবাংবগী থৌওং হেনগৎহন্নবগীদমক্তা লৌউ-শিংউগী থৌওং কয়া পাকথোক চাউথোকহনখ্রবনি। দ্রোন দিদি প্রোগ্রামগুম্না, কৃষি শখী হায়বসিশু মায়কৈ অসিদা পায়খৎপা খোঙথাং অমনি। নুপীশিংনা আশাগী থৌমী অমসুং বেঙ্ক শখী ওইনা ওইনা থৌদাং য়ারি, মখোয়না কৃষি শখী ওইনা থবক তৌবগী মতৌ লৈবাক পুম্বনা উরগনি। কৃষি শখী ওইনা সেল্ফ হেল্প গ্রুপ হেল্প গ্রুপশিংদা সর্তিফিকেত 30,000 হেন্না য়েন্থোকখ্রে অমসুং রাজ্য 11দা হৌজিক চত্থরিবা স্কিম অসিনা লৈবাক্কী এস.ঐচ.জি. লিশিং কয়াবু অমত্তা ওইনা শম্নহল্লগনি অমসুং লাক্ষপতি দিদি করোর 3 শেম্বদা মরু ওইবা থৌদাং লৌগনি।

ইচিল ইনাওশিং,

কেন্দ্র সরকারনা মমাংগী চহি 10দগী অমসুং রাজ্য সরকারনা মমাংগী চহি 7দগী কাশী অমদি পুর্বাঞ্চলগী লৌমীশিংগীদমক্তা থবক তৌবগী খুদোংচাবা ফংজখ্রে। বনস দাইরী সঙ্কুল, পেরিশেবল কার্গো সেন্তর অমসুং ইন্তিগ্রেতেদ পেক্কিং হাউস কাশীদা শাখ্রে। বনস দাইরীনা বনারসকী অকোয়বদা লৈবা লৌমী অমসুং শন লোইবা মীওইশিংগী মরাইবক হোংহল্লে। ঙসিদি, দাইরী অসিনা নুমিৎ খুদিংগী শঙ্গোম লীতর লাক্ষ 3মুক খোম্লি। বনারসতা লৈবা শন লোইবা ইমুং লিশিং 14 হেনবনা দাইরী অসিদা রেজিস্তর তৌরি। হৌজিক্তি, বনস দাইরীনা মথংগী চহি অমগা মখায়দা শন লোইবা মীওই লিশিং 16 অমগা হাপচিল্লগনি। বনস দাইরী লাক্লবা তুংদা, বনারসকী শঙ্গোম পুথোকপা মীওই কয়াগী চাগানা লুপা লাক্ষ 5 ফাওবা য়ৌখি। লৌমীশিংদা চহি খুদিংগী বোনস পীরি। মমাংগী চহিদা, শা শন লোইবশিংগী বেঙ্ক একাউন্ততা লুপা করোর 100 হেনবগী শেনফম হাপখ্রবনি। বনস দাইরীনা গির অমসুং সহিৱালগী অফবা মখলগী শন কয়া লৌমীশিংদা পীরি। মসিনা মখোয়গী চাগা অমুক হেনগৎহল্লিবনি।

মরুপশিং,

ঙা য়োকপা লৌমীশিংগী চাগা হেনগৎহন্নবা সরকারনা থবক কয়া লেপ্তনা পায়খত্তুনা লাক্লি। পি.এম. মতস্য সম্পদা য়োজনানা লৌমী কয়া অমদা কান্নবা পীরি। মখোয়গী মফমদা কিসান ক্রেদিত কার্দকী খুদোংচাবশু পীরে। ভরানসীদা ঙা য়োকপগী থবক তৌরিবা মীওইশিংদা তেংবাংনবগীদমক্তা লুপা করোর 70 চঙদুনা চন্দোলীদা শেমগৎলিবা মতমগা চুনবা ঙাগী কৈথেল শারিবা অসিশু মখোয়গী য়াইফ য়ুম্বালগীদমক্তনি।

মরুপশিং,

প্রধান মন্ত্রীনা পি.এম. সুর্য়ঘর মুফ বিজলী য়োজনা অসি ভরানসীদা নীংথিনা পায়খৎলিবা অসিদা ঐহাক্না য়াম্না নুংঙাইবা ফাওই। স্কিম অসিদা লোকেল মীয়াম চাউরাকপা লিশিং 40না রেজিস্তর তৌরি, য়ুম 2,500না সোলর পেনেল ফংনখ্রে অমসুং য়ুম 3,000গী থবক চত্থরি। মসিনা মৈগী বিল জিরো ওইবা অমসুং বেনেফিশরী ইমুংশিংদা অহেনবা চাগা তালহন্দুনা কান্নবা অনি পীরি। মখোয়গী মৈগী বিল জিরো ওইরে অমসুং থাদা লুপা লিশিং 2-3 ফংনরি।

মরুপশিং,

ভরানসী অমসুং মনাক নকপা খুঙ্গংশিংগী কন্নেক্তিবিতী হেনগৎহন্নবা মমাংগী চহি 10দা পায়খৎলিবা থবক কয়ানা মীয়ামদা মতেং য়াম্না পাংখি। প্রধান মন্ত্রীনা ভরানসীদা লৈবা লৈবাক্কী খ্বাইদগী অহানবা রোপৱে প্রোজেক্তনা অকোনবা থাক্তা য়ৌশিল্লে, ঘাজিপুর, অজমগর অমসুং জোনপুর শহরশিং শম্নবা রিং রোদ, ফুলৱারিয়া অমসুং চৌকাঘাত ফ্লাইওভর লোইশিল্লক্লি, কাশী, ভরানসী অমসুং কেন্ত রেলৱে স্তেসনশিংগী অনৌবা শক্তম অমা পীরি, বাবতপুর এয়রপোর্তনা এয়র ত্রাফিক অমসুং কারবারদা হেন্না নুংঙাইহল্লি, গঙ্গা ঘাত পরিংদা পাংথোক্লিবা চাউখৎ থৌরাং, বনারস হিন্দু য়ুনিভর্সিতীদা অনৌবা খুদোংচাবা কয়া লৈহল্লক্লি, শহর অসিগী কুন্দ কয়া নৌনা শেমগৎলি অমসুং ভরানসীগী মফম কয়াদা অনৌবা পথাপ কয়া শেমগৎলিবনি। মসিদা নত্তনা কশাগী স্পোর্ত ইনফ্রাস্ত্রকচর শেমগৎলিবা অমসুং নহাশিংগী অনৌবা খুদোংচাবা কয়া পীরিবা অসিশু চাউখৎ থৌরাংগীদমক্তা পায়খৎপা পনবা য়াবা থবকশিংনি।

মরুপশিং,

ঐখোয়গী কাশীবু লৌশিংগী কোনুং, সংস্কৃতীগী কোনুং, হেরিতেজ শহর অমশুং অর্বান দিভেলপমেন্তকী কোনুং হায়না খঙনরিবনি। মসিগা লোয়ননা, হেরিতেজ শহর অমনা অর্বান দিভেলপমেন্তকী অনৌবা ৱারী অমা ইবা ঙম্বা শহর ওইদুনা মালেমগী মফমদা তোপ-তোপ্পা মশক অমা তাকপশু ঙম্লবনি। চাউখৎ থৌরাং অমসুং হেরিতেজকী মন্ত্রা অসি কাশীগী মফম খুদিংদা উবা ফংলি। মসিগুম্বা চাউখৎ থৌরাং অসিনা কাশী খক্তদা কান্নবা পীবা নত্তে। অপুনবা পুর্বাঞ্চলগী ইমুংশিংনা মখোয়গী থবক অমসুং তঙাই ফদবশিংগীদমক্তা কাশীদা লাক্নরি অমসুং হায়রিবা থবকশিং অসিদশু মখোয়না তেংবাংলি।

মরুপশিং,

বাবা বিশ্বানাথকী থৌজালদগী কাশীগী চাউখৎ থৌরাংগী মসিগুম্বা অনৌবা তাঙ্কক অসি লেপ্তনা মখা চত্থখিগনি। লৈবাক শিনবা থুংবগী লৌমী কয়া ঙসিগী থৌরমদা পাম্বৈ অমা নত্ত্রগা অতোপ্পা পাম্বৈ অমগী খুত্থাংদা শরুক য়ারিবা, ঐহাক্কী ইচিল ইনাওশিং খুদিংবু ঐহাক্না অমুক্কা হন্না থমোই শেংনা থাগৎচরি। ঐহাক্না কাশীগী মীয়াম্বুশু থম্মোই শেংনা অমুক্কা হন্না নোল্লুকচরি।

নমোঃ পার্বতী পাতয়ে!

হর হর মহাদেব!

***