রাস্ত্রপতিগী লোইশঙ
প্রেসতা থোকপা ৱারেল
Posted On:
06 JUN 2024 6:14PM by PIB Imphal
ভারতকী চিফ ইলেক্সন কমিস্নার শ্রী রজিব কুমারনা ইলেক্সন কমিস্নার শ্রী গ্যানেশ কুমার অমসুং দা. সুখবির সিংহ সান্ধুগা লোয়ননা ঙসি নুংথিল পুং ০৪.৩০দা ভারতকী রাস্ত্রপতি শ্রীমতী দ্রৌপদী মুর্মুগা উন্নখ্রে। ভারতকী ইলেক্সন কমিসনগী মায়কৈদগী রিপ্রজেন্তেসন ওফ পিপল এক্ত, ১৯৫১গী সেক্সন ৭৩গী মতুং ইন্না ইসু তৌখিবা নোতিফিকেসনগী কোপী অমা রাস্ত্রপতিদা লানখৎখি, মদুদা হন্দক পাংথোকখিবা সধারন মীখলগী তুংদা ১৮শুবা লোক সভাগীদমক হাউস ওফ দি পিপলগী খনগৎলবা মেম্বরশিংগী মমিং য়াওরি।
রাস্ত্রপতিনা মীওইবগী পুৱারীগী খ্বাইদগী চাউবা দেমোক্রেতিক এক্সরসাইজ – ইলেক্তোরেল প্রোসেস মায়পাক্না পাংথোকপা লোইশিনখিবদা চিফ ইলেক্সন কমিস্নার অমসুং ইলেক্সন কমিস্নারবু থাগৎপা ফোংদোকখি। মহাক্না লৈবাক পুম্বগী মায়কৈদগী মীয়ামগী বেলোত শেংনা থম্বা অমসুং মীখলবু ফ্রী অমসুং ফেয়র ওইনা মায় পাক্না লোইশিন্নবগীদমক চোকথবা লৈতনা থৱায় য়াওনা থবক তৌখিবা কেম্পেন অমসুং পোলিংগী মেনেজমেন্ত অমসুং সুপরিনতেন্দেন্সদা শরুক য়াখিবা ইলেক্সন কমিসন, মসিগী ওফিসিয়েলশিং অমসুং স্তাফকী মেম্বরশিং, অতোপ্পা পব্লিক ওফিসিয়েলশিং য়াওনা পুলিস অমসুং সেক্যুরিতী পর্সোনেল, সেন্ত্রেল অমসুং স্তেতনা হোৎনখিবশিংবু থাগৎপা ফোংদোকখি। পুম্নমক অসিগী মথক্তা মহাক্না মীখলগী প্রোসেসতা মশিং য়াম্না শরুক য়াখিবা ভোতর মিলিয়ন কয়াবু থাগৎপা ফোংদোকখি। রাস্ত্রপতিনা হায়খি মদুদি মসি মপুং ফানা ঐখোয়গী সংবিধান অমসুং ভারতকী অচেৎপা অমসুং লেংদ্রবা দেমোক্রেতিক ত্রেদিসনশিংগী শক্লোন্নি।
***
(Release ID: 2025169)
Visitor Counter : 68
Read this release in:
Odia
,
English
,
Khasi
,
Urdu
,
Hindi
,
Hindi_MP
,
Marathi
,
Bengali
,
Assamese
,
Punjabi
,
Tamil
,
Telugu
,
Kannada
,
Malayalam