ৰাষ্ট্ৰপতি সচিবালয়
প্ৰেছ বিজ্ঞপ্তি
Posted On:
06 JUN 2024 6:14PM by PIB Guwahati
ভাৰতৰ ৰাষ্ট্ৰপতি শ্ৰীমতী দ্ৰৌপদী মুৰ্মুক আজি বিয়লি ৪.৩০ বজাত মুখ্য নিৰ্বাচন আয়ুক্ত শ্ৰী ৰাজীৱ কুমাৰে নিৰ্বাচন আয়ুক্ত শ্ৰী জ্ঞানেশ কুমাৰ আৰু ড° সুখবীৰ সিং সন্ধুৰ সৈতে সাক্ষাৎ কৰে। ভাৰতীয় নিৰ্বাচন আয়োগৰ ফালৰ পৰা জনপ্ৰতিনিধিত্ব আইন-১৯৫১ৰ ধাৰা-৭৩ৰ অধীনত জাৰি কৰা অধিসূচনাৰ প্ৰতিলিপি ৰাষ্ট্ৰপতিৰ হাতত অৰ্পণ কৰা হয়, য’ত শেহতীয়া সাধাৰণ নিৰ্বাচনৰ পিছত ১৮ সংখ্যক লোকসভাৰ বাবে নৱনিৰ্বাচিত সদস্যসকলৰ নাম উল্লেখ আছে ।
ৰাষ্ট্ৰপতিয়ে মানৱ ইতিহাসৰ সৰ্ববৃহৎ গণতান্ত্ৰিক কচৰৎ- নিৰ্বাচনী প্ৰক্ৰিয়াৰ সফল ৰূপায়ণত মুখ্য নিৰ্বাচন আয়ুক্ত আৰু নিৰ্বাচন আয়ুক্তসকলক অভিনন্দন জ্ঞাপন কৰে। তেওঁ সমগ্ৰ দেশৰ হৈ নিৰ্বাচনী অভিযান আৰু ভোটদানৰ পৰিচালনা তথা অধীক্ষণত জড়িত নিৰ্বাচন আয়োগ, ইয়াৰ বিষয়া-কৰ্মচাৰী আৰু আন চৰকাৰী বিষয়াসকলৰ লগতে আৰক্ষী আৰু নিৰাপত্তাৰক্ষী (কেন্দ্ৰ আৰু ৰাজ্য)ৰ প্ৰচেষ্টাৰ শলাগ লয়, যিসকলে জনসাধাৰণৰ মত (ভোট)ৰ পৱিত্ৰতা অটুট ৰখা আৰু নিৰ্বাচনক স্বতন্ত্ৰ তথা নিৰপেক্ষ উপায়েৰে সফলতাৰে সম্পন্ন কৰাবলৈ অক্লান্ত পৰিশ্ৰম আৰু তৎপৰতাপূৰ্বক কাম কৰিলে। তেওঁ সৰ্বাধিক সেই কোটি কোটি ভোটাৰৰ শলাগ লয়, যিসকলে বৃহৎ সংখ্যাত নিৰ্বাচনী প্ৰক্ৰিয়াত অংশগ্ৰহণ কৰে। ৰাষ্ট্ৰপতিগৰাকীয়ে কয় যে এয়া সম্পূৰ্ণৰূপে আমাৰ সংবিধান আৰু ভাৰতৰ গভীৰ তথা অটুট গণতান্ত্ৰিক পৰম্পৰাৰ অনুৰূপ।
**********
DS/ST/AK
(Release ID: 2023399)
Visitor Counter : 106
Read this release in:
Odia
,
English
,
Khasi
,
Urdu
,
Hindi
,
Hindi_MP
,
Marathi
,
Bengali
,
Manipuri
,
Punjabi
,
Tamil
,
Telugu
,
Kannada
,
Malayalam