राष्ट्रपती कार्यालय
प्रसिद्धी पत्रक
Posted On:
06 JUN 2024 7:25PM by PIB Mumbai
नवी दिल्‍ली, 6 जून 2024
भारताचे मुख्य निवडणूक आयुक्त राजीव कुमार यांनी निवडणूक आयुक्त ज्ञानेश कुमार आणि सुखबीर सिंह संधू यांच्यासह आज दुपारी 4.30 वाजता राष्ट्रपतींची भेट घेतली. भारताचा लोकप्रतिनिधीत्व कायदा, 1951 च्या कलम 73 ला अनुसरून 18 व्या लोकसभेसाठी झालेल्या निवडणुकांमध्ये निवडून आलेल्या लोकसभेच्या सदस्यांची नावे असलेल्या यादीची अधिसूचना निवडणूक आयोगाने जारी केली असून या अधिसूचनेची प्रत त्यांनी राष्ट्रपती द्रौपदी मुर्मु यांना सादर केली.
मानवी इतिहासातील सर्वात मोठ्या लोकशाहीतील ही निवडणूक प्रक्रिया यशस्वीरित्या पूर्ण झाल्याबद्दल राष्ट्रपतींनी मुख्य निवडणूक आयुक्त आणि इतर दोन निवडणूक आयुक्तांचे अभिनंदन केले. संपूर्ण देशाच्या वतीने राष्ट्रपतींनी निवडणूक आयोग, आयोगाचे अधिकारी आणि कर्मचारी तसेच निवडणुकीचा प्रचार व मतदानाच्या प्रक्रियेत सहभागी इतर सार्वजनिक अधिकारी, पोलीस, सुरक्षा दलाचे जवान, केंद्र व राज्य सरकारी कर्मचारी अशा सर्वांची त्यांच्या अथक कामगिरीबद्दल प्रशंसा केली. त्यांच्यामुळे लोकांचे मतदान आणि एकूणच निवडणूक प्रक्रिया मुक्त व न्याय्य वातावरणात पार पडल्याचे राष्ट्रपती म्हणाल्या. निवडणुकीत सक्रीय सहभाग नोंदवणाऱ्या कोट्यवधी मतदारांचे राष्ट्रपतींनी कौतुक केले. भारताचे संविधान आणि भक्कम लोकशाही परंपरेला साजेसा हा सहभाग होता, असे त्या म्हणाल्या.
* * *
S.Kane/R.Bedekar/D.Rane
सोशल मिडियावर आम्हाला फॉलो करा:
@PIBMumbai 
/PIBMumbai 
/pibmumbai 
pibmumbai[at]gmail[dot]com 
/PIBMumbai 
/pibmumbai
(Release ID: 2023294)
Visitor Counter : 175
Read this release in:
Odia
,
English
,
Khasi
,
Urdu
,
Hindi
,
Hindi_MP
,
Bengali
,
Manipuri
,
Assamese
,
Punjabi
,
Tamil
,
Telugu
,
Kannada
,
Malayalam