Ka Ophis jong u Myntri Rangbah duh ka ri
Ka jingai jingkren u Myntri Rangbah Duh shuwa ba un mih ban leit sha Italy na ka bynta ka G7 Apulia Summit
Posted On:
13 JUN 2024 5:36PM by PIB Shillong
Ha ka jingkhot sngewbha ka Myntri Rangbah Duh Giorgia Meloni, ngan leit sha ka thain Apulia ha Italy ban iashim bynta ha ka G7 Outreach Summit ha ka 14 tarik u Jylliew 2024.
Nga kmen ba ka jingleit kaba nyngkong jong nga ha kane ka samoi kaba lai ka dei sha Italy na ka bynta ka G-7 Summit. Nga kynmaw ia ka jingleit jong nga sha Italy na ka bynta ka G20 Summit ha u snem 2021. Ka jingwan ka Myntri Rangbah Duh Meloni arsien sha India ha une u snem ba la dep ka la iarap bha ban pynkhlain shuh shuh ka jingiadei hapdeng ki ri jong ngi. Ngi bteng ban ieng skhem ban pynkhlain ia ka jingiatreilang hapdeng ka India bad Italy, bad kyntiew ia ka jingiatreilang ha ka thain Indo-Pacific bad Mediterranean.
Ha ki jingiakren ha ka bynta Outreach, ka jingphaikhmat kan dei ha ka artificial intelligence, ka bording, Africa bad ka thain Mediterranean. Kane kan dei ka lad ban wanrah ka jingiadei kaba kham bha hapdeng ki jingseisoh ka G20 Summit ba la pynlong hapoh ka Presidency jong ka India bad kane ka G7 Summit ka ban wan, bad ban iakren shaphang ki kam kiba kongsan na ka bynta ka Thain Shathie jong ka Pyrthei.
Nga khmih lynti ruh ban iakynduh ia kiwei kiwei ki nongialam ki ban wan iashim bynta ha kane ka Summit.
*****
(Release ID: 2025144)
Visitor Counter : 251
Read this release in:
Odia
,
English
,
Urdu
,
Marathi
,
Hindi
,
Hindi_MP
,
Bengali
,
Assamese
,
Manipuri
,
Punjabi
,
Gujarati
,
Tamil
,
Telugu
,
Kannada
,
Malayalam