প্রধানমন্ত্রীগী লোইশঙ
প্রধান মন্ত্রীগী জি৭ অপুলিয়া সম্মিতকীদমক ইতলী খোঙশানবগী ৱারোল
Posted On:
13 JUN 2024 5:36PM by PIB Imphal
প্রধান মন্ত্রী জিওর্জিয়া মেলোনিগী চেবাউগা লোইননা, ঐহাক্না ইতলীগী অপুলিয়া লমদমদা জুন ১৪, ২০২৪দা জি৭ আউৎরিচ সম্মিত শরুক য়ানবগীদমক চৎকদৌরি।
ঐহাক্কী অহুমশুবা তার্মগী ইহান হানবা ওইনা খোঙশানগদবা মফম অসি জি ৭ সম্মিতকীদমক ইতলীদা ওইরে। ঐহাক্না জি২০ সম্মিতকীদমক ইতলীদা ২০২১দা চৎখিবদু নীংশিংবদা নুংঙাইবা পোকই। প্রধান মন্ত্রী মেলোনিগী মমাং চহিদা ভারত্তা অনিরক হন্না লেঙবীরম্বা অদু ঐখোয়গী লৈবাক অনিগী এজেন্দাদা হেন্না লূমশিনহনবদা য়াম্না মরুওইবা মচাক অমনি। ঐখোয়না ইন্দিয়া-ইতলী স্ত্রেতেজিক পার্ত্নর্শিপ হেন্না চেৎশিনহন্নবা অমসুং ইন্দো-পেসিফিক অমসুং মেদিতরেনিয়ন লমদমগী মরী হেন্না ফগৎহন্নবগীদমক হোৎনমিন্নখিগনি।
আউৎরিচ সেসনগী খন্ন-নৈনবসিদা, আর্তিফিসিএল ইন্তেলিজেন্স, এনর্জী, অফ্রিকা, অমসুং মেদিতরেনিয়নদা হেন্না মীৎয়েং চঙগনি। মসি ভারতকী প্রেজিদেন্সীগী মখাদা পাঙথোকখিবা জি ২০ সম্মিতকী মহৈশিংদা হেন্না মপাঙ্গল পীনবগী খুদোংচাবা অমা ওইরগনি অমসুং গ্লোবেল সাউথকী ইস্যুশিংদা হেন্না খন্নগনি।
ঐহাক্না সম্মিত অসিদা অতৈ শরুক য়ারিবা লুচিংবশিংগা উননবা হোৎনগনি।
***
(Release ID: 2025140)
Visitor Counter : 220
Read this release in:
Odia
,
Khasi
,
English
,
Urdu
,
Marathi
,
Hindi
,
Hindi_MP
,
Bengali
,
Assamese
,
Punjabi
,
Gujarati
,
Tamil
,
Telugu
,
Kannada
,
Malayalam