প্ৰধানমন্ত্ৰীৰ কাৰ্যালয়
ওমানৰ চুলতানে অভিনন্দন জনাই কৰা টেলিফোন লাভ কৰে প্ৰধানমন্ত্ৰীয়ে
মহামান্যগৰাকীয়ে ভাৰতৰ জনসাধাৰণৰ প্ৰগতি আৰু সমৃদ্ধিৰ বাবে শুভেচ্ছা জ্ঞাপন কৰে
শুভেচ্ছা জনোৱাৰ বাবে প্ৰধানমন্ত্ৰীয়ে তেওঁক ধন্যবাদ জনায় আৰু ২০২৩ চনৰ ডিচেম্বৰত মহামান্যৰ ঐতিহাসিক ভাৰত ভ্ৰমণ সন্দৰ্ভত আলোকপাত কৰে
দুয়োগৰাকী নেতাই ভাৰত-ওমান সম্পৰ্ক অধিক শক্তিশালী কৰাৰ বাবে তেওঁলোকৰ প্ৰতিশ্ৰুতিবদ্ধতা পুনৰ ব্যক্ত কৰে
প্ৰধানমন্ত্ৰীয়ে মহামান্য আৰু ওমানৰ জনসাধাৰণক ঈদৰ শুভেচ্ছা জ্ঞাপন কৰে
Posted On:
11 JUN 2024 1:50PM by PIB Guwahati
প্ৰধানমন্ত্ৰী শ্ৰী নৰেন্দ্ৰ মোদীয়ে আজি ওমানৰ মহামহিম চুলতান হাইথাম বিন তাৰিকৰ পৰা এটা ফোন কল লাভ কৰে।
শেহতীয়াকৈ সামৰণি পৰা সাধাৰণ নিৰ্বাচনৰ পিছত তৃতীয়টো কাৰ্যকালৰ বাবে প্ৰধানমন্ত্ৰী হিচাপে পুনৰ নিযুক্ত হোৱাৰ বাবে চুলতান হাইথাম বিন তাৰিকে প্ৰধানমন্ত্ৰীক আন্তৰিক অভিনন্দন জ্ঞাপন কৰে।
মহামহিমগৰাকীয়ে ওমান আৰু ভাৰতৰ মাজৰ শতিকা পুৰণি বন্ধুত্বৰ কথা উল্লেখ কৰে আৰু ভাৰতৰ জনসাধাৰণৰ প্ৰগতি আৰু সমৃদ্ধিৰ বাবে শুভেচ্ছা জ্ঞাপন কৰে।
প্ৰধানমন্ত্ৰীয়ে মহামান্যগৰাকীক তেওঁৰ উষ্ম শুভেচ্ছাৰ বাবে ধন্যবাদ জ্ঞাপন কৰে আৰু ২০২৩ চনৰ ডিচেম্বৰত তেওঁৰ ঐতিহাসিক ভাৰত ভ্ৰমণৰ কথা উল্লেখ কৰে যাৰ ফলত সকলো ক্ষেত্ৰতে দ্বিপাক্ষিক সহযোগিতা গভীৰ হয়।
দুয়োগৰাকী নেতাই দুয়োখন দেশৰ পাৰস্পৰিক লাভালাভৰ বাবে ভাৰত-ওমান অংশীদাৰিত্ব অধিক গভীৰ আৰু শক্তিশালী কৰাৰ প্ৰতিশ্ৰুতি পুনৰ ব্যক্ত কৰে।
প্ৰধানমন্ত্ৰীয়ে আগন্তুক ‘ঈদ অল আধা’ উৎসৱ উপলক্ষে মহামান্য আৰু ওমানৰ জনসাধাৰণলৈ আন্তৰিক শুভেচ্ছা জ্ঞাপন কৰে।
*****
DS/SR/SKS/KB
(Release ID: 2024544)
Visitor Counter : 24
Read this release in:
Odia
,
English
,
Urdu
,
Marathi
,
Hindi
,
Hindi_MP
,
Bengali
,
Manipuri
,
Punjabi
,
Gujarati
,
Tamil
,
Telugu
,
Kannada
,
Malayalam