وزیراعظم کا دفتر
وزیر اعظم کو عمان کے سلطان کی جانب سے مبارکباد کا ٹیلی فون کال موصول ہوئی
عزت مآب سلطان نے ہندوستان کے لوگوں کی ترقی اور خوشحالی کے لیے اپنی نیک تمناؤں کا اظہار کیا
وزیر اعظم نے ان کی نیک خواہشات کے لیے ان کا شکریہ ادا کیا اور دسمبر 2023 میں عزت مآب کے ہندوستان کے تاریخی دورے پر روشنی ڈالی
دونوں قائدین نے ہندوستان-عمان تعلقات کو مزید مستحکم کرنے کے اپنے عزم کا اعادہ کیا
وزیر اعظم نے عمان کے عزت مآب سلطان اور عوام کو عید کی مبارکباد پیش کی
پوسٹ کرنے کی تاریخ:
11 JUN 2024 1:50PM by PIB Delhi
وزیر اعظم جناب نریندر مودی کو آج عمان کے سلطان ہیثم بن طارق سے فون کال موصول ہوئی۔
سلطان ہیثم بن طارق نے حال ہی میں مکمل ہونے والے عام انتخابات کے بعد تیسری مدت کے لیے وزیر اعظم کے طور پر دوبارہ تعیناتی پر وزیر اعظم کو دلی مبارکباد پیش کی۔
عزت مآب سلطان نے عمان اور ہندوستان کے درمیان صدیوں پرانے دوستی پر زور دیا اور ہندوستان کے لوگوں کی ترقی اور خوشحالی کے لئے اپنی نیک خواہشات کا اظہار کیا۔
وزیر اعظم نے عزت مآب سلطان کی پرجوش خواہشات کے لیے ان کا شکریہ ادا کیا اور دسمبر 2023 میں ہندوستان کے ان کے تاریخی دورے پر روشنی ڈالی جس کی وجہ سے تمام شعبوں میں دوطرفہ تعاون مزید گہرا ہوا ہے۔
دونوں رہنماؤں نے دونوں ملکوں کے باہمی فائدے کے لیے ہندوستان-عمان شراکت داری کو مزید گہرا اور مضبوط بنانے کے اپنے عزم کا اعادہ کیا۔
وزیر اعظم نے آنے والے عید الاضحی کے تہوار کے موقع پر عمان اور عمان کے عوام کو بھی تہہ دل سے مبارکباد پیش کی۔
***
ش ح۔ ا ک - ج
UNO-7295
(ریلیز آئی ڈی: 2024021)
وزیٹر کاؤنٹر : 82
یہ ریلیز پڑھیں:
Odia
,
English
,
Marathi
,
हिन्दी
,
Hindi_MP
,
Assamese
,
Bengali
,
Manipuri
,
Punjabi
,
Gujarati
,
Tamil
,
Telugu
,
Kannada
,
Malayalam