Ka kynhun jong ka National Democratic Alliance (NDA) ba la khlieh da u J. P. Nadda, President ka Bharatiya Janata Party (BJP) ka la leit iakynduh ia ka President ha Rashtrapati Bhavan mynta ka sngi ha ka por 2.30 nohphaisngi bad ki la ai ha ka ia ka shithi kaba ong ba la jied ia u Narendra Modi kum u Nongialam jong ka BJP Parliamentary Party. La ai ruh sha ka President ia ki shithi ai jingkyrshan jong ki seng sain pyrthei hapoh ka NDA. Kiwei kiwei ki dkhot jong ka kynhun ki long u Rajnath Singh, Amit Shah, Ashwini Vaishnaw bad Dr. C.N. Manjunath na ka BJP; N. Chandrababu Naidu na ka Telugu Desam Party; Nitish Kumar, Rajiv Ranjan Singh (Lalan Singh) bad Sanjay Jha na ka Janata Dal (United); Eknath Shinde na ka Shiv Sena; H.D. Kumaraswamy na ka Janata Dal (Secular); Chirag Paswan na ka Lok Janshakti Party (Ram Vilas); Jitan Ram Manjhi na ka Hindustani Awam Morcha (Secular); Pawan Kalyan na ka Janasena; Ajit Pawar na ka Nationalist Congress Party; Anupriya Patel na ka Apna Dal (Soneylal); Jayant Chaudhary na ka Rashtriya Lok Dal; Joyanta Basumatary na ka United People’s Party Liberal; Atul Bora na ka Asom Gana Parishad; Indra Hang Subba na ka Sikkim Krantikari Morcha; Sudesh Mahto bad Chandra Prakash Choudhary na ka All Jharkhand Students Union; bad Ramdas Athawale na ka Republican Party of India (A).

Hadien ba ka la i hun ia kine ki shithi ai jingkyrshan ba la ai sha ka kaba pyni ba ka NDA kaba ialam da ka BJP ka long ka kynhun kaba heh tam hadien ka elekshon bad ba ka don ia ka jingkyrshan jong kiba kham bun napdeng ka 18th Lok Sabha ba dang shu sdang bad ba ka lah ban seng ia ka Sorkar kaba skhem, ka la thung ia u Narendra Modi kum u Myntri Rangbah Duh jong ka ri India da kaba pyndonkam ia ka bor ba la aiti ha ka hapoh ka Article 75(1) jong ka Riti Synshar jong ka India.

Ka President ka la kyntu ia u Narendra Modi ba un iathuh ia ka tarik bad ka por ban pynlong ia ka jingbam smai ban long ha Rashtrapati Bhavan bad ruh ba un ai jingmut ia ka shaphang ki kyrteng jong kiwei kiwei ki briew ban thung kum ki dkhot jong ka Kynhun Myntri jong ka Sorkar Pdeng.

****