পুনেদা লৈবা আর্মদ ফোর্সেস মেদিকেল কোলেজতা চহি অনিগী মতমগী পাইলোৎ প্রোজেক্ত অমা ওইনা MoHFWগী নেস্নেল তেলিমেন্তেল হেল্থ হেল্পলাইন, তেলি মানাসকী অখন্নবা সেল অমা ওপরেৎ তৌবদা মন্ত্রালয় অনিগী মরক্তা চুংশিন্নবদা মতেং পাংনবা হকশেল অমসুং য়াইফ-য়ুম্বাল মন্ত্রালয় (MoHFW) অমসুং ঙাকশেল মন্ত্রালয় (MoD)গী মরক্তা মেমোরেন্দম ওফ অন্দর্স্তেন্দিং (MoU) অমা খুৎয়েক পীনখ্রে। MoU অসি MoHFWগী AS & MD, কুমারি অরাধনা পতনায়ক অমসুং আর্মদ ফোর্সেস মেদিকেল সর্ভিসেসকী দিরেক্তর জেনরেল, লেফতনেন্ত জেনরেল দলজিৎ সিংহনা খুৎয়েক পীনখি।

অখন্নবা তেলি-মানাস সেল অসি হকশেল অমসুং য়াইফ-য়ুম্বাল মন্ত্রালয়গী মকোক থোংবা ওফিসিএলশিং য়াওদুনা চীফ ওফ দিফেন্স স্তাফ, জেনরেল অনিল চৌহান, PVSM, UYSM, AVSM, SM, VSMনা পুনেদা লৈয়া আর্মদ ফোর্সেস মেদিকেল কোলেজতা দিসেম্বর 1, 2023দা হৌদোকখি।

ভারতকী লান্মীনা থেংনরিবা অখন্নবা স্ত্রেসরশিং খঙলদুনা, আর্মদ ফোর্সেস্তা তেলি-মেন্তেল হেল্থ সর্ভিসশিংগী তঙাইফদবা অদু উবা ফংলে। ওপরেস্নেল এনভাইরআং1এ নমেন্ত, কলচরেল চেলেঞ্জশিং, অমসুং রিজনেল কন্ফ্লিক্তশিংগা মরী লৈনবা অখন্নবা স্ত্রেসরশিংনা আর্মদ ফোর্সেস্তা মেন্তেল হেল্থ কিয়রদা অখন্নবা এপ্রোচ অমা মথৌ তাহল্লি। MoU অসি খুৎয়েক পীনখিবগা লোয়ননা আর্মদ ফোর্সেস পর্সনেল অমসুং মখোয়গী ইমুং-মনুংশিংগী মেন্তেল হেল্থ অমসুং ৱেল-বিংগী মতাংদা খন্নগনি অমসুং আর্মদ ফোর্সেসকী বেনিফিসরীশিংনা মখোয়গী অখন্নবা মেন্তেল হেল্থকী মথৌ তাবশিং অসি অথুবা মতমদা অমসুং ইফেক্তিব ওইনা কোকহন্দুনা স্পেসিএলাইজ কিয়র ফংহনগনি।

থৌরম অদুদা আর্মদ ফোর্সেস মেদিকেল সর্ভিসেসকী ইরেক্তর জেনরেল লেফতনেন্ত জেনরেল দলজিৎ সিংহনা হায়খি মদুদি আর্মদ ফোর্সেসকী মীওইশিংগীদমক মেন্তেল হেল্থ কাউন্সেলিংগী মতম কয়াদগী মথৌ তাদুনা লাক্লি হৌজিক্তি, দেদিকেতেদ তেলি মানাস সেল অসিগা লোয়ননা আর্মদ ফোর্সেসকী মীওইশিং অমসুং মখোয়গী ইমুং মনুংনা মখোয়গী মেন্তেল হেল্থকী ৱাফমশিংবু হেন্না ইফেক্তিব ওইনা কোকহন্নবগীদমক্তা মরুওইবা মেন্তেল হেল্থ এসিস্তেন্স 24x7 ফংলগনি।

MoHFWগী AS & MD, কুমারি অরাধনা পতনায়ক্না থৌরম অসিদা ৱা ঙাংলদুনা মখোয়গী অখন্নবা মেন্তেল হেল্থকী মথৌতাবশিং অদু য়েংলগা আর্মদ ফোর্সশিংগী মেন্তেল হেল্থকী শীংনবশিং অদু কোকহনবগী মরু ওইবা অদু থমখি।

তেলি মানাস অসি দিস্ত্রিক্ত মেন্তেল হেল্থ প্রোগ্রাম (DMHP) গী দিজিতেল এক্সতেন্সননি, মসিনা পুম্নমক শুবা, ইন্তিগ্রেতেদ অমসুং ইনক্লুসিব ওইবা 24/7 তেলি-মেন্তেল হেল্থ সর্ভিসশিং পীরি। থৌরাং অসিনা রাজ্য অমসুং য়ুনিয়ন তেরিতোরী (UT) খুদিংমক্তা মেন্তেল হেল্থ সপ্পোর্ত ফংহন্নবগীদমক্তা তোল ফ্রী নম্বর, 14416 পীরি।

হৌজিক্কী ওইনা, রাজ্য অমসুং UT 36তা তেলি-মানাস সেল 51 মথৌ তৌরি অমসুং তোঙান-তোঙানবা লোল 20দা সর্ভিসশিং পীরি। 2022গী ওক্তোবরদা তেলি মানাস হৌদোকখিবদগী কোল লাখ 10 হেন্না লাকখ্রে অমসুং নুমিৎ খুদিংগী কোল 3500 হেন্না মেনেজ তৌরি। দেতা অসিনা মেন্তেল হেল্থ সর্ভিসশিংগীদমক য়াম্না চাউবা দিমান্দ লৈ হায়বা উৎলি অমসুং মেন্তেল হেল্থকী ইসুশিং, মরুওইনা আর্মদ ফোর্সেসকুম্বা স্পেসিএলাইজ তৌরবা কন্তেক্সশিংতা মসি মপুং ফানা অমসুং ইনক্লুসিব ওইনা মরুওইবা অদু থম্লি।

থৌরম অদুদা ইকনোমিক এদভাইজর, দোক্তর কে কে ত্রিপাথি; এয়র মার্শেল সধনা সক্সনা নায়র, VSM, দিরেক্তর জেনরেল হোস্পিতাল সর্ভিসেস (আর্মদ ফোর্সেস); মেজর জেনরেল ধর্মেস, এদিস্নেল দিরেক্তর জেনরেল, আর্মদ ফোর্সেস মেদিকেল সর্ভিসেস (মেদিকেল রিসর্স, হেল্থ অমসুং ত্রেনিং); কর্নেল সুবদীপ ঘোশ, VSM, দিরেক্তর আর্মদ ফোর্সেস মেদিকেল সর্বিসেস (হেল্থ) অমসুং মন্ত্রালয় অনিমক্কী সেনিয়র ওফিসরশিংসু শরুক য়াখি।

****