লোক সভা মীখল ২০২৪দা ইলেক্সন কম্মিসন ওব ইন্দিয়াগী সিভিজিল এপনা মীখলগী কোদ থুগাইবশিং ফ্লেগ তৌনবা মীয়ামদা য়াম্না কান্নরবা খুৎলাই অমা ওইখি। জেনরেল ইলেক্সন ২০২৪ না হেক লাউথোকপদগী হৌদুনা মে ১৫, ২০২৪ ফাওবদা ৱাকৎ লাখ ৪.২৪ এপ অসিদা ফংখি। হায়রিবা অসিদগী ৱাকৎশিং ৪,২৩,৯০৮ লোইশিনখি অমসুং লেমহৌরিবা কেস ৪০৯না প্রোসেস তৌরি।

চাউরাক্না ৱাকৎ ৮৯%দি মিনত ১০০গী মনুংদা লোইশিনখি, মসি ই.সি.আই.না মরুওইনা ঙাক্কনি লাউথোকখিবা ৱাশকনি।

মীয়াম্না হায়রিবা এপ অসিবু মীখলদা অপীবা মতম এন্না অমসুং মখোল হৌবগী চাং হেন্না লান্না অহৌবা স্পীকর শীজিন্নবা, অথিবা লৈবা মনুংদা কেম্পেন তৌবা, বেন্নর নৎত্রগা পোস্তর অয়াবা য়াওদনা থেৎপা, অয়াবা পীবা মতমগী ৱাংমদা গারী শীজিন্নবা, লন থুম মাঙহনবা, য়েংশিনবদা নোংমৈ পুথোকপা/ য়ানিংদবা অসিনচিংবা য়েংশিনবদা শীজিন্নখি। কাংলুপ নাইনা খাইদোকপা ৱাকৎশিং মখাদা পীরিঃ

সিভিজিল অসি শীজিন্নবা নুংঙাইবা অমসুং লায়বা এপ্লিকেসন অমনি, মসিনা মীকুপ নাহুম শিংবা মীয়াম্বু দিস্ত্রিক্ত কন্ত্রোল রুম, রিতর্নিং ওফিসর অমসুং ফ্লাইং স্ক্বাদ তীমশিংগা শম্নহল্লি। এপ অসি শীজিন্নবনা, মীয়াম্না রাজনিতিগী ওইবা লান্না চত্থবা থবকশিং মিনত অমগী মনুংদা রিতর্নিং ওফিসরগী ওফিস চৎনদনা রিপোর্ত তৌবা য়াহল্লি। সিভিজিল এপতা ৱাকৎ অদু হেক থাংগৎপগা, ৱাকৎলিবা মীওই অদুনা মখোয়গী মোবাইলদা ৱাকৎ অদুবু ত্রেক তৌবা য়াবা অখন্নবা আইদি অমা ফংগনি।

মচাক মথুম কয়া অমনা মথৌ তৌদুনা সিভিজিলবু মায় পাকপা অমা ওইহল্লি। শীজিন্নরিবা মীওইশিংনা ওদিও, ফোতোও নৎত্রগা  ভিদিও খুদক্তা লৌই অমসুং "মিনৎ ১০০"গী মশীং থিদুনা মতম চানা ৱাকৎ লোইশিন্নবা হোৎনগনি। এপ অসিনা মশা মথন্তা য়ুজর অদুনা মখোয়গী কেমরা অদু ভাইওলেসন অমা রিপোর্ত তৌনবা হেক হাংদোকপগা জিও তেগিং ফিচর শীজিন্নগনি। মসিনা তাক্লিবসি ফ্লাইং স্ক্বাদশিংনা ভাইওলেসন রিপোর্ত তৌরক্লিবদুগী মফম অদু চপ চানা খঙবা ঙমগনি, অমসুং মীয়াম্না কাপ্লিবা ইমেজ অদু ৱায়েল শঙদা খুদম চাংদম ওইনা শীজিন্নবা য়াগনি। লান্না শীজিন্নবা থিংনবগীদমক, সিভিজিল এপ অসিনা তোঙান-তোঙানবা ঙাকথোক্নবা পাম্বৈ কয়া শীজিন্নরি, মসিদা জিওগ্রাফিকেল রেস্ত্রিক্সন, রিপোর্তিং তৌবগী মতম, অমসুং অনিহঞ্জিনবা নৎত্রগা তশেংবা নত্তবা ৱাকৎশিং ফিলতর তৌনবা মচাক য়াওরি। এপ অসি কম্মিসন অসিনা শেম্বা তেক্নোলোজী শীজিন্ননবা অমসুং ভোতরশিংবু অমসুং পোলিতিকেল পার্তিশিংবু হেন্না নুংঙাইহন্নবগী আর্মরী এপশিংগী মরক্তা অমনি।

***************