کل  ہونے والے لوک سبھا چناؤکے تیسرے مرحلے کے لئے انتخابی کمیشن نے پوری طرح ، مکمل تیاری کرلی ہے ۔موسم کے بارے میں پیش کی گئی ہے کہ وہ معمول کے مطابق رہے گا ،البتہ ووٹروں کی آسانی کے لئے سبھی پولنگ اسٹیشنوں پرزبردست انتظامات کئے گئے ہیں ، ان سہولیات میں پانی ، شامیانہ اورپنکھے وغیرہ شامل ہیں تاکہ گرمی کے موسم کے حالات سے نمٹاجاسکے ۔

رائے پورمیں ایمرجنسی میڈیکل ڈیوٹیز کے لئے فکسڈ ونگ ایئرایمبولینس اورپون ہنس ہیلی کاپٹر

انتخابی کمیشن نے تمام پولنگ اسٹیشنوں پر زیادہ تعداد میں ٹرن آوٹ کے لئے ووٹروں سے اپیل کی ہے یعنی ان سے کہاہے کہ وہ پولنگ اسٹیشنوں پرجاکرزیادہ سے زیادہ تعداد میں ووٹ ڈالیں اور ووٹ کا ذمہ داری سے استعمال کریں اورووٹ ڈالنے پرفخرمحسوس کریں ۔ تیسرے مرحلے کے چناؤ سے قبل انتخابی کمیشن نے چاربڑی ٹیلی کام خدمات فراہم کرنے والے اداروں-بھارت سنچارنگم لمیٹڈ ، بھارت ایئرٹیل لمیٹڈ ، جیوٹیلی کمیونیکیشن اور ووڈافون آئیڈیالمیٹڈ کے ساتھ اشتراک کیاہے ، تاکہ چناؤ کے دنوں میں اوراس سے پہلے قومی اورریاستی آئیکون کی خصوصیت والے  پیغامات اوروائس  کال کی سہولت فراہم کی جاسکے تاکہ ووٹروں کی شرکت کی حوصلہ افزائی ہوسکے ۔ کمیشن نے تمام تنظیموں ، اسٹارٹ اپس ، یونیکورن سے بھی اپیل کی ہے کہ وہ آؤٹ ریچ پروگرام میں سرگرمی سے شرکت کریں اور انتخابی کمیشن کے سفراء بنیں اور اثرورسوخ والے بنیں ۔

انتخابی کمیشن کے کام کاج میں شفافیت اورہرچیز کو نمایاں کرنے کو ترجیح دی گئی ہے ۔ قانونی ضرورتوں کے مطابق فارم 17سی میں قطعی تعداد میں ہرووٹراسٹیشن پرووٹرکا ٹرن آؤٹ ریکارڈ کیاجائے گا۔ شفافیت کے ایک سخت اقدام کے طورپر فارم 17سی کی نقلیں جس پرپریزائیڈنگ آفیسراورتمام موجودہ پولنگ ایجنٹس کے ذریعہ  دستخط کئے گئے ہیں،سبھی موجودہ پولنگ ایجنٹس کے ساتھ مشترک کی گئی ہیں ۔ اس طرح  ڈالے گئے ووٹوں کی حقیقی تعداد کا بوتھ کے اعتبارسے ڈیٹا امیدواروں کے پاس دستیاب ہے  جو ایک قانونی ضرورت ہے ۔

اے ایم ایف کے ساتھ تیارکئے گئے پولنگ اسٹیشنس

دیگر فریقوں یاشراکت داروں اور میڈیا کے لیے انکشافی اقدام کے طور پر، ریاست/پی سی/اے سی کے اعتبارسے  ٹرن آؤٹ کے عارضی اعداد و شمار انتخابی کمیشن کے  ووٹر ٹرن آؤٹ ایپ کے ذریعے دستیاب کرائے گئے ہیں جو درج ذیل لنک پر دستیاب ہیں:

https://play.google.com/store/apps/details?id=in.gov.eci.pollturnout&hl=en_IN

https://apps.apple.com/in/app/voter-turnout-app/id1536366882

یہ بات قابل ذکرہے  کہ ہر پی سی کے اندر ریاست کے اعتبار/پی سی کے اعتبار/ اے سی کے جز، ووٹر ٹرن آؤٹ ایپ لائیو پر تقریباً ٹرن آؤٹ ڈیٹا دستیاب ہے۔ اسے پولنگ کے دن دو گھنٹے کی بنیاد پر شام 7 بجے تک اپ ڈیٹ کیا جاتا ہے۔ پولنگ کے اختتام کے بعد، جو کہ پولنگ کے مقررہ اوقات سے آگے بڑھ سکتا ہے تاکہ ووٹرز جو پولنگ کے اختتام کے لیے مقررہ وقت پر قطار میں آئے ہوں، پولنگ پارٹیاں اسٹرانگ روم میں مشینیں اور قانونی کاغذات جمع کرانے کے لیے واپس چلی جائیں۔ دو گھنٹے کی حد شام 7 بجے کے بعد ہٹا دی جاتی ہے اور پولنگ پارٹیوں کی آمد پر ٹرن آؤٹ ڈیٹا کو مسلسل اپ ڈیٹ کیا جاتا ہے۔

گوامیں پولنگ پارٹیاں اپنے کام کاج میں مصروف عمل ہیں ، آئی سی یو بسترکی سہولت سیہورایم پی

کمیشن نے ووٹر ٹرن آؤٹ ایپ میں ایک نئی خصوصیت شامل کی ہے تاکہ ریاست/پی سی/اے سی کے لحاظ سے  اعداد و شمار کے علاوہ مرحلہ وار ٹرن آؤٹ کو بھی دکھائے جا سکیں۔ یہ میڈیا اور دیگرشراکت داروں  کی بہتر سہولت کے لیے ہے جنہیں اس حسب ضرورت معلومات کی ضرورت ہو سکتی ہے۔

11 ریاستوں/ مرکز کے زیر انتظام علاقوں پرمحیط 93 حلقوں میں پولنگ  کاپروگرام ہے۔ قابل ذکرہے کہ جموں و کشمیر میں اننت ناگ-راجوری پی سی کے لیے پولنگ کو چھٹے مرحلے میں تبدیل کر دیا گیا تھا۔ اس کے علاوہ، سورت پی سی میں کوئی پولنگ نہیں ہوگی، کیونکہ امیدوار بلا مقابلہ منتخب ہو گئے ہیں۔ اس مرحلہ میں بیتول پی سی میں بھی  انتخابات کرائے جائیں گے  کیونکہ بی ایس پی امیدوار کے انتقال کی وجہ سے  مرحلہ -2سے پی سی کے لیے پولنگ کی تاریخ   دوبارہ طے کی گئی تھی۔

انتخابات کے بقیہ چارمراحل یکم جون تک جاری رہیں گے اور ووٹوں کی گنتی 4 جون کو ہوگی۔ عام انتخابات کے پہلے دو مرحلوں میں 189 نشستوں کے لیے پولنگ پرامن اور خوش اسلوبی سے مکمل ہوگئی تھی۔ تیسرے مرحلے کےدوران غیرملکی مندوبین کی بڑی تعداد اپنے دورے کے دوران  ہندوستان کے پولنگ کے عمل اور انتظامات کے  تجربات کامشاہدہ کریں گے۔بین الاقوامی الیکشن وزیٹر پروگرام کے ایک حصے کے طور پر 23 ممالک کے 75 مندوبین چھ ریاستوں میں پولنگ سٹیشنز کا دورہ کریں گے۔

گجرات کا  عالیہ بیٹ                                 بہارکاسوپول

پولنگ پارٹیوں کو ای وی ایم اور انتخابی متن کے ساتھ ان کے متعلقہ پولنگ اسٹیشنوں پر روانہ کر دیا گیا ہے۔ آسام میں، انتخابات کے تیسرے مرحلے کے لیے جنوبی سلمارا مانکاچار پی سی میں پولنگ اسٹیشنوں پر کشتیوں پر سشستر سیما بل کے حفاظتی دستے تعینات کیے گئے ہیں۔ بہار میں، پولنگ اہلکاروں نے سوپول میں پولنگ سٹیشنوں تک پہنچنے کے لیے کشتیوں پر دریائے کوسی کا سفر  طے کیا۔

 تیسرے مرحلے کے حقائق

1. عام انتخابات 2024 کے  تیسرے مرحلے  کے لیے  93 پارلیمانی حلقوں میں پولنگ  7 مئی 2024  ہوگی(جنرل- 72؛ ST- 11؛ SC-10)یہ پولنگ  11 ریاستوں/ مرکز کے زیر انتظام علاقوں میں ہوگی۔ ووٹنگ صبح 7 بجے شروع ہونی ہے اور شام 6 بجے ختم ہوجائے گی (پولنگ  کے ختم  ہونے کے اوقات پی سی کے لحاظ سے مختلف ہو سکتے ہیں)
2. تقریباً 18.5 لاکھ پولنگ اہلکار 1.85 لاکھ پولنگ اسٹیشنوں میں 17.24 کروڑ ووٹروں کا استقبال کریں گے، جو اپنے حق رائے دہی کا استعمال کریں گے۔
3. 17.24 کروڑ ووٹروں میں 8.85 کروڑ مرد اور 8.39 کروڑ خواتین شامل ہیں
4. تیسرے مرحلے  کے لیے 14.04 لاکھ سے زیادہ رجسٹرڈ 85سے زیادہ سال کی عمر کے، 39,599 ووٹرز 100 سال سے زیادہ اور 15.66 لاکھ پی ڈبلیو ڈی ووٹرز ہیں، جنہیں اپنے گھروں سے  آرام سے ووٹ دینے کا اختیار فراہم کیا گیا ہے۔ اختیاری ہوم ووٹنگ کی سہولت کو پہلے ہی زبردست پذیرائی اور ردعمل مل رہا ہے۔
5. 264 مبصرین (101 جنرل مبصر، 54 پولیس مبصر، 109 اخراجات کے مبصر) انتخابات سے کچھ دن پہلے ہی اپنے حلقوں میں پہنچ چکے ہیں۔ وہ کمیشن کی آنکھ اور کان کے طور پر کام کرتے ہیں تاکہ پوری طرح سے چوکس رہیں۔ مزید برآں، بعض ریاستوں میں خصوصی مبصرین کو تعینات کیا گیا ہے۔
6. کُل 4303 فلائنگ اسکواڈز، 5534 اسٹیٹک سرویلنس ٹیمیں، 1987 ویڈیو سرویلنس ٹیمیں اور 949 ویڈیو دیکھنے والی ٹیمیں چوبیس گھنٹے نگرانی کر رہی ہیں تاکہ ووٹرز کی کسی بھی قسم کی ترغیب سے سختی اور تیزی سے نمٹا جا سکے۔
7. کل 1041 بین ریاستی اور 275 بین الاقوامی سرحدی چیک پوسٹوں پرشراب، منشیات، نقدی اور مفت  سہولتوں کے کسی بھی غیر قانونی اقدام  پر کڑی نظر رکھے ہوئے ہیں۔ سمندری اور فضائی راستوں پر سخت نگرانی رکھی گئی ہے۔
8. پانی، شیڈ، بیت الخلا، ریمپ، رضاکار، وہیل چیئرز اور بجلی جیسی یقینی کم سے کم سہولیات اس بات کو یقینی بنانے کے لیے موجود ہیں کہ ہر ووٹر بشمول بزرگ اور معذور افراد آسانی کے ساتھ اپنا ووٹ ڈال سکیں۔ گرم موسم کی صورتحال سے نمٹنے کے لیے اقدامات پر خصوصی توجہ دی گئی ہے۔
9. ووٹر انفارمیشن سلپس تمام رجسٹرڈ ووٹرز کو تقسیم کر دی گئی ہیں۔ یہ پرچیاں ایک سہولت کاری کے اقدام کے طور پر کام کرتی ہیں اور کمیشن کی طرف سے آنے اور ووٹ ڈالنے کی دعوت کے طور پر بھی دیکھی جاسکتی ہیں۔
10. ووٹر اس لنک https://electoralsearch.eci.gov.in/ کے ذریعے اپنے پولنگ اسٹیشن کی تفصیلات اور پولنگ کی تاریخ دیکھ سکتے ہیں۔
11. کمیشن نے پولنگ اسٹیشنوں پر شناخت کی تصدیق کے لیے ووٹر شناختی کارڈ (ای پی آئی سی) کے علاوہ 12 متبادل دستاویزات بھی فراہم کیے ہیں۔ اگر کوئی ووٹر ووٹر لسٹ میں رجسٹرڈ ہے تو ان میں سے کوئی بھی دستاویز دکھا کر ووٹ ڈال  سکتا ہے۔ متبادل شناختی دستاویزات کے لیے الیکشن کمیشن آف (ای سی آئی )کے آرڈرسے لنک کریں:

https://www.eci.gov.in/eci-backend/public/api/download؟

******

 (ش ح۔ح ا۔ع آ)

U-6795