জেনরেল ইলেক্সন 2024 নকশিল্লকপগা ইরোইননা ECIনা লৈবাক অসিদা লোক সভা মীখলশিংগী চহি 75গী পুৱারীদা রেকোর্দ ওইনা ইন্দ্যুসমেন্ত খ্বাইদগী য়াম্না ফাগৎনবা চংশিল্লি। এনফোর্মেন্তনা ইরাই নুমিৎতগী হৌগদবা 18শুবা লোক সভা মীখলশিংগী অহানবা তাঙ্কক্কী মমাংদা মনী পাৱর থেংননবা ECIগী অচেৎপা ফিরেপতা লুপা করোর 4650 হেন্না ফাগৎপগী রেকোর্দ অমা থমখ্রে। মসিনা 2019দা পাঙথোকখিবা অপুনবা লোক সভা মীখল মনুংদা ফাগৎখিবা লুপা করোর 3475দগী চাউনা হেনগৎলকপা ওইরি।

শীংথানীংঙাই ওইনা ফাগৎখিবশিংগী 45%দি কম্মিসনগী অখন্নবা মীৎয়েং মখাদা লৈবা দ্রগ অমসুং নারকোতিক্স ওইরি। মপুং ফানা থৌরাং তৌবা, পুন্না থবক তৌমিন্নবা অমসুং এজেন্সীশিংগী মরক্তগী অমত্তা ওইবা থীংনবা থবকশিং লৌখৎপা, প্রোএক্তিব সিতিজন পার্তিসিপেসন অমসুং তেক্নোলোজীবু খ্বাইদগী ফবা মওংদা শিজিন্নবনা মরম ওইদুনা ফাগৎপা অসি ওইথোকপা ঙমখ্রে।

রাজনিতীগী শেন থাদবগী মথক্তা, ব্লেক মনী শীজিন্নবা অমসুং মদুগী অচুম্বা পাউ ফোংদোকপা অসিনা অখন্নবা জিওগ্রাফীশিংদা হেন্না রিসোর্স লৈবা পার্তি নত্ত্রগা মীরেপ অমগী মায়কৈদা লেবেল প্লেয়িং ফিল্দদা অকাইবা থোকহনবা য়াই। লোক সভাগী মীখল অসি ইন্দুসমেন্ত অমসুং ইলেক্তোরেল মেলপ্রাক্তিসশিং য়াওদনা পাংথোক্নবা অমসুং লেবেল প্লায়িং ফিল্দ অমা লৈহন্নবা ফাগৎলিবা অসি ECIগী ৱারেপকী মরুওইবা শরুক অমনি। CEC শ্রী রাজীব কুমারনা মমাং থাদা মীখলশিং অসি লাউথোক্লদুনা, মনী পাৱর অসি ‘4M গী শীংনবশিংগী মরক্তা অমনি হায়না ফোংদোকখি। এপ্রিল 12দা, CEC শ্রী রাজীব কুমারনা লুচিংবা কম্মিসন্না ECশিং শ্রী জ্ঞানেশ কুমার অমসুং শ্রী সুখবির সিংহ সান্ধুগা লোয়ননা এপ্রিল 19দা পাংথোক্কদৌরিবা মীখলগী ফেজ-1দা দিপ্লোই তৌগদবা সেন্ত্রেল ওবজর্ভর পুম্নমক য়েংশিনখি। ইলেক্তোরেল প্রোসেস অসি ইন্দ্যুসমেন্ত-ফ্রি ওইহন্নবগীদমক চেকশিন থৌরাংশিং, মোনিতরিং অমসুং চেক তৌবদা মরু ওইবা মীৎয়েং চংদুনা খন্ন-নৈনখি।

ফাগৎপা হেনগৎলক্লিবা অসিনা ECIনা মরুওইনা অপীকপা অমসুং রিসোর্স লৈতবা পার্তিশিংগী কান্ননবগীদমক্তা ‘লেবেল প্লেয়িং ফিল্দ’ অমগীদমক ইন্দ্যুসমেন্ত য়েংশিনবা অমসুং ইলেক্তোরেল মেলেপ্রাক্তিসশিং লাকশিন্নবা অচেৎপা ফিরেপ লৌরিবা অদু উৎলি।

তামিল নাদুগী নীলগিরিসতা থোকখিবা থৌদোক অমদা, কম্মিসন্না ফ্লাইয়িং স্ক্বার্দকী তিম লিদরবু মথৌ তৌবদা পুক্নিং চংদবা অমসুং শক্নাইরবা লুচিংবা অমগী কাভালকেদতা সেলেক্তিব ওইবা চেক তৌবগীদমক সস্পেন্দ তৌখি। মতৌ অসুম্না, ওফিসিএলশিংনা রাজ্য অমগী CM গী কনভোইদা য়াওরিবা গারীশিং অমসুং অতোপ্পা রাজ্য অমগী Dy CM গী গারীশিংসু চেক তৌখি। কম্মিসন্না কোদ ওফ কন্দক্ত অমসুং ইন্সত্রক্সনশিং থুগাইদুনা কেম্পেন পাংথোকপদা রাজনিতীগী মীওইশিং মতেং পাংলমখিবা সরকারগী সর্ভেন্ত 106 রোমগী মথক্তা অকনবা থবক লৌখৎখ্রে।

পার্লিয়ামেন্তরী ইলেক্সন লাউথোকপগী পাউগী মীফমদা CEC শ্রী রাজীব কুমারনা মহাক্কী প্রজেন্তেসনদা ইনকম তেক্স, এয়রপোর্ত ওথোরিতীশিংনা নন-সেদ্যুল্দ এয়রক্রাফশিং অমসুং হেলিকোপ্তরশিংগী সর্ভিলেন্স অমসুং ইন্সপেক্সনদা BCASকী কাংলোনশিং কন্না ঙাক্নবা অমসুং মরী লৈনবা জিলাশিংগী SPশিং, ঙমখৈগী এজেন্সীশিংনা ইন্তর্নেস্নেল চেক পোস্তশিংদা কুপ্না য়েংশিনবা অমসুং GST ওথোরিতীশিংনা গোদাউনশিং মরু ওইনা ফ্রীবিজ থম্নবা শেম্বা মেকশিফ গোদাউনশিং কুপ্না য়েংহন্নবা খঙহনখি। রিভ্যুশিং অসিগী মনুংদা কম্মিসন্না মতম পুম্নমক্তা অকনবা ৱাফম থমখি মদুদি ত্রান্সপোর্তকী মওং পুম্নমক্তা মল্তি-প্রোং সর্ভিলেন্স লৈগনি- রোদ ত্রান্সপোর্তকীদমক চেক পোস্তশিং অমসুং নকাস, কোস্তেল রুতশিংগীদমক কোস্ত গার্দ অমসুং এয়র রুতশিংগীদমক এজেন্সীশিংগা লোয়ননা DMশিং অমসুং SPশিংনা হেলিকোপ্তরশিং অমসুং নন-সেদ্যুল ফ্লাইতশিং চেক তৌগনি।

এনেক্সর Aদা 13.04.2024 ফাওবদা রাজ্য/UT অমসুং কেতেগোরী অমমমগী ফাগৎখিবগী অকুপ্পা ৱারোলশিং পীরি।

মসি করম্না ওইথোকপা ঙমহনখিবগে?

1. ইলেক্সন সিজর মেনেজমেন্ত সিস্তেম (ESMS) - সিলোশিং থুগাইবা অমসুং তেক্নোলোজী শীজিন্নদুনা এনফোর্সমেন্ত এজেন্সী পুম্নমকপু প্লেৎফোর্ম অমদা পুনশিনবা অসিনা গেম চেঞ্জর অমা ওইরে। মোনিতরিং প্রোসেস্তা তেক্নোলোজী পুশিল্লকপগা লোয়ননা, ECIগী ইন্তর-হাউস দিবেলপ তৌরবা পোর্তেল অমা ওইরিবা ESMS না কেতালিস্ত অমা ওইরে। ইন্তর্সেপ্সন অমসুং সিজর তৌবগী রিপোর্ত তৌবগী রিএল তাইমগী অনৌবা থৌওং অসি সিজরগী দুপ্লিকেসন ঙাকথোক্তুনা এসেমব্লী ইলেক্সনগী অরোইবা রাউন্দদা চাংয়েং তৌখি।

পোর্তেল অসিনা দিজিতেল ত্রেলশিং অমসুং কন্ত্রোল লেবেল পুম্নমক্তা অথুবা মতমদা অমসুং মতম চানা রিভ্যু তৌবা য়াহন্নবা মাউস অমা ক্লিক তৌরগা সিজর ইনফোর্মেসন ফংহনবদা মতেং পাংই। দেতাগী মতুং ইন্না তোঙান তোঙানবা এজেন্সীশিংগী দিস্ত্রিক্ত নোদেল ওফিসর 6398, স্তেত নোদেল ওফিসর 734, ফ্লায়িং স্ক্ৱাদ 59000 অমসুং স্তেতিক্স সর্ভিলেন্স তীম (SST).) অসি রিএল তাইম মোনিতরিং অমসুং অপদেৎশিংগীদমক ESMS প্লেতফোর্মদা বোর্দ তৌখ্রে। নোদেল ওফিসিএল পুম্নমকপু ESMS শীজিন্নবগী তোঙান তোঙানবা হীরমশিংদা ত্রেনিং পীখ্রে। 2023গী এসেমব্লী মীখলগী মতমদা সিস্তেম অসিনা মপাঙ্গল কনবা হৌরকখি। মমাংগী মীখলদা লুপা করোর 239.35গা চাংদম্নবদা লুপা করোর 2014.26 ফাগৎখি। হৌখিবা রাউন্দগী এসেমব্লী ইলেক্সনদা মায় পাক্না ইমপ্লিমেন্ত তৌবদগী অমসুং ফিল্দদগী ফীদবেক ফংবদগী, হৌজিক পাঙথোক্কদৌরিবা ইলেক্সনশিংদা ইমপ্লিমেন্ত তৌদ্রিঙৈদা মসিগী রিভ্যু তৌখ্রে অমসুং মপাঙ্গল কনখৎহনখ্রে।

2. এনফোর্সমেন্ত এজেন্সী মশিং য়াম্না য়াওদুনা হৈশিংননা অমসুং পাক চাউনা থৌরাং তৌবা: এজেন্সীশিংগী মরক্তা তেংবাং পীনবগীদমক কেন্দ্র অমসুং রাজ্য অনিমক্কী এজেন্সী অনিমক্কীদমক এনফোর্মেন্ত এজেন্সীশিং মশিং য়াম্না পুনশিনখি।

3. জনুৱারী 2024দগী মীখলশিংগী মমাংদগী মীখলদা শেলগী শক্তি শীজিন্নবা লাকশিনবগী মরু ওইবা অদু ইলেক্সন কমিসনগী মকোক থোংবা ওফিসিএলশিংনা রাজ্য অমসুং য়ুনিয়ন তেরিতোরী খুদিংমক্তা চৎতুনা খঙহনখি। মসিগী মথক্তা, দিস্ত্রিক্তশিং অসি কুপ্না য়েংশিনখি অমসুং চীফ সেক্রেতরীশিং, পুলিসকী দাইরেক্তর জেনরেলশিং (DGPশিং), অমসুং এনফোর্সমেন্ত এজেন্সীশিংগী মকোকশিংগা লোয়ননা মখোয়গী পর্ফোমেন্স য়েংশিন্নবা অমসুং মীখলগী মতমদা ফাইনান্সিএল রিসোর্সশিং লান্না শীজিন্নবগী মায়োক্তা অহেনবা চেকশিন থৌরাং লৌখৎনবা খন্ন-নৈনখি। ফিল্দ লেবেলগী পর্সনেলশিং অসি চীফ ইলেক্তোরেল ওফিসরশিং (CEOশিং), ওবজর্ভরশিং, অমসুং দিস্ত্রিক্ত ইলেক্তোরেল ওফিসরশিং (DEOশিং) না লেপ্তনা য়েংশিল্লি। অয়াম্বা মতমদা, এজেন্সী অমনা থেংনরকপা অসিনা অতোপ্পশিংগী থবকশিংবু 'ইনফোর্মেৎ অমসুং গাইদ' তৌই, মসিনা য়ুনিফাইদ অমসুং পাক শন্না শন্দোকপা থীংনবা ইফেক্ত অমা থোকহল্লি। রাজ্যশিং/UTশিংদা মীখলগী খোঙচৎ মনুংদা তোঙান তোঙানবা পাম্বৈশিং - লম্বী, রেল, সমুদ্র অমসুং এয়রগী খুত্থাংদা ইন্দক্সনশিং য়েংশিন্নবা মরী লৈনবা এজেন্সীশিং য়াওবা জোইন্ত তীমশিংগী মরুওইবা অদুসু কম্মিসন্না ফোংদোকখ্রে।  মসিনা মরম ওইদুনা, ওফিসিএল ওইনা লাউথোক্ত্রিঙৈ মমাংগী থাশিং, জনুৱারী অমসুং ফেব্রুৱারীদা, লৈবাক শিনবা থুংনা লুপা করোর 7502গী শেনফম অমা শেল, দ্রিঙ্ক, দ্রগ, মমল য়াম্লবা ধাতু অমসুং ফ্রিবিজগী মওংদা ফাগৎপা থেংনখি। মীখল পাঙথোক্নবা হপ্তা তরুক ৱাৎলিঙৈ ফাওবদা হৌজিক ফাওবগী ওইনা অপুনবা লুপা করোর 12000গী চাংদা ফাগৎপা ওইহল্লি।
4. খুন্নাইদা দ্রগনা পীবা চৈথেংদা মীৎয়েং চংবা হেনগৎপা: মরুওইনা, জনুৱারী অমসুং ফেব্রুৱারী 2024দা ফাগৎখিবা অপুনবা ফাগৎখিবগী চাউরাক্না 75% ওইখিবা দ্রগ ফাগৎপদা অহেনবা মীৎয়েং থমখি। চীফ ইলেক্সন কম্মিস্নর শ্রী রাজীব কুমারনা নোদেল এজেন্সীশিংদা চৎলুবা মতমদা দ্রগ অমসুং নারকোতিকশিং ফাগৎপদা এজেন্সীশিংনা হোৎনরিবা অসিগী মরুওইবা অদু পনখি। ইলেক্সনদা ইথিল পীনবগীদমক অরানবা শেল শীজিন্নবগী রিস্ককী মথক্তা, দ্রগশিংনা কম্ম্যুনিতীশিংদা, মরু ওইনা নহাশিংদা অকায়বা পীরকপা য়াবা অচৌবা খুন্নাইগী ওইবা খুদোংথীবা অমা ওইরি হায়না মহাক্না ফোংদোকখি। দ্রগ ত্রাফিক তৌনবগী মরুওইবা লম্বীশিং অমসুং কোরিদোরশিং মশক খঙদোক্নবা অমসুং মতিক চাবা কাউন্তরমেজরশিং পায়খৎনবা কম্মিসননা নারকোতিক্স কন্ত্রোল ব্যুরোগী দাইরেক্তোরেত জেনরেল অমসুং মসিগী মকোক থোংবা ওফিসিএলশিংগা লোয়ননা থবক তৌমিন্নখি। হৌখিবা চহি খরা অসিদা, গুজরাত, পঞ্জাব, মণিপুর, নাগালেন্দ, ত্রিপুরা অমসুং মিজোরামগুম্বা রাজ্যশিংদা মোদেল কোদ ওফ কন্দক্ত চৎনহনবগা লোয়ননা রাজ্যগী এসেমব্লীগী মীখলগী মতমদা য়াম্না চাউনা ফাগৎপা ঙমখ্রে।

অরুনাচল প্রদেশতা স্তেতিক সর্ভিলেন্স তীমনা গারীশিং চেক তৌবা

কর্নাতকাগী কালাবুরাগি জিলাদা য়ু ফাগৎপা

5. এক্সপেন্দিচর সেন্সিতিব কন্সিতিত্যুএন্সীশিং মশক খঙদোকপা: পার্লিয়ামেন্তরী কন্সতিত্যুএন্সী 123 অসি হেন্না মীৎয়েং চঙবা ঙম্নবা এক্সপেন্দিচর সেন্সিতিব কন্সতিত্যুএন্সী ওইনা মার্ক তৌখ্রে। হায়রিবা কন্সতিত্যুএন্সীশিং অসি মমাংগী মীখলশিংদা ইন্দ্যুস্মেন্তশিং য়েন্থোকপগী হিস্তরী অমা লৈরম্মি নত্রগা দ্রগ, শেল অমসুং য়ু থাদবগী ওইথোকপা য়াবা ইন্তর-স্তেৎ অমসুং ইন্তর্নেস্নেলগী ঙমখৈ লৈরম্মি।
6. এক্সপেন্দিচর ওবজর্ভরশিং দিপ্লোই তৌবা: এক্সপেন্দিচর ওবজর্ভর ওইনা খল্লবা মকোক থোংবা ওফিসিএলশিংনা কম্মিসনগী মীখলদা অচুম্বা অমসুং ইন্দ্যুসমেন্ত ফ্রী ওইবা মীখল অমা পাঙথোক্নবা মীৎয়েং চংনবা মথৌ তৌই। পার্লিয়ামেন্তরী কন্সতিত্যুএন্সিশিংদা অপুনবা এক্সপেন্দিচর ওবজর্ভর 656নি, অদুগা অরুনাচল প্রদেশ, ওদিশা, অন্ধ্র প্রদেশ অমসুং সিক্কিমগী এসেমব্লি কন্সতিত্যুএন্সিশিংদা 125নি। রাজ্যশিং/UTশিংদা ইলেক্সন প্রোসেসকী লমদা হৈ-শিংবা অমসুং এক্সপিরিয়েন্স লৈরবা স্পিসিএল এক্সপেন্দিচর ওবজর্ভরশিংসু দিপ্লোই তৌখি।
7. সিভিজিল শীজিন্নবা: কম্মিসনগী সিভিজিল এপ অসিনা মখল খুদিংমক্কী ইন্দ্যুসমেন্তশিং য়েন্থোকপগী মতাংদা প্রজাশিংগী মরক্তগী হকথেংননা কমপ্লেন্তশিং লৌখৎতুনা শেল থাদবগী মোনিতরিং প্রোসেসসু মপাঙ্গল কনখৎহল্লে। মীখলগী মতম লাউথোকখিবা মতমদগী হৌরগা, শেল থাদবা, য়ু থকপা অমসুং ফ্রীবিশিং য়েন্থোকপগী মতাংদা অপুনবা কমপ্লেন্ত 3262 লাকখ্রে।
8. প্রজাশিংদা হরাস্মেন্ত চত্থদবা: হৌজিক পাঙথোক্লিবা মীখল অসিগী হৌরকপদা, তুরিস্তশিংনা গ্রাউন্দ লেভেলগী তীমশিংনা দরকার লৈতনা চেক তৌবা অমসুং অৱাবা পীবগী মতাংদা মীদিয়াদা পাউ কয়া ফোঙদোকখি। কম্মিসন্না হীরম অসিবু কুপ্না লৌদুনা তুরিস্ত অমসুং প্রজাশিং য়েংশিনবা মতমদা চেকশিন্না অমসুং নীংথিনা চৎপগী তঙাই ফদবা লৈবগী মতাংদা চীফ ইলেক্তোরেল ওফিসর (CEO) পুম্নমক্তা এদভাইজরি অমা থাগৎখি। মসিগী মথক্তা, কম্মিসন্না শেমখিবা 'দিস্ত্রিক্ত গ্রিভেন্স কম্মিতীশিং (DGC)দা সিজরগা মরী লৈনবা গ্রিভেন্সশিং অথুবা মতমদা লোইশিন্নবগীদমক মশক খঙদোক্লবা মফমশিংদা নুমিৎ খুদিংগী হিয়রিং পাংথোক্নবা খঙহনখি। CEOশিং অমসুং DEOশিংবু কম্মিতীশিং অসি মপুং ফানা মথৌ পাংথোক্নবা খঙহনখি।

হায়রিবা খোঙথাংশিং অসিনা পাক-শন্না শেল থাদবা য়েংশিনবগী থৌওং অমদা য়ুম্ফম ওইদুনা মীয়ামদা অপনবা লৈতনা ফাগৎপা হেনগৎহল্লি। লাক্কদৌরিবা নুমিৎশিংদা কেম্পেন চত্থবা হেনগৎলকপগা লোয়ননা, কম্মিসন্না মখোয়গী অচেৎপা থাজবা অদুগী মতুং ইন্না ইলেক্তোরেল প্রোসেস অসি ইন্দ্যুসমেন্ত-ফ্রী অমা ওইহন্নবা মখোয়গী চেকশিন থৌরাংবু হেন্না চেৎশিলহন্নবা শেম-শারি।

******

DK/RP