പ്രധാനമന്ത്രിയുടെ ഓഫീസ്‌
ന്യൂഡല്‍ഹിയിലെ ഭാരത് മണ്ഡപത്തിലെ സ്റ്റാര്‍ട്ടപ്പ് മഹാകുംഭില്‍ പ്രധാനമന്ത്രി നടത്തിയ പ്രസംഗം
Posted On:
20 MAR 2024 6:19PM by PIB Thiruvananthpuram
എന്റെ സഹപ്രവര്‍ത്തകരായ മന്ത്രിമാരേ, ശ്രീ പിയൂഷ് ഗോയല്‍ ജി, അനുപ്രിയ പട്ടേല്‍ ജി, സോം പ്രകാശ് ജി, ബഹുമാനപ്പെട്ട വിശിഷ്ട വ്യക്തികള്‍, കൂടാതെ രാജ്യത്തുടനീളമുള്ള സ്റ്റാര്‍ട്ടപ്പ് ഇക്കോസിസ്റ്റത്തിലെ സുഹൃത്തുക്കളേ! സ്റ്റാര്‍ട്ടപ്പ് മഹാകുംഭത്തിന്റെ പേരില്‍ ഞാന്‍ നിങ്ങള്‍ക്കെല്ലാവര്‍ക്കും ഹൃദയംഗമമായ ആശംസകള്‍ നേരുന്നു.
പലരും സ്റ്റാര്‍ട്ടപ്പുകള്‍ ആരംഭിക്കുന്നു, രാഷ്ട്രീയത്തില്‍ ഇത് ഇതിലും കൂടുതലാണ്, അതുകൊണ്ട് അവ വീണ്ടും വീണ്ടും ആരംഭിക്കേണ്ടതുണ്ട്. നിങ്ങളും അവരും തമ്മിലുള്ള വ്യത്യാസം നിങ്ങള്‍ പുതുമയുള്ളവരാണ് എന്നതാണ്; ഒന്ന് വിജയകരമായി പ്രവര്‍ത്തിക്കുന്നില്ലെങ്കില്‍, നിങ്ങള്‍ വേഗത്തില്‍ അടുത്തതിലേക്ക് പോകും. ഇപ്പോള്‍, അത് കൈപ്പിടിയിലാക്കാനുളള സമയമാണ്.
സുഹൃത്തുക്കളേ,
2047-ല്‍ രാജ്യം ഒരു 'വികസിത് ഭാരത്' (വികസിത ഇന്ത്യ) എന്ന ലക്ഷ്യത്തോടെ പ്രവര്‍ത്തിക്കുമ്പോള്‍, ഈ സ്റ്റാര്‍ട്ടപ്പ് മഹാകുംഭിന് വലിയ പ്രാധാന്യമുണ്ടെന്ന് എനിക്ക് തോന്നുന്നു. കഴിഞ്ഞ പതിറ്റാണ്ടുകളായി, ഐടി, സോഫ്റ്റ്വെയര്‍ മേഖലകളില്‍ ഭാരതം എങ്ങനെയാണ് അതിന്റെ മുദ്ര പതിപ്പിച്ചതെന്ന് നാം കണ്ടതാണ്. ഇപ്പോള്‍, ഭാരതത്തിലെ നവീകരണത്തിന്റെയും സ്റ്റാര്‍ട്ടപ്പ് സംസ്‌കാരത്തിന്റെയും പ്രവണതയില്‍ തുടര്‍ച്ചയായ ഉയര്‍ച്ചയാണ് നാം കാണുന്നത്. അതിനാല്‍, ഈ മഹാകുംഭത്തില്‍ സ്റ്റാര്‍ട്ടപ്പുകളുടെ ലോകത്ത് നിങ്ങളുടെ എല്ലാവരുടെയും പങ്കാളിത്തം വളരെ പ്രാധാന്യമര്‍ഹിക്കുന്നു. എന്താണ് സ്റ്റാര്‍ട്ടപ്പുകളെ വിജയകരമാക്കുന്നത്, എന്തുകൊണ്ട് അവര്‍ വിജയിക്കുന്നു, അവരുടെ വിജയത്തിലേക്ക് നയിക്കുന്ന പ്രതിഭയുടെ ഘടകമെന്താണ് എന്നതിനെക്കുറിച്ച് ഞാന്‍ ചിന്തിച്ചുകൊണ്ടിരുന്നു. അപ്പോള്‍ എനിക്ക് ഒരു ചിന്തയുണ്ടായി: ഞാന്‍ ശരിയാണോ തെറ്റാണോ എന്ന് നിങ്ങള്‍ എല്ലാവരും തീരുമാനിക്കുക. നിങ്ങളുടെ ടീമാണ് ഇത് സംഘടിപ്പിച്ചത്. കാരണം സാധാരണയായി, വ്യാവസായിക അല്ലെങ്കില്‍ ബിസിനസ്സ് ലോകത്തെ ഏത് തീരുമാനവും സര്‍ക്കാരുമായി ബന്ധപ്പെട്ടിരിക്കുന്നു. ഗവണ്‍മെന്റിനെ സംബന്ധിച്ചിടത്തോളം, സാധാരണയായി അഞ്ച് വര്‍ഷമാണ് സമയപരിധി. ഈ ലക്ഷ്യത്തില്‍ നിന്ന് സാവധാനം പുരോഗതി കൈവരിക്കുന്നു. അതിനാല്‍, വ്യവസായികള്‍ പലപ്പോഴും ചിന്തിക്കുന്നു, 'ഈ വര്‍ഷം ഒരു തിരഞ്ഞെടുപ്പ് വര്‍ഷമാണ്, നമുക്ക് കാത്തിരിക്കാം, തിരഞ്ഞെടുപ്പ് കഴിഞ്ഞാല്‍, പുതിയ സര്‍ക്കാരില്‍ എന്ത് സംഭവിക്കുമെന്ന് നമുക്ക് നോക്കാം.' അങ്ങനെയല്ലേ? ഇപ്പോള്‍ തിരഞ്ഞെടുപ്പ് പ്രഖ്യാപിച്ചിരിക്കുകയാണ്. ഇതൊക്കെയാണെങ്കിലും, നിങ്ങള്‍ ഇത്തരമൊരു വലിയ പരിപാടി സംഘടിപ്പിക്കുകയാണ്. അതായത് അടുത്ത അഞ്ച് വര്‍ഷത്തിനുള്ളില്‍ എന്ത് സംഭവിക്കുമെന്ന് നിങ്ങള്‍ക്കറിയാം. നിങ്ങളുടെ ഉള്ളിലെ പ്രതിഭയാണ് സ്റ്റാര്‍ട്ടപ്പിനെ വിജയിപ്പിക്കുന്നതെന്ന് ഞാന്‍ വിശ്വസിക്കുന്നു.
ഇവിടെ, ഞങ്ങള്‍ക്ക് നിക്ഷേപകരും, ഇന്‍കുബേറ്ററുകളും, അക്കാദമിക് വിദഗ്ധരും, ഗവേഷകരും, വ്യവസായ അംഗങ്ങളും ഉണ്ട് - അടിസ്ഥാനപരമായി, ഇത് യഥാര്‍ത്ഥ അര്‍ത്ഥത്തില്‍ ഒരു മഹാകുംഭമാണ്. ഇവിടെ, ഞങ്ങള്‍ക്ക് യുവസംരംഭകരും ഭാവി സംരംഭകരുമുണ്ട്. നിങ്ങളുടെ ഉള്ളില്‍ പ്രതിഭ ഉള്ളതുപോലെ എന്റെ ഉള്ളിലും ഉണ്ട്. എനിക്ക് അത് തിരിച്ചറിയാന്‍ കഴിയും; ഭാവിയിലെ സംരംഭകരെ എനിക്ക് ഇവിടെ കാണാന്‍ കഴിയും. അത്തരമൊരു പരിതസ്ഥിതിയില്‍, ഈ ഊര്‍ജ്ജം, ഈ സ്പന്ദനം, ശരിക്കും ശ്രദ്ധേയമാണ്. പോഡ്സ്, എക്സിബിഷന് സ്റ്റാളുകള്‍ എന്നിവയിലൂടെ കടന്നുപോകുമ്പോള്‍ ഈ പ്രകമ്പനം അനുഭവപ്പെട്ടു. ഒപ്പം ദൂരെ ചിലര്‍ മുദ്രാവാക്യം വിളിക്കുന്നുണ്ടായിരുന്നു. എല്ലാവരും അവരവരുടെ പുതുമകള്‍ വളരെ അഭിമാനത്തോടെ പ്രകടിപ്പിക്കുകയായിരുന്നു. ഇവിടെ വരുമ്പോള്‍, ഏതൊരു ഇന്ത്യക്കാരനും തങ്ങള്‍ ഇന്നത്തെ സ്റ്റാര്‍ട്ടപ്പുകള്‍ക്ക് സാക്ഷ്യം വഹിക്കുക മാത്രമല്ല, നാളത്തെ യുണികോണുകളും ഡെക്കാകോണുകളും കാണുന്നുവെന്ന് തോന്നും.
സുഹൃത്തുക്കളേ,
ഭാരതം ഇന്ന് ഒരു പുതിയ പ്രതീക്ഷയായി, ആഗോള സ്റ്റാര്‍ട്ട്-അപ്പ് മേഖലയില്‍ ഒരു പുതിയ ശക്തിയായി ഉയര്‍ന്നുവന്നിട്ടുണ്ടെങ്കില്‍, അത് നന്നായി ചിന്തിക്കുന്ന കാഴ്ചപ്പാടിന്റെ പിന്‍ബലത്തിലാണ്. ഭാരതം ശരിയായ സമയത്ത് ശരിയായ തീരുമാനങ്ങള്‍ എടുക്കുകയും ശരിയായ സമയത്ത് സ്റ്റാര്‍ട്ടപ്പുകളുടെ പ്രവര്‍ത്തനങ്ങള്‍ ആരംഭിക്കുകയും ചെയ്തു. ഇപ്പോള്‍, നിങ്ങള്‍ ഈ ഉച്ചകോടി വലിയ തോതില്‍ സംഘടിപ്പിച്ചു. എന്നാല്‍ 'സ്റ്റാര്‍ട്ട്-അപ്പ്' എന്ന വാക്ക് പോലും ആരംഭിക്കാത്തപ്പോള്‍, ഞാന്‍ ഒരു ഉച്ചകോടി സംഘടിപ്പിച്ചു. വിജ്ഞാന്‍് ഭവനിലെ ഓഡിറ്റോറിയം പകുതിയേ നിറഞ്ഞുള്ളൂ. സര്‍ക്കാരുകള്‍ ചെയ്യുന്നതുപോലെ ഞങ്ങളും സ്ഥലം നികത്തി. അതൊരു ആഭ്യന്തര കാര്യമാണ്; അത് പുറത്ത് ചര്‍ച്ച ചെയ്യരുത്. രാജ്യത്തുടനീളമുള്ള യുവാക്കളുടെ സാന്നിധ്യത്തില്‍ സ്റ്റാര്‍ട്ട്-അപ്പ് ഇന്ത്യ, സ്റ്റാന്‍ഡ്-അപ്പ് ഇന്ത്യ തുടങ്ങിയ സംരംഭങ്ങള്‍ ആരംഭിക്കാന്‍ ഞാന്‍ ശ്രമിച്ചിരുന്നു. യുവാക്കള്‍ക്ക് ഒരു ആകര്‍ഷണം, ഒരു സന്ദേശം സൃഷ്ടിക്കാന്‍ ഞാന്‍ ആഗ്രഹിച്ചു, അതിനാല്‍ ഇതിന് മുന്‍കൈയെടുക്കുന്ന ചിലരെ രാജ്യത്തുടനീളം തിരഞ്ഞു. രാജ്യത്തിന്റെ ഏതെങ്കിലും ഭാഗത്ത് ആരെങ്കിലും എന്തെങ്കിലും ചെയ്യുന്നുണ്ടെങ്കില്‍ ഒന്ന് നോക്കൂ. ഞാന്‍ 5-7 പേരെ വിളിച്ച് അവരോട് പറഞ്ഞു, 'അവിടെ ഒരു പ്രസംഗം നടത്തൂ, ആരും ഞാന്‍ പറയുന്നത് കേള്‍ക്കില്ല.' ഇപ്പോള്‍ അവര്‍ എന്നെ ശ്രദ്ധിക്കുന്നു, പക്ഷേ ഞാന്‍ ആ സമയത്തെക്കുറിച്ചാണ് സംസാരിക്കുന്നത്. അതിനാല്‍, ആ ചടങ്ങില്‍ ഒരു മകള്‍ തന്റെ അനുഭവം പങ്കുവെച്ചത് ഞാന്‍ വ്യക്തമായി ഓര്‍ക്കുന്നു. ഒരുപക്ഷേ അവള്‍ ഇവിടെ ഇരിക്കുന്നുണ്ടാകാം; എനിക്ക് ഉറപ്പില്ല. അവള്‍ ബംഗാള്‍ സ്വദേശിയാണ്, അവളുടെ മാതാപിതാക്കള്‍ അവളെ നന്നായി പഠിപ്പിച്ചു. അവള്‍ തന്റെ അനുഭവം വിവരിച്ചു. അവള്‍ പറഞ്ഞു, 'എന്റെ മാതാപിതാക്കള്‍ പോലും വിദ്യാഭ്യാസമുള്ളവരാണ്, അതിനാല്‍, ഞാന്‍ വീട്ടില്‍ പോയപ്പോള്‍, ഞാന്‍ എന്താണ് ചെയ്യുന്നതെന്ന് അമ്മ ചോദിച്ചു?' അവള്‍ പഠനം കഴിഞ്ഞ് വീട്ടിലേക്ക് മടങ്ങി, അതിനാല്‍, അവള്‍ മറുപടി പറഞ്ഞു, 'ഞാന്‍ ഒരു സ്റ്റാര്‍ട്ട്-അപ്പ് ആരംഭിക്കാന്‍ പോകുന്നു.' ബംഗാളിയായ അവളുടെ അമ്മ പറഞ്ഞു, 'അത് വിനാശകരമാണ്, തീര്‍ത്തും ദുരന്തമാണ്!' തീര്‍ത്തും ദുരന്തം.അവിടെ നിന്ന് ഈ യാത്ര ആരംഭിച്ചു, അതിന്റെ ഒരു സാമ്പിള്‍ ഞങ്ങള്‍ ഇവിടെ കാണുന്നു. സ്റ്റാര്‍ട്ട്-അപ്പ് ഇന്ത്യ കാമ്പെയ്നിന് കീഴില്‍ രാജ്യം നൂതന ആശയങ്ങള്‍ക്ക് ഒരു വേദിയൊരുക്കുകയും അവ ഫണ്ടിംഗ് സ്രോതസ്സുകളുമായി ബന്ധിപ്പിക്കുകയും ചെയ്തു. ഇന്‍കുബേറ്ററുകള്‍ സ്ഥാപിക്കുന്നതിനുള്ള കാമ്പയിന്‍ വിദ്യാഭ്യാസ സ്ഥാപനങ്ങളും ആരംഭിച്ചു.ഒരു കിന്റര്‍ഗാര്‍ട്ടന്‍ പോലെ ഞങ്ങള്‍ അടല്‍ ടിങ്കറിംഗ് ലാബ് ആരംഭിച്ചു.വിദ്യാഭ്യാസത്തില്‍ KG തുടങ്ങുന്നത് പോലെ ഞങ്ങള്‍ ഇത് ആരംഭിച്ചു.അവിടെ നിന്ന് ഞങ്ങള്‍ മുന്നേറി, ഇന്‍കുബേറ്റര്‍ സെന്ററുകള്‍ ഉയര്‍ന്നുവരാന്‍ തുടങ്ങി.ടയര്‍-2,ടയര്‍-3 നഗരങ്ങളിലെ യുവാക്കള്‍ക്ക് ആശയങ്ങള്‍ ഇന്‍കുബേറ്റ് ചെയ്യാനുള്ള സൗകര്യം ആരംഭിച്ചു.ഇന്ന്, നമ്മുടെ സ്റ്റാര്‍ട്ടപ്പ് ഇക്കോസിസ്റ്റം പ്രധാന മെട്രോ നഗരങ്ങളില്‍ മാത്രം ഒതുങ്ങുന്നില്ല എന്ന് രാജ്യത്തിനാകെ അഭിമാനത്തോടെ പറയാന്‍ കഴിയും.ഇത് ഇപ്പോള്‍ ഒരു ഷോര്‍ട്ട് ഫിലിമില്‍ കാണിച്ചിരുന്നു. രാജ്യത്തെ് 600-ല്‍ അധികം ജില്ലകളില്‍ ഇത് ഇപ്പോള്‍ എത്തി. ഇതിനര്‍ത്ഥം ഒരു സാമൂഹിക സംസ്‌കാരം സ്ഥാപിക്കപ്പെട്ടു എന്നാണ്. ഒരു സാമൂഹിക സംസ്‌കാരം രൂപപ്പെട്ടുകഴിഞ്ഞാല്‍, അത് നിര്‍ത്താന്‍ ഒരു കാരണവുമില്ല. അത് പുതിയ ഉയരങ്ങളിലെത്തിക്കൊണ്ടേയിരിക്കുന്നു. ഇന്ന് ഭാരതത്തിന്റെ സ്റ്റാര്‍ട്ടപ്പ് വിപ്ലവത്തിന്റെ നേതൃത്വം ഏറ്റെടുക്കുന്നത് രാജ്യത്തെ ചെറുപട്ടണങ്ങളിലെ യുവജനങ്ങളാണ്. നമ്മുടെ സ്റ്റാര്‍ട്ടപ്പുകള്‍ സാങ്കേതിക മേഖലയില്‍ മാത്രം ഒതുങ്ങുന്നു എന്ന് ചിലര്‍ കരുതുന്നു. എന്നാല്‍ ഇന്ന് കൃഷി, തുണിത്തരങ്ങള്‍, വൈദ്യം, ഗതാഗതം, ബഹിരാകാശം തുടങ്ങി യോഗയില്‍ പോലും സ്റ്റാര്‍ട്ടപ്പുകള്‍ ആരംഭിച്ചതില്‍ എനിക്ക് സന്തോഷമുണ്ട്. ആയുര്‍വേദത്തിലും സ്റ്റാര്‍ട്ടപ്പുകള്‍ ആരംഭിച്ചു. ഇത് ഒന്നോ രണ്ടോ മാത്രമല്ല, ഞാന്‍ അവരെ 300- 400 പോലെയുള്ള സംഖ്യകളില്‍ കാണുന്നു. ഓരോരുത്തര്‍ക്കും പുതിയ എന്തെങ്കിലും ഉണ്ട്. ചില സമയങ്ങളില്‍ ഞാന്‍ ചെയ്യുന്ന യോഗ നല്ലതാണോ അതോ സ്റ്റാര്‍ട്ട്-അപ്പ് ലോകത്ത് നിന്നുള്ള ആരെങ്കിലും നിര്‍ദ്ദേശിച്ചതാണോ നല്ലത് എന്നും ഞാന്‍ ചിന്തിക്കാറുണ്ട്.
സുഹൃത്തുക്കളേ,
ഞങ്ങള്‍ അടുത്തിടെ തുറന്നു നല്‍കിയ ബഹിരാകാശം പോലെയുള്ള മേഖലകളില്‍, തുടക്കത്തില്‍, സര്‍ക്കാരിനുള്ളില്‍ തടസ്സങ്ങള്‍ സ്ഥാപിക്കാനുള്ള പ്രവണതയുണ്ട്, എന്റെ മുഴുവന്‍ പരിശ്രമവും ആ തടസ്സങ്ങള്‍ തകര്‍ക്കുന്നതിനാണ്. ബഹിരാകാശ മേഖലയില്‍, 50 ലധികം മേഖലകളില്‍ ഇന്ത്യന്‍ സ്റ്റാര്‍ട്ടപ്പുകള്‍ മികച്ച രീതിയില്‍ പ്രവര്‍ത്തിക്കുന്നു. ഇതിനോടകം തന്നെ, നമ്മുടെ സ്റ്റാര്‍ട്ടപ്പുകള്‍ ചുരുങ്ങിയ സമയത്തിനുള്ളില്‍ ഉപഗ്രഹങ്ങള്‍ വിക്ഷേപിക്കാന്‍ തുടങ്ങിയിരിക്കുന്നു.
സുഹൃത്തുക്കളേ,
ഭാരതത്തിന്റെ യുവശക്തിയുടെ സാധ്യതകള്‍ക്ക് ലോകം ഇന്ന് സാക്ഷ്യം വഹിക്കുന്നു. ഈ സാധ്യതയില്‍ ആത്മവിശ്വാസത്തോടെ, ഒരു സ്റ്റാര്‍ട്ട്-അപ്പ് ഇക്കോസിസ്റ്റം കെട്ടിപ്പടുക്കുന്നതിന് രാജ്യം നിരവധി നടപടികള്‍ കൈക്കൊണ്ടിട്ടുണ്ട്. തുടക്കത്തില്‍, ഞാന്‍ നേരത്തെ സൂചിപ്പിച്ചതുപോലെ ഈ ശ്രമത്തില്‍ വിശ്വസിച്ചവര്‍ വളരെ കുറവായിരുന്നു. ഇവിടെ, വിദ്യാഭ്യാസത്തിന്റെ അര്‍ത്ഥം ജോലിയില്‍ പരിമിതപ്പെടുത്തി, ജോലിയുടെ അര്‍ത്ഥം സര്‍ക്കാര്‍ ജോലി മാത്രമായിരുന്നു. ഇതില്‍ മാത്രം ഒതുങ്ങി നിന്നിരുന്നു. ഞാന്‍ മുമ്പ് ബറോഡയില്‍ (വഡോദര) താമസിച്ചിരുന്നു, മഹാരാഷ്ട്ര കുടുംബങ്ങളുമായി കൂടുതല്‍ ബന്ധമുണ്ടായിരുന്നു. അതിലൊന്നാണ് ഗെയ്ക്വാദ് എസ്റ്റേറ്റ്. 'മകള്‍ വളര്‍ന്നാല്‍ അവളുടെ കല്യാണത്തെ കുറിച്ചാണ് വീട്ടില്‍ ചര്‍ച്ച. മകന്‍ നല്ലവനാണ്, അവനും സര്‍ക്കാര്‍ ജോലിയുണ്ട്. അതിനാല്‍ മകളെ യോഗ്യയായി കണക്കാക്കി വിവാഹത്തെക്കുറിച്ച് ആലോചിക്കുന്നു.' ഇന്ന് ആ ചിന്താഗതി ആകെ മാറിയിരിക്കുന്നു.നേരത്തെ ഒരാള്‍ ഒരു ബിസിനസ്സ് തുടങ്ങുന്നതിനെ കുറിച്ച് പറയുമ്പോള്‍ ആശയത്തെക്കുറിച്ചായിരുന്നില്ല ആലോചന. പണം എവിടെ നിന്ന് കിട്ടും എന്നതായിരുന്നു ആദ്യത്തെ ആശങ്ക. പണമുള്ളവര്‍ക്ക് മാത്രമേ ബിസിനസ്സ് തുടങ്ങാന്‍ കഴിയൂ എന്നായിരുന്നു അന്നത്തെ വിശ്വാസം, എന്നാല്‍ ഈ ധാരണ ഇപ്പോള്‍ മാറിയിരിക്കുന്നു, സ്റ്റാര്‍ട്ടപ്പ് ഇക്കോസിസ്റ്റം ആ ചിന്താഗതിയെ തകര്‍ത്തു, രാജ്യത്ത് വിപ്ലവങ്ങള്‍ ഉണ്ടാകുന്നത് ഇത്തരം കാര്യങ്ങളില്‍ നിന്നാണ്.
രാജ്യത്തെ യുവാക്കള്‍ തൊഴിലന്വേഷകരേക്കാള്‍ തൊഴിലവസരങ്ങള്‍ സൃഷ്ടിക്കുന്ന പാതയാണ് തിരഞ്ഞെടുത്തത്. രാജ്യം സ്റ്റാര്‍ട്ട്-അപ്പ് ഇന്ത്യ കാമ്പയിന്‍ ആരംഭിച്ചപ്പോള്‍, യുവാക്കള്‍ തങ്ങള്‍ക്കുള്ള കഴിവ് തെളിയിച്ചു. ഇന്ന്, ലോകത്തിലെ ഏറ്റവും വലിയ മൂന്നാമത്തെ സ്റ്റാര്‍ട്ട്-അപ്പ് ഇക്കോസിസ്റ്റം ഭാരതത്തിലാണ്. ഇതില്‍ നാം് അഭിമാനിക്കുന്നു. 2014-ല്‍ കഷ്ടിച്ച് 100 സ്റ്റാര്‍ട്ടപ്പുകളാണ് ഉണ്ടായിരുന്നത്, ഇന്ന് ഭാരതത്തില്‍ ഏകദേശം 1.2 ദശലക്ഷം യുവാക്കളെ നേരിട്ട് പങ്കാളികളാക്കുന്ന വിധത്തില്‍ 1.25 ലക്ഷത്തോളം രജിസ്റ്റര്‍ ചെയ്ത സ്റ്റാര്‍ട്ടപ്പുകള്‍ ഉണ്ട്. ഞങ്ങള്‍ക്ക് 110-ലധികം യൂണികോണുകള്‍ ഉണ്ട്, ഞങ്ങളുടെ സ്റ്റാര്‍ട്ടപ്പുകള്‍ ഏകദേശം 12,000 പേറ്റന്റുകള്‍ ഫയല്‍ ചെയ്തിട്ടുണ്ട്. പേറ്റന്റുകളുടെ പ്രാധാന്യം ഇനിയും തിരിച്ചറിയാത്ത നിരവധി സ്റ്റാര്‍ട്ടപ്പുകള്‍ ഉണ്ട്. ഇപ്പോള്‍ ഞാന്‍ ഒരാളെ കണ്ടുമുട്ടി, എന്റെ ആദ്യത്തെ ചോദ്യം 'നിങ്ങള്‍ക്ക് പേറ്റന്റ് ലഭിച്ചിട്ടുണ്ടോ?' അദ്ദേഹം പറഞ്ഞു, 'ഇതുവരെ ഇല്ല, അത് പ്രക്രിയയിലാണ്.' അതിനോട് ചേര്‍ന്ന് ആ ജോലി ആരംഭിക്കണമെന്നാണ് എന്റെ ആത്മാര്‍ത്ഥമായ അഭ്യര്‍ത്ഥന. ലോകം ഇന്ന് വളരെ വേഗത്തില്‍ മാറിക്കൊണ്ടിരിക്കുന്നതിനാല്‍, ആരാണ് നേതൃത്വം വഹിക്കേണ്ടതെന്ന് നിങ്ങള്‍ക്കറിയില്ല. രാജ്യം അവരെ എങ്ങനെ കൈപിടിച്ചുയര്‍ത്തുന്നു എന്നതിന്റെ മറ്റൊരു ഉദാഹരണമാണ് ജിഇഎം പോര്‍ട്ടല്‍. അത് ഇവിടെയും കാണാം. ഇന്ന്, ഈ സ്റ്റാര്‍ട്ടപ്പുകള്‍ 20,000 കോടിയിലധികം രൂപയുടെ ബിസിനസ്സ് നടത്തിയത് GeM പോര്‍ട്ടലിലൂടെ മാത്രമാണ്. 20-22 വയസ് പ്രായമുള്ള യുവാക്കള്‍ക്ക് ഇത്രയും ചുരുങ്ങിയ സമയത്തിനുള്ളില്‍ 20,000 കോടി രൂപയുടെ ബിസിനസ് നടത്താന്‍ കഴിയുന്ന ഒരു പ്ലാറ്റ്‌ഫോം സര്‍ക്കാര്‍ സൃഷ്ടിച്ചുവെന്നാണ് ഇതിനര്‍ത്ഥം. ഇത് ശ്രദ്ധേയമായ നേട്ടമാണ്. ഇന്നത്തെ യുവാക്കള്‍, ഡോക്ടര്‍മാരും എഞ്ചിനീയര്‍മാരുമാകാന്‍ ആഗ്രഹിക്കുന്നതിനൊപ്പം, പുതുമയുള്ളവരാകാനും സ്വന്തമായി സ്റ്റാര്‍ട്ടപ്പുകള്‍ ആരംഭിക്കാനും ആഗ്രഹിക്കുന്നു എന്നതിന് നിങ്ങളെല്ലാം സാക്ഷികളാണ്. അവര്‍ക്കുള്ള കഴിവും പരിശീലനവും ഉപയോഗിച്ച്, അവര്‍ പുതിയ മേഖലകളിലേക്ക് സ്റ്റാര്‍ട്ടപ്പിലൂടെ പ്രവേശിക്കുന്നുവെന്ന് ഞാന്‍ മനസ്സിലാക്കുന്നു. ഇന്ന്, ചെറുപ്പക്കാര്‍ അവരുടെ സ്റ്റാര്‍ട്ടപ്പുകളുടെ സഹായത്തോടെ വിവിധ മേഖലകളില്‍ എങ്ങനെ തിളങ്ങുന്നുവെന്ന് ഞാന്‍ കാണുന്നു, 2029 ലെ തിരഞ്ഞെടുപ്പില്‍ കുറഞ്ഞത് 1000 സ്റ്റാര്‍ട്ടപ്പുകളെങ്കിലും രാഷ്ട്രീയ പാര്‍ട്ടികള്‍ തേടുമെന്ന് ഞാന്‍ ഉറച്ചു വിശ്വസിക്കുന്നു. അവര്‍ അത്തരം പുതുമകള്‍ കൊണ്ടുവരും, അതെ, ഇത് എത്തിച്ചേരാനുള്ള ഒരു നല്ല മാര്‍ഗമാണ്, ഇതാണ് എളുപ്പവഴി എന്നും അവര്‍ക്ക് തോന്നും. മറ്റൊരു വിധത്തില്‍ പറഞ്ഞാല്‍, ഞാന്‍ പറയാന്‍ ഉദ്ദേശിക്കുന്നത്, സേവന മേഖലയിലായാലും ആശയവിനിമയ മേഖലയിലായാലും, എല്ലാ മേഖലകളിലും യുവാക്കള്‍ പുതിയ ആശയങ്ങള്‍ കൊണ്ടുവരുന്നു. കുറഞ്ഞ ആവശ്യകതകളോടെ, അവര്‍ പ്രകടനം ആരംഭിക്കുന്നു. ഇത് അതിന്റെ ശക്തിയെ വളരെയധികം ശക്തിപ്പെടുത്തിയെന്ന് ഞാന്‍ വിശ്വസിക്കുന്നു. ഭക്ഷണത്തിലും പാനീയങ്ങളിലും പരമ്പരാഗത കാര്യങ്ങള്‍ എങ്ങനെ പുരോഗമിക്കുന്നു, നിങ്ങളുടെ സ്വന്തം ആരോഗ്യം എളുപ്പത്തില്‍ പരിശോധിക്കാന്‍ കഴിയുന്ന വിധത്തില്‍ മെഡിക്കല്‍ ഉപകരണങ്ങള്‍ എങ്ങനെ നിര്‍മ്മിക്കപ്പെടുന്നുവെന്ന് ഞാന്‍ ഇന്ന് കണ്ടു. സോഷ്യല്‍ മീഡിയയിലെ ആഗോള ഭീമന്മാരോട് മത്സരിക്കാനൊരുങ്ങുകയാണ് ചിലര്‍. ഇതാണ് സ്വപ്നങ്ങള്‍, ഇതാണ് ആത്മാവ്, ഇതാണ് ശക്തി, അതിനാലാണ് ആളുകള്‍ 'ഞാന്‍ അത് ചെയ്യും' എന്ന് പറയുന്നത്. കുറച്ച് വര്‍ഷങ്ങള്‍ക്ക് മുമ്പ് രാജ്യം പോളിസി പ്ലാറ്റ്ഫോമില്‍ ആരംഭിച്ച സ്റ്റാര്‍ട്ടപ്പ് വിജയത്തിന്റെ പുതിയ ഉയരങ്ങള്‍ തൊടുന്നുവെന്ന് ഒരു തരത്തില്‍ എനിക്ക് പറയാന്‍ കഴിയും.
സുഹൃത്തുക്കളേ,
രാജ്യത്തെ ഡിജിറ്റല്‍ ഇന്ത്യ കാമ്പെയ്നില്‍ നിന്ന് സ്റ്റാര്‍ട്ടപ്പുകള്‍ക്ക് കാര്യമായ സഹായം ലഭിച്ചിട്ടുണ്ട്, സര്‍വകലാശാലകള്‍ അതിനെക്കുറിച്ച് ഒരു കേസ് പഠനം നടത്തണമെന്ന് ഞാന്‍ വിശ്വസിക്കുന്നു. അതൊരു വലിയ പ്രചോദനമാണ്. ഞങ്ങളുടെ ഫിന്‍ടെക് സ്റ്റാര്‍ട്ടപ്പുകള്‍ UPI-യില്‍ നിന്ന് വളരെയധികം പ്രയോജനം നേടിയിട്ടുണ്ട്. ഭാരതത്തില്‍ നൂതന ഉല്‍പ്പന്നങ്ങളും സേവനങ്ങളും വികസിപ്പിച്ചെടുത്തു, രാജ്യത്തിന്റെ എല്ലാ കോണുകളിലേക്കും ഡിജിറ്റല്‍ സൗകര്യങ്ങള്‍ വിപുലീകരിച്ചു. എന്റെ സുഹൃത്തുക്കളേ, ഞങ്ങള്‍ എവിടെയാണെന്ന് നിങ്ങള്‍ക്കറിയില്ല, കാരണം ഞങ്ങള്‍ ഞങ്ങളുടെ ദൈനംദിന ജീവിതം നയിക്കുന്നതിനാല്‍ പലപ്പോഴും അറിയാതെ തന്നെ തുടരുന്നു. എന്നാല്‍ ജി-20 ഉച്ചകോടിക്കിടെ ഞാന്‍ അത് കണ്ടു. നിങ്ങളുടെ എക്സിബിഷന് ഇപ്പോള്‍ നടക്കുന്ന സ്ഥലത്ത് ഞങ്ങള്‍ ഒരു ബൂത്ത് സജ്ജീകരിച്ചിരുന്നു. അവിടെ, UPI എങ്ങനെ പ്രവര്‍ത്തിക്കുന്നുവെന്ന് ഞങ്ങള്‍ കാണിച്ചുകൊടുത്തു. അതിന്റെ വിചാരണയ്ക്കായി ഞങ്ങള്‍ അവര്‍ക്ക് ആയിരം രൂപ നല്‍കാറുണ്ടായിരുന്നു. ഓരോ എംബസിയും അതിന്റെ ഉന്നത നേതാക്കളോട് ഒരിക്കല്‍ മാത്രം ഞങ്ങളുടെ ബൂത്ത് സന്ദര്‍ശിക്കാന്‍ അഭ്യര്‍ത്ഥിച്ചു. UPI എന്താണെന്നും അത് എങ്ങനെ പ്രവര്‍ത്തിക്കുന്നുവെന്നും അറിയാന്‍ ആഗ്രഹിക്കുന്ന മുന്‍നിര നേതാക്കളുടെ നീണ്ട നിരകള്‍ ഉണ്ടായിരുന്നു, അത് അവര്‍ക്ക് ഒരു അത്ഭുതമായിരുന്നു. ഞങ്ങളുടെ ഗ്രാമത്തിലെ പച്ചക്കറി കച്ചവടക്കാര്‍ക്ക് പോലും ഇപ്പോള്‍ യുപിഐ വഴി എളുപ്പത്തില്‍ പേയ്മെന്റുകള്‍ സ്വീകരിക്കാം.
സുഹൃത്തുക്കളേ,
ഇത് സാമ്പത്തിക ഉള്‍പ്പെടുത്തല്‍ ശക്തിപ്പെടുത്തുകയും രാജ്യത്തെ ഗ്രാമ-നഗര വിഭജനം കുറയ്ക്കുകയും ചെയ്തു. തുടക്കത്തില്‍, ലോകമെമ്പാടും അതിനെക്കുറിച്ച് ആശങ്കകള്‍ ഉണ്ടായിരുന്നു! ഡിജിറ്റല്‍ പുരോഗതി ആരംഭിച്ചപ്പോള്‍, 'ഉള്ളതും ഇല്ലാത്തതും' എന്ന സിദ്ധാന്തം അതുമായി ബന്ധപ്പെട്ടിരിക്കുന്നു. സാമൂഹിക വിഭജനത്തെക്കുറിച്ചായിരുന്നു സംസാരം. ഭാരതം സാങ്കേതികവിദ്യയെ ജനാധിപത്യവല്‍ക്കരിച്ചു, അതിനാല്‍ 'ഉള്ളതും ഇല്ലാത്തതും' എന്ന സിദ്ധാന്തത്തിന് ഇവിടെ അഭിവൃദ്ധി പ്രാപിക്കാന്‍ കഴിയില്ല. ഇവിടെ, എല്ലാവര്‍ക്കും എല്ലാം ലഭ്യമാണ്. ഇന്ന്, അത് കൃഷിയോ വിദ്യാഭ്യാസമോ ആരോഗ്യമോ ആകട്ടെ, സ്റ്റാര്‍ട്ടപ്പുകള്‍ക്ക് പുതിയ അവസരങ്ങള്‍ കൈവരുന്നു. ഞങ്ങളുടെ സ്റ്റാര്‍ട്ടപ്പുകളില്‍ 45 ശതമാനത്തിലധികം സ്ത്രീകളാണ് - 'നാരി ശക്തി' (സ്ത്രീ ശക്തി) നയിക്കുന്നത് എന്നതും എനിക്ക് സന്തോഷകരമാണ്. സ്റ്റാര്‍ട്ടപ്പുകളുടെ ഫലം ആര്‍ക്കും കണക്കാക്കാനാവില്ല. അത് രാജ്യത്തിന് അധിക നേട്ടമാണ്. നമ്മുടെ പെണ്‍മക്കള്‍ അത്യാധുനിക നവീകരണത്തിലൂടെ രാജ്യത്തെ അഭിവൃദ്ധിയിലേക്ക് നയിക്കുന്നു.
സുഹൃത്തുക്കളേ,
നവീകരണത്തിന്റെ സംസ്‌കാരം ഒരു 'വികസിത ഭാരതത്തിനായുളള വളര്‍ച്ചക്ക് മാത്രമല്ല, മുഴുവന്‍ ലോകത്തിനും ഒരു നല്ല ഭാവിക്ക് അത്യന്താപേക്ഷിതമാണ്. വലിയ ഉത്തരവാദിത്തബോധത്തോടെയാണ് ഞാന്‍ ഇത് പറയുന്നത്, ഞാന്‍ സംസാരിക്കുന്നത് ലോകത്തിന്റെ മികച്ച ഭാവിയെക്കുറിച്ചാണ്, എന്റേത് മാത്രമല്ല, നിങ്ങളുടെ കഴിവുകളിലും എനിക്ക് വിശ്വാസമുണ്ട്. ജി-20 പ്രസിഡന്‍സി കാലത്ത് ഭാരതം അതിന്റെ കാഴ്ചപ്പാട് വ്യക്തമായി വ്യക്തമാക്കി. ജി-20 ഉച്ചകോടി ഇവിടെ മാത്രമാണ് നടന്നത്. കോവിഡിനപ്പുറം ലോകത്തെ എവിടേക്കാണ് കൊണ്ടുപോകേണ്ടതെന്ന് ചര്‍ച്ച ചെയ്യാന്‍ ലോകനേതാക്കളെല്ലാം ഒത്തുകൂടി. ഈ ഫോറത്തില്‍ ഇരിക്കുന്നത് എന്റെ രാജ്യത്തെ യുവമനസ്സാണ്, അത് 2047-ലേക്കുള്ള പാത നിര്‍ണ്ണയിക്കുന്നു. സ്റ്റാര്‍ട്ടപ്പ്-20 സംരംഭത്തിന് കീഴില്‍, ലോകമെമ്പാടുമുള്ള സ്റ്റാര്‍ട്ട്-അപ്പ് ഇക്കോസിസ്റ്റങ്ങളെ ഒരുമിച്ച് കൊണ്ടുവരാനുള്ള ശ്രമങ്ങള്‍ ഭാരതം നടത്തി. ഇതേ ഭാരത് മണ്ഡപത്തില്‍, സ്റ്റാര്‍ട്ടപ്പുകളെ G20 യുടെ ഡല്‍ഹി പ്രഖ്യാപനത്തില്‍ ഉള്‍പ്പെടുത്തുക മാത്രമല്ല, 'വളര്‍ച്ചയുടെ സ്വാഭാവിക എഞ്ചിനുകള്‍' ആയി അംഗീകരിക്കുകയും ചെയ്തു. G20 യുടെ ഈ പ്രമാണം നോക്കാന്‍ ഞാന്‍ തീര്‍ച്ചയായും നിങ്ങളോട് അഭ്യര്‍ത്ഥിക്കുന്നു. നമ്മള്‍ ഏത് തലത്തില്‍ എത്തിയെന്ന് ഇത് കാണിക്കുന്നു. ഇപ്പോള്‍, നമ്മള്‍ AI സാങ്കേതികവിദ്യയുമായി ബന്ധിപ്പിച്ചിരിക്കുന്ന ഒരു പുതിയ യുഗത്തിലാണ്. ഇന്ന്, AI എന്നാല്‍ ഇന്ത്യയുടെ മേല്‍ക്കൈ എന്നാണ് ലോകം അംഗീകരിക്കുന്നത്. ലോകം അത് അംഗീകരിക്കുകയാണ്. ഇപ്പോള്‍, ഞങ്ങളുടെ ജോലി അവസരം നഷ്ടപ്പെടുത്തരുത്. ഇക്കാലത്ത് എനിക്ക് AI-യില്‍ നിന്ന് ധാരാളം സഹായം ലഭിക്കുന്നുണ്ട്. തിരഞ്ഞെടുപ്പ് പ്രചാരണ വേളയില്‍ എനിക്ക് ഭാഷാ തടസ്സങ്ങള്‍ നേരിടേണ്ടിവരുമെന്ന് എനിക്കറിയാം, അതിനാല്‍ തമിഴ്, തെലുങ്ക്, ഒഡിയ എന്നിവയിലും എന്റെ സന്ദേശം അറിയിക്കാന്‍ ഞാന്‍ AI ഉപയോഗിക്കുന്നു. അതിനാല്‍ നിങ്ങളെപ്പോലുള്ള ചെറുപ്പക്കാര്‍ ഈ ജോലി ചെയ്യുമ്പോള്‍ എന്റെ ജോലിയും പൂര്‍ത്തിയാകും. മുമ്പ്, ആരെങ്കിലും എന്റെ ഓട്ടോഗ്രാഫ് ചോദിക്കുന്നത് ഞാന്‍ കാണാറുണ്ടായിരുന്നു, പിന്നീട് അവര്‍ ക്രമേണ ഫോട്ടോഗ്രാഫുകള്‍ ചോദിക്കാന്‍ തുടങ്ങി, ഇപ്പോള്‍ അവര്‍ സെല്‍ഫി ചോദിക്കുന്നു. ഇപ്പോള്‍ അവര്‍ മൂന്നും ആവശ്യപ്പെടുന്നു - ഒരു സെല്‍ഫി, ഒരു ഓട്ടോഗ്രാഫ്, ഒരു ഫോട്ടോ. ഇനി എന്ത് ചെയ്യണം? അതിനാല്‍ ഞാന്‍ AI യുടെ സഹായം സ്വീകരിച്ചു. എന്റെ NaMo ആപ്പില്‍ ഞാന്‍ ഒരു സിസ്റ്റം സജ്ജീകരിച്ചിട്ടുണ്ട്. ഞാനിവിടെ കൂടി കടന്നുപോകുമ്പോള്‍ നിങ്ങളുടെ മുഖത്ത് എവിടെയെങ്കിലും ഒരു ചെറിയ നോട്ടം പ്രത്യക്ഷപ്പെടുകയാണെങ്കില്‍, നിങ്ങള്‍ മോദിക്കൊപ്പം നില്‍ക്കുന്നതായി AI യുടെ സഹായത്തോടെ നിങ്ങള്‍ക്ക് ആ ഫോട്ടോ എടുക്കാം. നിങ്ങള്‍ NaMo ആപ്പില്‍ പോയാല്‍ അവിടെ ഒരു ഫോട്ടോ ബൂത്ത് ഉണ്ട്, അവിടെ നിന്ന് നിങ്ങളുടെ ഫോട്ടോ ലഭിക്കും. ഞാന്‍ ഇതിലൂടെ കടന്നുപോകുമ്പോള്‍ നിങ്ങളുടെ ഫോട്ടോ വന്നിരിക്കും.
സുഹൃത്തുക്കളേ,
അതിനാല്‍, ഭാരതത്തിലെ യുവ നിക്ഷേപകര്‍ക്കും ആഗോള നിക്ഷേപകര്‍ക്കും ഒരുപോലെ എണ്ണമറ്റ പുതിയ അവസരങ്ങള്‍ AI കൊണ്ടുവന്നു. നാഷണല്‍ ക്വാണ്ടം മിഷന്‍, ഇന്ത്യ എഐ മിഷന്‍, സെമികണ്ടക്ടര്‍ മിഷന്‍; ഈ പ്രചാരണങ്ങളെല്ലാം ഭാരതത്തിലെ യുവാക്കള്‍ക്ക് സാധ്യതകളുടെ പുതിയ വാതിലുകള്‍ തുറക്കും. ഏതാനും മാസങ്ങള്‍ക്കുമുമ്പ്, യുഎസ് കോണ്‍ഗ്രസിനെ അഭിസംബോധന ചെയ്യാന്‍ എന്നെ ക്ഷണിച്ചു, അവിടെ ഞാന്‍ AI-യെക്കുറിച്ച് സംസാരിച്ചു. ലോകത്തിന്റെ ഭാവി നിര്‍ണ്ണയിക്കാന്‍ AI ശക്തമാകുകയാണെന്ന് ഞാന്‍ പറഞ്ഞു. അതിനാല്‍, അവര്‍ മനസ്സിലാക്കിയിടത്തോളം, അതിനനുസരിച്ച്, കരഘോഷം തുടര്‍ന്നു. അപ്പോള്‍ ഞാന്‍ പറഞ്ഞു, AI യുടെ എന്റെ നിര്‍വചനം അമേരിക്ക-ഇന്ത്യ എന്നാണ്, മുഴുവന്‍ കാണികളും എഴുന്നേറ്റു നിന്നു.
സുഹൃത്തുക്കളേ,
പക്ഷേ, അവിടെ ഒരു രാഷ്ട്രീയ പശ്ചാത്തലത്തിലാണ് ഞാന്‍ അത് പറഞ്ഞത്. എന്നാല്‍ ഇന്ന് AI-യുടെ കഴിവും അതിന്റെ നേതൃത്വവും ഭാരതത്തിന്റെ കൈകളില്‍ നിലനില്‍ക്കുമെന്ന് ഞാന്‍ ഉറച്ചു വിശ്വസിക്കുന്നു. ഗ്ലോബല്‍ ആപ്ലിക്കേഷനുകള്‍ക്കായുള്ള ഇന്ത്യന്‍ സൊല്യൂഷന്‍സ് എന്ന ആശയം വലിയ സഹായമാകുമെന്ന് എനിക്ക് പൂര്‍ണ വിശ്വാസമുണ്ട്. പ്രശ്നങ്ങള്ക്ക് പരിഹാരം കണ്ടെത്തുന്ന ഭാരതത്തിന്റെ യുവാക്കള്‍ ലോകത്തെ പല രാജ്യങ്ങളെയും സഹായിക്കും. ഈ ദിവസങ്ങളില്‍ ഞാന്‍ പരീക്ഷണങ്ങള്‍ തുടരുന്നു. ലോകമെമ്പാടുമുള്ള നിരവധി രാജ്യങ്ങള്‍ക്കൊപ്പം നമ്മുടെ രാജ്യത്ത് നിന്നുള്ള കുട്ടികള്‍ക്കായി ഞാന്‍ ഹാക്കത്തോണ്‍ സംഘടിപ്പിക്കുന്നു. മുപ്പത് മുതല്‍ നാല്പത് മണിക്കൂര്‍ വരെ, ഈ കുട്ടികള്‍ ഓണ്‍ലൈനില്‍ പങ്കെടുക്കുന്നു, മിക്‌സഡ് ടീമുകള്‍ രൂപീകരിക്കുന്നു, ഒരു സിംഗപ്പൂര്‍-ഇന്ത്യ ടീം ഉണ്ടെങ്കില്‍, സിംഗപ്പൂരിലെയും ഇന്ത്യയിലെയും കുട്ടികള്‍ ഒരുമിച്ച് പ്രശ്നങ്ങള് പരിഹരിക്കുന്നു. ഇന്ത്യന്‍ കുട്ടികളുമായി ഹാക്കത്തോണുകളില്‍ പങ്കെടുക്കാന്‍ ലോകമെമ്പാടും ഒരു വലിയ താത്പര്യം ഉണ്ടെന്ന് ഞാന്‍ കണ്ടു. അപ്പോള്‍ ഞാന്‍ അവരോട് പറയുന്നു, ''നിങ്ങള്‍ അവരുമായി കൂട്ടുകൂടുകയില്ല''. അവര്‍ പറയുന്നു, 'ഞങ്ങള്‍ അവരുമായി ഒത്തുചേര്‍ന്നില്ലെങ്കിലും, ഞങ്ങള്‍ എന്തെങ്കിലും പഠിക്കും.' യഥാര്‍ത്ഥത്തില്‍, ഭാരതത്തില്‍ പരീക്ഷിക്കുന്ന ഏതൊരു നവീകരണവും ലോകത്തിലെ എല്ലാ ഭൂമിശാസ്ത്രത്തിലും ജനസംഖ്യാശാസ്ത്രത്തിലും വിജയിക്കും, കാരണം നമുക്ക് ഇവിടെ എല്ലാത്തരം സാഹചര്യങ്ങളും ഉണ്ട്. നിങ്ങള്‍ ഇവിടെ മരുഭൂമികള്‍, വെള്ളപ്പൊക്കം ബാധിച്ച പ്രദേശങ്ങള്‍, ഇടത്തരം മഴയുള്ള പ്രദേശങ്ങള്‍ എന്നിവ കണ്ടെത്തും, അതായത് എല്ലാത്തരം സാധനങ്ങളും നിങ്ങള്‍ക്ക് ഒരിടത്ത് ലഭ്യമാണ്. അതുകൊണ്ടാണ് ഇവിടെ വിജയിക്കുന്നത് ലോകത്തെവിടെയും വിജയിക്കാന്‍ കഴിയുന്നത്.
സുഹൃത്തുക്കളേ,
ഭാരതം ഇക്കാര്യത്തില്‍ തുടര്‍ച്ചയായി മുന്നോട്ടുള്ള ആസൂത്രണത്തോടെ നീങ്ങുകയാണ്. കോടിക്കണക്കിന് രൂപയുടെ നാഷണല്‍ റിസര്‍ച്ച് ഫൗണ്ടേഷന്‍ സ്ഥാപിക്കാന്‍ രാജ്യം തീരുമാനിച്ചു. കുറച്ചു കാലം മുന്‍പ് എടുത്ത തീരുമാനം കണ്ടിട്ടുണ്ടാകും. പിന്നെ നമ്മള്‍ അനുവദിച്ച ഇടക്കാല ബജറ്റ്, കാരണം അനാവശ്യ കാര്യങ്ങളില്‍ സമയം പാഴാകുമെന്നതിനാല്‍ നമ്മുടെ രാജ്യത്ത് ചില കാര്യങ്ങള്‍ ചര്‍ച്ച ചെയ്യാന്‍ ആളുകള്‍ക്ക് സമയമില്ല..ഞാന്‍ വീണ്ടും വരുമ്പോഴുള്ള സമ്പൂര്‍ണ ബജറ്റിന് മുന്നോടിയായി പ്രഖ്യാപിച്ച ഇടക്കാല ബജറ്റില്‍, സുപ്രധാനമായ തീരുമാനമെടുത്തിട്ടുണ്ട്. ഗവേഷണത്തിനും നവീകരണത്തിനുമായി ഒരു ലക്ഷം കോടി രൂപയുടെ ഫണ്ട് പ്രഖ്യാപിച്ചിട്ടുണ്ടെന്ന് രാജ്യത്തെ ഓരോ യുവജനങ്ങളും അറിയണമെന്ന് ഞാന്‍ ആഗ്രഹിക്കുന്നു. 'സണ്‍-റൈസ് ടെക്നോളജി ഏരിയകളില്‍' ദീര്‍ഘകാല ഗവേഷണ പദ്ധതികള്‍ക്ക് ഇത് സഹായിക്കും. ഡിജിറ്റല്‍ ഡാറ്റ സംരക്ഷണത്തിനായി മികച്ച നിയമങ്ങളും ഭാരതം നടപ്പാക്കിയിട്ടുണ്ട്. സ്റ്റാര്‍ട്ടപ്പുകളെ പ്രോത്സാഹിപ്പിക്കുന്നതിന് ആവശ്യമായ എല്ലാ നടപടികളും സ്വീകരിച്ചുവരികയാണ്. ഇപ്പോള്‍ രാജ്യവും ധനസഹായത്തിനായി മെച്ചപ്പെട്ട സംവിധാനം സൃഷ്ടിക്കാനുള്ള ശ്രമത്തിലാണ്.
സുഹൃത്തുക്കളേ,
ഇന്ന്, വിജയിക്കുന്ന സ്റ്റാര്‍ട്ടപ്പുകള്‍ക്ക് വലിയ ഉത്തരവാദിത്തമുണ്ട്. ഈ ഘട്ടത്തിലെത്താന്‍ ആരെങ്കിലും നിങ്ങളുടെ ആശയത്തില്‍ വിശ്വസിച്ചിരുന്നുവെന്ന് നിങ്ങള്‍ ഓര്‍ക്കണം. അതിനാല്‍, നിങ്ങള്‍ ഒരു പുതിയ ആശയത്തെ പിന്തുണയ്ക്കുകയും വേണം. നിങ്ങളുടെ കൈപിടിച്ച് ഒരാള്‍ അവിടെ ഉണ്ടായിരുന്നു; നിങ്ങള്‍ മറ്റൊരാളുടെ കൈയും പിടിക്കണം. വിദ്യാഭ്യാസ സ്ഥാപനങ്ങളില്‍ യുവാക്കളെ പ്രചോദിപ്പിക്കാന്‍ നിങ്ങള്‍ക്ക് ഒരു ഉപദേശകനായി പോകാനാവില്ലേ? പത്ത് ടിങ്കറിംഗ് ലാബുകളുടെ ചുമതല നിങ്ങള്‍ ഏറ്റെടുക്കുന്നുവെന്ന് പറയാം. നിങ്ങള്‍ ആ കുട്ടികളുമായി ഇടപഴകുകയും നിങ്ങളുടെ ആശയങ്ങളും അവരുടെ ആശയങ്ങളും ചര്‍ച്ച ചെയ്യുകയും ചെയ്യും. നിങ്ങള്‍ ഇന്‍കുബേഷന്‍ സെന്ററുകള്‍ സന്ദര്‍ശിക്കും. അരമണിക്കൂര്‍, ഒരു മണിക്കൂര്‍ ചെലവഴിക്കുക. പണം നല്‍കുന്നതിനെക്കുറിച്ചല്ല ഞാന്‍ പറയുന്നത്. രാജ്യത്തെ പുതിയ തലമുറയെ പരിചയപ്പെടൂ, സുഹൃത്തുക്കളേ, അത് രസകരമായിരിക്കും. നിങ്ങള്‍ക്ക് പങ്കിടാന്‍ ഒരു വിജയഗാഥ ഉള്ളതിനാല്‍ നിങ്ങള്‍ക്ക് കോളേജുകളിലും സര്‍വ്വകലാശാലകളിലും വിദ്യാര്‍ത്ഥികളെ നയിക്കാനാകും. യുവമനസ്സുകള്‍ കേള്‍ക്കാന്‍ തയ്യാറാണ്. നിങ്ങള്‍ സ്വയം തെളിയിച്ചു; ഇപ്പോള്‍ നിങ്ങള്‍ മറ്റ് യുവാക്കള്‍ക്ക് ദിശ കാണിക്കേണ്ടതുണ്ട്.
ഓരോ ഘട്ടത്തിലും രാജ്യം നിങ്ങളോടൊപ്പമുണ്ട്. ഒന്നുരണ്ടു കാര്യങ്ങള്‍ കൂടി ഇവിടെ പങ്കുവയ്ക്കാന്‍ ഞാന്‍ ആഗ്രഹിക്കുന്നു. ഇത് ഞാന്‍ സര്‍ക്കാരിനുള്ളില്‍ ചര്‍ച്ച ചെയ്യുന്ന കാര്യമാണ്, മാധ്യമങ്ങളില്‍ വരേണ്ട കാര്യമല്ല. ഞാന്‍ ആദ്യമായി ഡല്‍ഹിയില്‍ വന്നപ്പോള്‍ ഇവിടുത്തെ സംസ്‌കാരം എനിക്ക് തീരെ അപരിചിതമായിരുന്നു. ഞാന്‍ ഒരു അന്യനായിരുന്നു. ഞാന്‍ ബ്യൂറോക്രാറ്റുകളോട് പറഞ്ഞു, ''നോക്കൂ, വളരെക്കാലമായി പ്രശ്നങ്ങളുമായി പിരിഞ്ഞുകിടക്കുന്ന വകുപ്പുകള്‍ ഇവിടെയുണ്ട്. നിങ്ങള്‍ ശ്രമിക്കുന്നു, പക്ഷേ ഒരു പരിഹാരവും വരുന്നതായി തോന്നുന്നില്ല. അത്തരം മേഖലകള്‍ തിരിച്ചറിയുക. ഞാന്‍ രാജ്യത്തെ യുവാക്കള്‍ക്ക് ഒരു പ്രശ്‌നം നല്‍കും, അവരോട് ഒരു ഹാക്കത്തോണ്‍ നടത്താന്‍ ആവശ്യപ്പെടുകയും എനിക്ക് ഒരു പരിഹാരം നല്‍കുകയും ചെയ്യും. നമ്മുടെ ബ്യൂറോക്രാറ്റുകള്‍ ഉയര്‍ന്ന വിദ്യാഭ്യാസമുള്ളവരാണ്, അവര്‍ പറയുന്നു, 'ആവശ്യമില്ല, ഞങ്ങള്‍ക്ക് ഇരുപത് വര്‍ഷത്തെ പരിചയമുണ്ട്.' ഞാന്‍ പറഞ്ഞു, 'വരൂ, എന്താണ് ദോഷം?' തുടക്കത്തില്‍, എനിക്ക് ഒരുപാട് ചെറുത്തുനില്‍പ്പുകള്‍ നേരിടേണ്ടിവന്നു, കാരണം ഞങ്ങള്‍ക്ക് ചില തടസ്സങ്ങളുണ്ടെന്ന് അംഗീകരിക്കാന്‍ ആരും തയ്യാറായില്ല, ഒരര്‍ഥത്തില്‍ സ്തംഭനാവസ്ഥ; അത് സമ്മതിക്കാന്‍ ആരും തയ്യാറായില്ല; എല്ലാം നന്നായി പോകുന്നു എന്ന് എല്ലാവരും പറഞ്ഞു. ഞാന്‍ പറഞ്ഞു, ''കാര്യങ്ങള്‍ നന്നായി പോകുമ്പോഴാണ്് മൂല്യവര്‍ദ്ധനവ് ഉണ്ടാകുന്നത്. ഇല്ലെങ്കില്‍, നല്ലത് എന്താണെന്ന് അവര്‍ കാണിച്ചു തരും.' ഞാന്‍ തീരുമാനത്തില്‍ ഉറച്ചു നിന്നപ്പോള്‍, ഒടുവില്‍ വളരെ ബുദ്ധിമുട്ടിയാണെങ്കിലും എല്ലാ വകുപ്പുകളും എന്റെ അഭ്യര്‍ത്ഥന അംഗീകരിച്ചു. ഒരുപാട് പരിശ്രമത്തിനൊടുവില്‍ ഇതൊരു പ്രശ്‌നമാണെന്ന് അവര്‍ സമ്മതിച്ചു. അങ്ങനെ മൊത്തം കണക്കു കൂട്ടിയപ്പോള്‍ ആകെ 400 ലധികം പ്രശ്ങ്ങള്‍ തിരിച്ചറിഞ്ഞു. ഇപ്പോള്‍, അവര്‍ 0.1 ശതമാനം പോലും പരാമര്‍ശിച്ചിട്ടില്ലെന്ന് ഞാന്‍ കരുതുന്നു. രാജ്യത്തെ യുവാക്കള്‍ക്കായി ഞാന്‍ ഒരു ഹാക്കത്തോണ്‍ നടത്തി അവര്‍ക്ക് ഈ പ്രശ്നങ്ങള് നല്‍കി. ഞാന്‍ പറഞ്ഞു, 'ഇതിന് ഒരു പരിഹാരം ഉണ്ടാക്കൂ.' അവര്‍ പ്രശ്നങ്ങള്ക്ക് മികച്ച പരിഹാരവുമായി വന്നു. പരിഹാരത്തിലേക്കുളള വഴികള്‍ നല്‍കി, കുട്ടികള്‍ നല്‍കിയ 70-80 ശതമാനം ആശയങ്ങളില്‍ പലതും സര്‍ക്കാര്‍ സ്വീകരിച്ചുവെന്നറിയുമ്പോള്‍ നിങ്ങള്‍ ആശ്ചര്യപ്പെടും. 'സര്‍, ഈ വര്‍ഷം എപ്പോഴാണ് ഹാക്കത്തോണ്‍ നടക്കുക' എന്ന് ഡിപ്പാര്‍ട്ട്മെന്റുകള്‍ എന്നോട് ചോദിക്കുന്ന തരത്തിലേക്ക് സ്ഥിതി മാറി. ഇനി ഇവിടെ പരിഹാരം കാണുമെന്ന് അവര്‍ കരുതി. ഞാന്‍ പറയാന്‍ ഉദ്ദേശിക്കുന്നത് ഈ കുട്ടികള്‍ ഒരുപാട് കാര്യങ്ങള്‍ കൊണ്ട് വരുന്നു എന്നാണ്. ഇവര്‍ 18, 20, 22 വയസ്സുള്ള യുവാക്കളാണ്. ഞങ്ങളുടെ ബിസിനസ്സ്, CII, FICCI, ASSOCHAM എന്നിവയിലുള്ളവരോട് അവരുടെ വ്യവസായങ്ങളുടെ പ്രശ്നങ്ങള് തിരിച്ചറിയാന്‍ ഞാന്‍ അഭ്യര്‍ത്ഥിക്കുന്നു. പ്രശ്നങ്ങള് തിരിച്ചറിഞ്ഞ ശേഷം, അവര്‍ സ്റ്റാര്‍ട്ടപ്പുകള്‍ക്കായി ഒരു ഹാക്കത്തോണ്‍ നടത്തണം. . അവര്‍ നിങ്ങള്‍ക്ക് വളരെ നല്ല പരിഹാരങ്ങള്‍ കൊണ്ടുവരുമെന്ന് ഞാന്‍ ഉറച്ചു വിശ്വസിക്കുന്നു. അതുപോലെ, MSME-കളിലെ ആളുകളോട് അവരുടെ പ്രശ്നങ്ങള് തിരിച്ചറിയാന്‍ ഞാന്‍ അഭ്യര്‍ത്ഥിക്കുന്നു, സാങ്കേതിക തടസ്സങ്ങള്‍ ഉണ്ടാകും, ധാരാളം സമയമുണ്ടാകും, നിര്‍മ്മാണത്തില്‍ സുഗമമുണ്ടാകില്ല, ഉല്‍പ്പാദനം തകരാറിലാകും, പല കാര്യങ്ങളും ഉണ്ടാകും. നിങ്ങള്‍ രാജ്യത്തെ വിദ്യാര്‍ത്ഥികളുടെ അടുത്തേക്ക് പോകുക, അവര്‍ക്കായി ഹാക്കത്തോണ്‍ നടത്തുക. എംഎസ്എംഇക്കാര്‍ തങ്ങളെയും സര്‍ക്കാരിനെയും എവിടെയും പ്രതിഷ്ഠിക്കരുത്. ഈ രണ്ട് മേഖലകളിലും നമ്മള്‍ കഠിനാധ്വാനം ചെയ്യാന്‍ തുടങ്ങിയാല്‍, രാജ്യത്തെ യുവ പ്രതിഭകള്‍ നിരവധി പ്രശ്നങ്ങള്ക്ക് പരിഹാരം നല്‍കും, ഒപ്പം അവര്‍ക്ക് പ്രവര്‍ത്തിക്കാന്‍ കഴിയുന്ന ഒരു മേഖലയെക്കുറിച്ചുള്ള ആശയം നമ്മുടെ യുവ പ്രതിഭകള്‍ക്ക് ലഭിക്കും. നമ്മള്‍ ഇതിലേക്ക് പോകണം, സ്റ്റാര്‍ട്ട്-അപ്പ് മഹാകുംഭില്‍ നിന്ന് പ്രവര്‍ത്തനക്ഷമമായ ചില പോയിന്റുകള്‍ പുറത്തുവരുമെന്ന് ഞാന്‍ വിശ്വസിക്കുന്നു. ആ പ്രവര്‍ത്തനക്ഷമമായ പോയിന്റുകള്‍ നമുക്ക് മുന്നോട്ട് കൊണ്ടുപോകാം. ഞാന്‍ നിങ്ങളോട് വാഗ്ദാനം ചെയ്യുന്നു, ഇപ്പോള്‍, അടുത്ത ഒന്നര മാസത്തേക്ക് ഞാന്‍ അല്‍പ്പം തിരക്കിലാണ്, പക്ഷേ അതിനുശേഷം, നിങ്ങള്‍ക്ക് എന്നെ ലഭ്യമാണ്. നിങ്ങള്‍ മുന്നോട്ട് പോകണമെന്നും പുതിയ സ്റ്റാര്‍ട്ടപ്പുകള്‍ സൃഷ്ടിക്കണമെന്നും സ്വയം സഹായിക്കണമെന്നും മറ്റുള്ളവരെ സഹായിക്കണമെന്നും ഞാന്‍ ആഗ്രഹിക്കുന്നു. നവീകരണം തുടരുക, പുതുമയുള്ളവരെ പിന്തുണയ്ക്കുന്നത് തുടരുക. നിങ്ങളുടെ അഭിലാഷങ്ങള്‍ ഭാരതത്തിന്റെ അഭിലാഷങ്ങളാണ്.
11-ാമത്തെ വലിയ സമ്പദ്വ്യവസ്ഥയില്‍ നിന്ന് 5-ആം സ്ഥാനത്തേക്ക് ഭാരതം മാറിയിരിക്കുന്നു, എന്റെ രാജ്യത്തെ യുവജനങ്ങള്‍ ഇതില്‍ ഒരു പ്രധാന പങ്ക് വഹിച്ചു. ഇപ്പോള്‍, ഞാന്‍ ഭാരതത്തിന് ഉറപ്പ് നല്‍കിയിട്ടുണ്ട്, എന്റെ മൂന്നാം ടേമില്‍ ഭാരതത്തെ ലോകത്തിലെ മൂന്നാമത്തെ വലിയ സമ്പദ്വ്യവസ്ഥയാക്കുമെന്ന് ഞാന്‍ ലോകത്തിന് ഉറപ്പുനല്‍കിയിട്ടുണ്ട്. ഈ കുതിപ്പില്‍, സ്റ്റാര്‍ട്ടപ്പുകള്‍ ഒരു പ്രധാന പങ്ക് വഹിക്കും, എനിക്ക് അത് കാണാന്‍ കഴിയും.
സുഹൃത്തുക്കളേ,
നിങ്ങളെല്ലാവരുമായും ആശയം പങ്കുവെച്ചത് എനിക്ക് ഇഷ്ടപ്പെട്ടു. നിങ്ങളുടെ ഉത്സാഹവും ഊര്‍ജവും എന്നിലും ഒരു പുതിയ ഊര്‍ജ്ജം നിറയ്ക്കുന്നു.
നിങ്ങള്‍ക്കെല്ലാവര്‍ക്കും ആശംസകള്‍!
വളരെ നന്ദി.
NS
(Release ID: 2016477)
Visitor Counter : 57