প্রধানমন্ত্রীগী লোইশঙ
প্রধান মন্ত্রীনা ভুতানগী প্রধান মন্ত্রীগা লোয়ননা লৈবাক অনিগী ওইবা মীফম পাংথোকখ্রে অমসুং এম.ও.য়ুশিং খুৎশীন্নখ্রে
Posted On:
22 MAR 2024 6:30PM by PIB Imphal
ঙসি প্রধান মন্ত্রী শ্রী নরেন্দ্র মোদীনা তিমফুদা মহাক ইকায়খুম্নবা উৎপা ওইনা লাংবা চাক্লেন অমদা ভুতানগী প্রধান মন্ত্রী সেরিং তোবগেগা উনখ্রে। পারোদগী তিমফু ফাওবগী খোঙচৎ মনুংদা মীয়াম্না হরাও-তয়াম্না ওকপগা লোয়ননা অখন্নবা ওইনা তরাম্না মহাক ওকপগীদমক প্রধান মন্ত্রীনা ভুতানগী প্রধান মন্ত্রী তোবগে থাগৎপা ফোঙদোকখি।
তোঙান-তোঙানবা হিরম কয়াদা লৈবাক অনিগী মরক্তা লৈনরিবা মরীশিংগী মতাংদা লুচিংবা অনিনা খন্নখি অমসুং রিনিউএবল ইনর্জি, লৌউ-শিংউ, য়ুথ একচেঞ্জ, মহৌশাগী অকোয়বগী ফিবম অমসুং উমং অমসুং তুরিজমগুম্বা হিরমশিংদা মখা তানা মতেং পাংনবা হেনগৎহন্নগী মতাংদা য়ানবা অমা পুরকখি। চেৎনা থাজবা, অফবা অমসুং থাক খুদিংমক্তা লৈবাক অমনা অমবু থাজনবা য়ুম্ফম ওইদুনা ভারত অমসুং ভুতানগী মরক্তা মতম কুইরবা অমসুং অখন্নবা মরী কয়া লৈনরি।
মীফমগী মাংওইননা, প্রধান মন্ত্রী মোদী অমসুং ভুতানগী প্রধান মন্ত্রীনা ইনর্জি, ললোন-ইতিক, দিজিতেল কন্নেক্তিবিতি, স্পেস, লৌউ-শিংউ, নহারোলশিংগী হিরমদা তোঙান-তোঙানবা এম.ও.য়ুশিং/য়ানচেশিং খুৎশীন্নবা শরুক য়াখি।
https://bit.ly/3xa8U7y
****
(Release ID: 2016160)
Visitor Counter : 106
Read this release in:
English
,
Urdu
,
हिन्दी
,
Marathi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam