કમિશને એવા ડીએમ અને એસપીની બદલી કરી, જેમને અનુક્રમે આઈએએસ અને આઈપીએસની પદવી આપવામાં આવી નથી. ગુજરાત, પંજાબ, ઓડિશા અને પશ્ચિમ બંગાળ એમ ચાર રાજ્યોમાં 8 નોન-કેડર એસપી/એસએસપી અને 5 નોન-કેડર ડીએમની બદલી કરી

હાલમાં ચાલી રહેલી લોકસભા ચૂંટણી 2024માં સમાન તક પ્રદાન કરવા માટે પોતાની પ્રતિબદ્ધતાને આગળ વધારતા, ભારતીય ચૂંટણી પંચે આજે ગુજરાત, પંજાબ, ઓડિશા અને પશ્ચિમ બંગાળ જેવા ચાર રાજ્યોમાં જિલ્લા મેજિસ્ટ્રેટ (ડીએમ) અને પોલીસ અધિક્ષક (એસપી) તરીકે નેતૃત્વના હોદ્દા પર તૈનાત નોન-કેડર અધિકારીઓ માટે બદલીના આદેશો જારી કર્યા છે. જિલ્લામાં ડીએમ અને એસપીની પોસ્ટ અનુક્રમે ભારતીય વહીવટી અને ભારતીય પોલીસ સેવાના અધિકારીઓ માટે આરક્ષિત છે.

પંચે મુખ્ય ચૂંટણી કમિશનર શ્રી રાજીવ કુમારની અધ્યક્ષતામાં ચૂંટણી કમિશનર શ્રી જ્ઞાનેશ કુમાર અને શ્રી સુખબીરસિંહ સંધુ સાથે બેઠક યોજ્યા બાદ આ નિર્ણય લેવામાં આવ્યો હતો.

જે અધિકારીઓની બદલી થવાની છે તે આ મુજબ છેઃ

1. ગુજરાત – છોટા ઉદેપુર અને અમદાવાદ ગ્રામ્ય જિલ્લાના એસ.પી.

2. પંજાબ – પઠાણકોટ, ફાજિલ્કા, જલંધર ગ્રામીણ અને મલેરકોટલા જિલ્લાઓના એસએસપી

3. ઓડિશા – ઢેંકનાલના ડી.એમ. અને દેવગઢ અને કટક ગ્રામીણ જિલ્લાના એસ.પી.

4. પશ્ચિમ બંગાળ – પૂર્વા મેદિનીપુર, ઝારગ્રામ, પૂર્વા બર્ધમાન અને બીરભૂમ જિલ્લાના ડી.એમ.

આ ઉપરાંત પંચે ચૂંટાયેલા રાજકીય પ્રતિનિધિઓ સાથેના તેમના સગપણ અથવા પારિવારિક જોડાણને ધ્યાનમાં રાખીને પંજાબમાં એસએસપી ભટિંડા અને આસામમાં એસપી સોનિતપુરની બદલી કરવાનો પણ નિર્દેશ આપ્યો છે. વહીવટ પક્ષપાતી હોવાની અથવા સમાધાન કરવામાં આવે તેવી કોઈ પણ આશંકાઓને દૂર કરવા માટે આ બંને જિલ્લાના અધિકારીઓની આગોતરા પગલાં તરીકે બદલી કરવામાં આવી છે.

આ નિર્દેશ હેઠળ, તમામ સંબંધિત રાજ્ય સરકારોને તાત્કાલિક અસરથી ડીએમ અને એસપી / એસએસપી તરીકેની તેમની વર્તમાન ભૂમિકાઓમાંથી નોન-એન્કાર્ડેડ અધિકારીઓની તાત્કાલિક બદલી કરવા અને કમિશનને પાલન અહેવાલ સુપરત કરવા સૂચના આપવામાં આવી છે.

AP/GP/JD

સોશિયલ મીડિયા પર અમને ફોલો કરો :  @PIBAhmedabad    /pibahmedabad1964    /pibahmedabad  pibahmedabad1964[at]gmail[dot]com