প্রধানমন্ত্রীগী লোইশঙ
প্রধান মন্ত্রী নরেন্দ্র মোদীনা রাস্ত্রপতি জেলেন্সকিগা ৱারি শানখ্রে
লুচিংবা অনিনা ভারত-য়ুক্রেনগী মরুপ-মপাং ওইবা মরীশিং মখা তানা ফগৎহন্নবা লম্বীশিং খন্নখি
মীয়ামগী য়াইফনবা মীৎয়েং থম্বা ভারতকী থৌশিলগী মতাংদা প্রধান মন্ত্রীনা অমুক হন্নবা ফোঙদোকখি অমসুং মুক্নবা ৱারোইশিন পুরক্নবা ৱারি শান্নবা অমসুং দিপ্লোমেসিগী পাম্বৈ শীজিন্ননবা তকশিনখি
শান্তি ওইবা পাম্বৈ অমা শৌগৎনবা লৈবাক অসিনা ঙম্বগী মনুংদা ভারতনা খুদিংমক মখা তানা পাংথোক্কনি হায়না প্রধান মন্ত্রীনা ফোঙদোকখ্রে
ভারতনা মখা তানা য়ুক্রেন মীয়ামগীদমক মতেং পাংবগীদমক রাস্ত্রপতি জেলেন্সকিনা থাগৎপা ফোঙদোকখ্রে
प्रविष्टि तिथि:
20 MAR 2024 6:19PM by PIB Imphal
ঙসি তেলিফোন্দা প্রধান মন্ত্রী শ্রী নরেন্দ্র মোদীনা য়ুক্রেনগী রাস্ত্রপতি ভোলোদিমিয়র জেলেন্সকিগা ৱারি শানখ্রে।
লুচিংবা অনিনা তোঙান-তোঙানবা হিরমশিংদা ভারত-য়ুক্রেনগী মরুপ-মপাং ওইবা মরীশিং মখা তানা ফগৎহন্নবা লম্বীশিং খন্নখি।
হৌজিক চৎথরিবা রুসিয়া-য়ুক্রেন কনফ্লিক্কী মতাংদা খন্নবদা, মীয়ামগী য়াইফনবা মীৎয়েং থম্বা ভারতকী থৌশিলগী মতাংদা প্রধান মন্ত্রীনা অমুক হন্নবা ফোঙদোকখি অমসুং মুক্নবা ৱারোইশিন পুরক্নবা ৱারি শান্নবা অমসুং দিপ্লোমেসিগী পাম্বৈ শীজিন্ননবা তকশিনখি।
লৈবাক অনিগী মরক্তা ৱাথোক খুদিংমক অথুবা মতমদা অমসুং শান্তি ওইনা লোইশিন্নবগীদমক থবক খুদিংমক ভারতনা শৌগৎলি হায়না মহাক্না ফোঙদোকখি। শান্তি ওইবা পাম্বৈ অমা শৌগৎনবা লৈবাক অসিনা ঙম্বগী মনুংদা ভারতনা খুদিংমক মখা তানা পাংথোক্কনি হায়না প্রধান মন্ত্রীনা মখা তানা ফোঙদোকখি।
ভারতনা মখা তানা য়ুক্রেন মীয়ামগীদমক মতেং পাংবগীদমক রাস্ত্রপতি জেলেন্সকিনা থাগৎপা ফোঙদোকখ্রে।
মখা তানা পাউ ফাউনবা হায়না লুচিংবা অনিনা য়ানখি।
****
(रिलीज़ आईडी: 2015803)
आगंतुक पटल : 151
इस विज्ञप्ति को इन भाषाओं में पढ़ें:
English
,
Urdu
,
Marathi
,
हिन्दी
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam