ইন্দিয়ন কাউন্সিল ওফ এগ্রিকলচরেল রিসর্চ (ICAR) অমসুং ধনুকা এগ্রিতেক লিমিতেদনা মেমোরেন্দম ওফ অন্দর্স্তেন্দিং(MoU) অমা খুৎয়েক পীনখ্রে। ICARগী দিপুতী দিরেক্তর জেনরেল (এগ্রিকলচরেল এক্সতেন্সন), দা. য়ু.এস. গৌতম অমসুং ধনুকা এগ্রিতেক লিমিতেদকী চিয়রেম, দা. আর.জি. অগরৱালনা মখোয় মশাগী ওর্গনাইজেসনশিংগী মহুৎ শিন্দুনা ঙরাং MoU অসি খুৎয়েক পীনখি।

দা. গৌতমনা হায়খি মদুদি য়ানা ৱারোল অসিগী পান্দমদি ইন্সতিত্যুসন অনিমক্কী ইফিসিএন্সীবু লৌমীশিংদা অনৌবা তেক্নোলোজী ফংহন্নবা শীজিন্নবনি। মহাক্না হায়খি মদুদি লৈবাক অসিদা লৌমী করোর 14.5 হেন্না লৈরি অমসুং মসিগী মনুংদা লৌমী অয়াম্বনা অপীকপা লম লৈ। ধানুকা এগ্রিতেকনা সেন্ত্রেল ইন্সতিত্যুৎশিং, ATARIশিং অমসুং KVKশিংগা খুৎশম্নদুনা অপীকপা লৌমীশিং অসিদা লৌউ-শিংউগী পোত্থোক পুথোকপগা মরী লৈনবা ত্রেনিং পীগনি।

দা. গৌতমনা হায় মদুদি ঙসি মালেম পুম্বনা ক্লাইমেৎ চেঞ্জগী শীংনবশিং মায়োক্নরি অমসুং ভারত অসিসু মসিগী চৈথেং নংদবা নত্তে অসিগুম্বা তানফম অসিদা ক্লাইমেৎ-ফ্রেন্দলী ওইবা লৌউ-শিংউগী পোত্থোক পুথোকনবগী অনৌবা পাম্বৈ অমা পুন্না পুথোক্নবা ইন্সতিত্যুসন অনিমক্না পুন্না থবক তৌমিন্নবগী তঙাইফদবা লৈ হায়না মহাক্না হায়খি। MoU অসিগী পান্দমদি হোংলক্লিবা অকোয়বগী ফিভম অসিদা মহৌশাগী লৌউ-পথাপ প্রমোৎ তৌবা অসিনি হায়না মহাক্না মখা তাখি।

দা অগরৱালনা হায়খি মদুদি ধানুকা এগ্রিতেকনা ICAR-ATARI অমসুং KVKশিংগা খুৎশম্নদুনা এদভাইজরি সর্ভিস ফংহনগনি অমসুং লৌমীশিংবু ত্রেন তৌগনি। থৌরম অদুদা ICAR গী এসিস্তেন্ত দাইরেক্তর জেনরেল, দাইরেক্তরশিং, সেনিয়র সাইন্তিস্তশিং অমসুং ICAR হেদক্বার্তর্সকী সেনিয়র ওফিসরশিংসু শরুক য়াখি।

*******