ప్రధాన మంత్రి కార్యాలయం
పిఎం-సూర్య ఘర్: ముఫ్త్ బిజిలీ యోజన కింద కోటికిపైగా కుటుంబాల నమోదుపై ప్రధాని అభినందన
Posted On:
16 MAR 2024 9:19AM by PIB Hyderabad
ప్రధానమంత్రి-సూర్య ఘర్: ముఫ్త్ బిజిలీ యోజన కోసం కోటికిపైగా కుటుంబాల నమోదుపై ప్రధానమంత్రి శ్రీ నరేంద్ర మోదీ ఇవాళ హర్షం ప్రకటించారు.
ఈ మేరకు ‘ఎక్స్’ ద్వారా పంపిన ఒక సందేశంలో:
‘‘ఇదెంతో అద్భుతమైన వార్త! ఈ పథకానికి శ్రీకారం చుట్టిన నెల రోజుల వ్యవధిలోనే కోటికిపైగా కుటుంబాలు ప్రధానమంత్రి-సూర్య ఘర్: ముఫ్త్ బిజిలీ యోజన కింద నమోదు చేసుకున్నాయి. ఆ మేరకు దేశం నలుమూలల నుంచి దరఖాస్తులు వెల్లువెత్తాయి. అస్సాం, బీహార్, గుజరాత్, మహారాష్ట్ర, ఒడిషా, తమిళనాడు, ఉత్తరప్రదేశ్‌ల రాష్ట్రాల పరిధిలో 5 లక్షలకుపైగా కుటుంబాలు నమోదు చేసుకున్నాయి. ఇంకా నమోదు చేసుకోనివారు pmsuryaghar.gov.in ద్వారా ఈ అవకాశాన్ని త్వరగా సద్వినియోగం చేసుకోవాలి’’ అని ప్రధానమంత్రి పేర్కొన్నారు.
అలాగే ‘‘ఈ కార్యక్రమం వల్ల విద్యుదుత్పాదనకు భరోసా లభించడంతోపాటు గృహవిద్యుత్ చార్జీల భారం గణనీయంగా తగ్గడం ఖాయం. అంతేకాకుండా భూగోళం ఆరోగ్యానికి ఎంతగానో దోహదం చేసే పర్యావరణ హిత జీవనశైలిని (లైఫ్-LiFE) ఇది ఎంతగానో ప్రోత్సహిస్తుంది’’ అని స్పష్టం చేశారు.
***
(Release ID: 2015336)
Visitor Counter : 227
Read this release in:
Tamil
,
Marathi
,
English
,
Urdu
,
Hindi
,
Bengali
,
Manipuri
,
Assamese
,
Punjabi
,
Gujarati
,
Odia
,
Kannada
,
Malayalam