కేంద్ర సమాచార ప్రసార మంత్రిత్వశాఖ 18 ఓటిటి ప్లాట్ఫారంలపై చర్యలు తీసుకుంది. అశ్లీల, అసభ్య, ప్రసారాలు కొన్నింటి విషయంలో మహిళలను అసభ్యంగా చిత్రాల ప్రసారం వంటి వాటి కారణంగా కేంద్ర ప్రభుత్వం వీటి   ప్రసారాలను నిలిపివేసింది. వీటితోపాటు 19 వెబ్సైట్లు, 10 యాప్లు (7 గూగుల్ ప్లే స్టోర్లోనివి కాగా ,3 ఆపిల్ యాప్ స్టోర్లోనివి) ఉన్నాయి. ఈ ప్లాట్ఫారంలకు అనుబంధంగా   ఉన్న 57 సోషల్ మీడియా ఖాతాలను భారతదేశంలో అందుబాటులో లేకుండా ప్రభుత్వం చర్యలు తీసుకుంది.

అశ్లీల కార్యక్రమాలు, అసభ్యకార్యక్రమాలను ప్రసారం చేయరాదని, ఆయా ప్లాట్ ఫారంలు బాధ్యతతో వ్యవహరించాలని కేంద్ర సమాచార ప్రసార శాఖ మంత్రి శ్రీ అనురాగ్ సింగ్ ఠాకూర్ పలు మార్లు సూచించారు. సృజనాత్మక వ్యక్తీకరణ ముసుగులో అశ్లీలతను ప్రసారం చేయరాదని కూడా సూచిస్తూ వచ్చారు.  అశ్లీల, అసభ్య కంటెంట్ను ప్రసారం, ప్రచురణ చేస్తున్నందుకు 18 ఒటిటి ప్లాట్ఫారంలపై చర్యలు తీసుకున్నట్టు 2024 మార్చి 12న కేంద్ర మంత్రి శ్రీ అనురాగ్ ఠాకూర్ తెలిపారు.

ఇన్ఫర్మేషన్ టెక్నాలజీ యాక్ట్ 2000లోని నిబంధనల ప్రకారం ,భారత ప్రభుత్వంలోని వివిధ విభాగాలు, మంత్రిత్వశాఖలు, డోమైన్ నిపుణులు, మీడియా, ఎంటర్టైన్మెంట్ రంగాలలో నిపుణులు, మహిళా హక్కులు, పిల్లల హక్కుల రంగంలో నిపుణులతో సంప్రదించిన అనంతరం ఈ నిర్ణయం తీసుకున్నారు.

ఒటిటి ప్లాట్ ఫారంల జాబితా

.కంటెంట్ స్వభావం:

ప్రభుత్వం నిలిపివేసిన ప్లాట్ఫారంలలో చాలావరకు ప్లాట్ఫారంలలో అశ్లీల, అసభ్య ప్రసారాలు, మహిళలను అసభ్యంగా చిత్రించే కార్యకలాపాలు ఉన్నాయి. సందర్భశుద్ధి లేకుండా నగ్నత్వాన్ని, లైంగిక కార్యకలాపాలను కొన్ని ప్రసారం చేశాయి. కొన్ని టీచర్కు విద్యార్థికి మధ్య అవాంఛిత సంబంధాలను, అనుచిత కుటుంబ సంబంధాలను ఇవి ప్రదర్శించాయి. కొన్నింటిలో అశ్లీల కంటెంట్తోపాటు ఎలాంటి సందరరర్భం సామాజిక సహేతుకత లేకుండా అభ్యంతకర సన్నివేశాలను, ప్రదర్శించారు.. ఇలాంటివి ప్రాథమికంగా ఐటి చట్టంలోని సెక్షన్ 67, సెక్షన్ 67 ఎ,మహిళల అసభ్య చిత్రీకరణ నిరోధక చట్టం 1986  సెక్షన్ 4 , ఐపిసిలోని సెక్షన్ 292 లకు విరుద్ధంగా ఉన్నాయి.

చెప్పుకోదగిన స్థాయిలో వీక్షకులు:

ఒక ఒటిటి యాప్ కోటి డౌన్ లోడ్లను సాధించింది.మరో రెండు గూగుల్ప్లే స్టోర్నుంచి డౌన్ లోడ్ అయ్యాయి.దీనికి తోడు ఈ ఒటిటి ప్లాట్పారంలు సోషల్ మీడియా ప్లాట్ఫారంలను విస్తృతంగా వాడాయి. ఇవి ట్రైలర్లు, కొన్ని ప్రత్యేక దృశ్యాలు, వెబ్ సైట్లకు ఎక్స్టర్నల్ లింకులు ఇవ్వడం ద్వారా వీక్షకులను ఆకర్షిస్తున్నట్టు గుర్తించారు. ఇలాంటి ఒటిటి ప్లాట్ఫారంల లను ఫాలో అవుతున్న వారు 32 లక్షలకు పైనే ఉన్నారు.

సమాచార ప్రసార మంత్రిత్వశాఖ ఎప్పటికప్పుడు ఒటిటి ప్లాట్ఫారంలు, ఐటి నిబంధనలు 2021 కింద ఏర్పాటైన స్వయం నియంత్రిత సంస్థల ద్వారా ,వెబినార్లు,వ ర్క్షాప్ల ద్వారా ప్రజలకు అవగాహన కల్పించే చర్యలు చేపడుతోంది.

ప్రభుత్వం ఒటిటి పరిశ్రమ వృద్ధి, అభివృద్ధికి కట్టుబడి ఉంది. ఈ దిశగా పలు చర్యలు సైతం తీసుకుంది.54వ అంతర్జాతీయ ఫిల్మ్ ఫెస్టివల్ ఆఫ్ ఇండియాలో వెబ్ సిరీస్కు ప్రారంభ ఒటిటి అవార్డును కూడా ప్రవేశపెట్టింది. మీడియా , ఎంటర్టైన్మెంట్ రంగాల సహకారంతో దీనిని ఏర్పాటు చేశారు. 2021 ఐటి నిబంధనల కింద తేలిక పాటి రెగ్యులేటరీ ఫ్రేమ్వర్క్ను తీసుకురావడమే కాక, ఐటిరూల్స్ 2021 కింద స్వీయ నియంత్రణ ప్రాధాన్యతను తెలియజేస్తూ వస్తోంది.

***